مايسة مدني

انا هغير حياتي عشان اصحابي عاوزين كدا !

أنا هغير طباعى علشان اصحابى عاوزين كدا!
انا هغير لبسى علشان البيت عاوزين كدا!
انا هغير حياتى علشان فلان عاوز كدا!
انا هغير شغلى او طريقتى لأن زوجى عاوز كدا!
انا هغير صحابى وكل عاداتى الى هى جزء منى علشان زوجتى عاوزة كدا!
انا هغير واغير واغير علشان فلان عاوز كدا!

من أحد المبادئ الى بقيت منتشرة كتير جداً مبدأ التغيير ولكن منتشر بصورة خاطئة تماماً
الشخص يوم ما يفكر ان يغير حاجة فيه بسبب شخص آخر او حتى شئ بيبقى حكم على نفسه باستحالة التغيير النهائي.
لان انا هغير حاحات علشان شخص وفعلاً هتغير والدنيا حلوة وتمام ولكن لما يزول الشئ او الشخص الى تغيرت مخصوص علشانه هتبدأ المشكلة تتفاقم!
تتفاقم بمعنى ان تحصل انتكاسة ده انا هرجع زى الاول واكتر كمان ، زى المدمنين لما بيبطلوا علشان شئ ويرجعوا للإدمان بيرجعوا بشراهه.
لذلك الى عاوز يغير فيه حاجه بجد سواء اسلوب حياة ، طباع ،عادات خطأ لازم التغيير يكون نابع من الشخص نفسه.
نفسك هى الى بتقلك اتغير علشانى مش علشان اى حد تانى او اى شئ.
لان الرغبة فى التغير الحقيقى الصادق النابع من جوه الشخص هو الى بيكمل وهو الى مهما حصل مش بيرجع ليه تانى لانه مش مشروط .
وقت ما تفكر تتغير اتغير علشان نفسك لأن نفسك تستحق وهى اولى من اى شخص او حاجه!

مجرد #فضفضة

ملحوظة
لو حابب تشوف البوستات الى نزلتها قبل كدا وفاتك تقدر تشوفها كلها من هنا

كتب بواسطة : مايسة مدني

مقالات ذات صلة

زر الذهاب إلى الأعلى
إغلاق
إغلاق