فاطمة حمديمتنوعمقالاتمقالات الاعضاء

المخ البشري The human brain

الحقيقه إن فقرتنا النهارده أنا بعتبرها من إحدي الفقرات اللي بتشكل جذور علم النفس و اللي من وجهة نظري الشخصيه ليها علاقه بكل إنسان علي الكره الأرضيه أيا كان تخصصه أو مجال عمله، و المقدمه دي نبذه بسيطه عن الفكره اللي هنناقشها النهارده ألا و هي..

( المخ البشري The human brain )

– في الواقع إن رغم التقدم العلمي اللي بذله العلماء و الأطباء المتخصصين لإكتشاف مكونات المخ تشريحيا و مجهوداتهم اللي قدروا يتوصلوا من خلالها لعلاج معظم أمراض المخ إلا إنهم لحد وقتنا الحالي مازالت كثير من خبايا و أسرار العقل مجهوله!

– مش هنقدر ننكر إن ف السنوات الأخيره الأبحاث العلميه زادت بشكل ملحوظ و اللي كان معظمها بيحاول يبحث في مكونات الذكاء و الوعي و الذاكره و اللغه و الإنفعال و كيفية إتخاذ القرار..و اللي كانت بتطرح أسئله ف غاية الاهميه و التعقيد زي مثلا..

– إيه الفرق بين العقل و المخ؟
-‏ إيه هي وظيفة العقل الأساسيه؟
– ‏هل الوفاه هي موت القلب و لا توقف الدماغ؟
-هل فيه علاقه بين حجم المخ و نسبة الذكاء؟
– ازاي المخ بيخزن الذكريات و بيرتبها؟
-‏ إزاي الإنسان بيفقد الذاكره؟
-‏ مركز الوعي موجود فين تحديدا ؟
-‏ الانفعالات بتتكون من إيه و مكانها فين ؟
-‏ ليه بنحب و ليه بنكره و إيه المراكز العصبيه اللي بتتحكم ف ده؟
-‏ إزاي تفكير المرأه بيختلف كليا عن تفكير الرجل؟

و غيرها كتير من الأسئله الشائكه اللي بمجرد طرحها بيتكون عندنا كم كبير من علامات الإستفهام اللانهائيه..
لكن رغم كل ده مش هنقدر ننكر مجهودات العلماء اللي وصلتهم لإكتشاف أنواع كتير من أجهزة الأشعه المقطعيه اللي قدروا من خلالها يفحصوا المخ البشري بتفاصيله الدقيقه المعقده زي مثلا..

-رسام المخ الكهربائي (EEG)
-‏الرنين المغناطيسي (MRI)
-‏التدفق البيوزيتروني (PET)

الحقيقه إن لو حاولنا نتكلم عن كل تقنيه من دول علي حدي هنكون محتاجين أكتر من فقره عشان نشرح طرق إستخدامهم و بنستخدمهم ف إيه أصلا و كل تقنيه فكرتها بتقوم علي إيه و مميزات و عيوب كل واحده فيهم..

• نبذه بسيطه عن أهميتهم •

– إكتشاف الأورام السرطانيه
– تشخيص مرض الصرع
– التهابات المخ الفيروسيه
– الكشف عن الوفاه
– ‏نوبات التشنج
– ‏مشكلة تأخر الكلام
– ‏شلل الدماغ
– ‏التوحد

خلينا متفقين إن قبل م هنتكلم عن كل ده لازم الأول نعرف شوية حاجات مهمه زي مثلا..

• إيه هو العقل؟
• إيه الفرق بين المخ و العقل؟

– بإختصار شديد << العقل عباره عن كلمه معنويه تشمل جميع العمليات العقليه أما المخ هو العضو المادي اللي موجود فعليا داخل الجمجمه >>
( و العمليات العقليه دي زي التفكير و الإستنتاج و الإدراك و الفهم و التذكر و التخيل و التحليل )

” ‏بمعني آخر ” << إذا أدي المخ البشري وظيفته يصبح عقلا >>

– كمان لازم نوضح إن مفيش أي علاقه بين حجم المخ و نسبة الذكاء بدليل أن

– الفيل عنده مخ أكبر من مخ الانسان و رغم ده الفيل ليس أذكي من الإنسان

– و أينشتاين أعطي مخه للتشريح بعد وفاته و الحقيقه انهم ملاقوش أي فرق بين مخ أينشتاين و أي شخص يعاني من التخلف العقلي
لكن الإختلاف كان في وظيفة الخليه العصبيه في المخ

– و دلوقتي وصلنا لنهاية فقرتنا و اللي تعمدت إنها تكون بسيطه لأنها عباره عن مقدمه في

” علم النفس الفسيولوجي “

كتب بواسطة : فاطمة حمدي

مقالات ذات صلة

زر الذهاب إلى الأعلى
إغلاق
إغلاق