أحمد سيسيتحفيزيمقالاتمقالات الاعضاء

كريم عبدالعزيز وازاى تعرف شغفك!

فى لقاءه مع أمير كرارة، سأله بدأت رحلتلك ازاى؟
– قاله واحد صحبى أيام المعهد (بالمناسبة كريم خريج معهد سينما قسم اخراج) يعنى مكنش ممثل فى الأساس، صحبه عرض عليه فى يجي يمثل دور صغير لحاجة بيعملوها فى المعهد!

كريم بيقول أنه بعد ما عمل أول شوت، حس إحساس حلو جدا، وقال “ايه الانبساط ده، حسيت بمتعة رهيبة.. الوقفة ورا الكاميرا ليها متعة، بس الوقفة قدام الكاميرا ليها متعة تانية”

لفت نظرى جدا لما وصف احساسه لما جرب، واد ايه كان مبسوط ولقي نفسه مستمتع جدا، رغم ان ده مش مجال دراسته الأساسي!

ايه علاقة ده بالشغف؟

ديما بقول ان الشغف هو الشعور بالانبساط أو الإحساس المتعة اللى بتحسه بعد ما بتعمل فعل معين!

ده التعريف المناسب للشغف، عشان كدة عمرك ما هتعرف شغفك من غير ما تجرب كذا مجال، كريم لو مكنش جرب مكنش هيعرف الاحساس اللمتع ده، ولا كان هيبقي كريم عبدالعزيز الممثل الموهوب اللى كلنا نعرفه دلوقتي!

شغفك مش هيجيلك من غير ما تجرب وتسعى فى كذا حاجة، شغفك مش حاجة لازم تكون شاطر فيها، شغفك مش حاجة بتتولد بيها، شغفك بتكتشفه من الحياة والتجربة مش بالكلام النظرى..

ياما ناس كتير جدا بتكون فاكره انها بتحب مجالات معينة، بس بيكون حب من طرف واحد، لانه مجربش وممكن لما يجرب يطلع مش بيحبها وبيحب حاجة تانية!

نصيحتى ليك، جرب مجالات كتيير، اسأل نفسك ايه اكتر مجال نفسى استكشفه، وأقرا عنه ، واتعلم فيه أكتر..

والاجابة هتجيلك من التجربة مش بأى حاجة تانى

بواسطة | أحمد سيسي

مقالات ذات صلة

زر الذهاب إلى الأعلى
إغلاق
إغلاق