تخيل إنك حققت كل اللى بتتمناه ..

تخيل إنك حققت كل اللى بتتمناه
جبت العربية اللى إنت عايزها .. وإشتريت البيت اللى بتتمناه .. وإتجوزت البنت اللى بتحلم بيها .. وإشتغلت فى الشركه اللى هتموت عليها .. ورصيدك فى البنك 10 مليون دولار
وحياتك مستقرة وزى الفل … برضو هتحس إنك عايز أكتر
هتسيب كل اللى عندك ده وتبتدى تدور على اللى مش عندك
عشان إنت فى مكان صفته ( النقصان ) .. عارف الجمله اللى بتقول ( ميملاش عينه غير التراب )
أنا مصدقها جدآآ وبشوفها فى ناس كتير .. أنا مش بقولك متسعاش إنك تحقق كل الحاجات الجميلة دى .. لا إسعى وإجتهد وهتجيلك .. بس خلى قلبك مع اللى خلقك !!
عارف يعنى إيه الزهد فى الدنيا .. يعنى خلو القلب منها مش خلو اليد
يعنى ممكن يكون معاك مال قارون بس قلبك مع اللى خلقك مش بيفكر فى كل الحاجات دى .. عشان عارف إنها مش دايمة .. خلى عقلك فى الدنيا وقلبك فى الآخرة 

كتب بواسطة | أحمد رشاد