فاطمة حمديمتنوعمقالاتمقالات الاعضاء

ليه معظم الناس بتكتب بالإيد اليمين ؟

” إزيكم يا شباب “
-‏مبدأيا كلنا متفقين إن العقل بيستوعب المعلومات بشكل تدريجي من السهل للصعب من البسيط للمعقد و هكذا و حقيقي مقدره جدا شغفكم في إننا نتكلم بإستفاضه عن الموضوعات اللي سواء بنناقشها أو بتقترحوها في الكومنتس..

-الإسبوع اللي فات كان عباره عن مقدمه في علم النفس الفسيولوچي و إتكلمت تحديدا عن المخ البشري و جاوبت عن بعض الأسئله اللي أثارت جدل نوعا ما حول أخطاء تداخل المصطلحات ، و اللي كان هدفي ببساطه شديده إني أقدر أبني أساس يتيح ليا تقديم باقي الفقرات بشكل مبسط و سلس..

-هنتكلم النهارده عن نبذه في التشريح الوظيفي للمخ و اللي بتقوم فكرته علي توضيح وظائف كل جزء و إزاي بيشتغل و المسمي العلمي للأجزاء المخيه و وظائفها و إيه الأماكن اللي ممكن يحصلنا فيها خلل أو تلف و لو ده حصل إزاي بيأثر علينا و غيرها كتير من خبايا المخ البشري..

✓ طيب عمرنا فكرنا قبل كده ليه معظم الناس بتكتب بالإيد اليمين و ليه بعضهم بيستخدم الإيد الشمال في الكتابه..!

‏تعالوا نعرف السبب..

• نصفي المخ Brain Hemiospher •

– المخ بيتكون من نصفيين كرويين أيمن و أيسر و النصف الأيمن ده اللي بيتحكم ف كل حركات الجانب الأيسر من الجسم و العكس صحيح
و في دراسات إتعملت عن فكرة
السياده المخيه..
” Hemisphere dominance “

اللي بتأكد إن فيه نصف معين بيسيطر علي النصف التاني و لو بنسب بسيطه و بالفعل أنتجت الأبحاث أن النصف الأيسر للمخ المتحكم في الجانب الأيمن من الجسم هو اللي بيسيطر في الغالب عند معظم الناس و بالتالي ده بيفسرلنا ظاهرة ” الأيامي”
مستخدمين اليد اليمني في الكتابه
‏و بيوضلحنا سبب ” الأياسر “
‏مستخدمين اليد اليسري في الكتابه

✓ طيب إيه هي أصلا وظائف النصفيين الكرويين و بيمثلوا إيه ف حياتنا..!

« وظائف النصف الأيسر من المخ »

-الوظيفه اللغويه
-الوظائف التحليليه
-‏التعامل مع الرموز و الكلمات
-‏العمليات الحسابيه المعقده
-التعامل مع المهارات الرقميه
-‏التعرف علي الألوان و الموسيقي

« وظائف النصف الأيمن من المخ »

-التعرف علي الوجوه
-الوظائف المرتبطه
” بالحدس و الإنفعال و الإبداع و التخيل “
-تحديد الأشكال ثلاثية الأبعاد
” فيما يسمي بالقدره المكانيه البصريه “
-العمليات الحسابيه البسيطه
-‏الإدراك الحسي و القدرات الفنيه

« كمان لازم نعرف إن نصفي المخ بيتصلوا ببعض عن طريق حزمه من الألياف العصبيه إسمها العلمي
الجسم الثفني Corpus callosum »

✓ طيب عمرنا فكرنا إيه هو الجزء المسؤول عن قدرتنا علي الحركه و التوازن..!

الحقيقه إن المسؤول عن ده عضو إسمه
« المخيخ Cerebellum »
هو عباره عن جزء كروي صغير يقع أسفل المخ يحتل حوالي 10٪ من حجم الجمجمه
ليه علاقه ببعض الوظائف المعرفيه زي
الإنتباه و اللغه و رد الفعل
بالإضافه لبعض الوظائف الأساسيه زي ما قولنا التحكم في تنسيق و توقيت الحركه و التوازن و العضلات الإراديه

✓ طيب لو لقدر الله تم إصابة الجزء ده إيه حجم الضرر اللي ممكن يقع علينا..!

« في الواقع إن الأعراض الشائعه اللي إتفق عليها معظم المختصون هي..»

– خلل في المشي و من ثم سقوط المريض بسبب عدم التحكم في توازنه و في الحالات المتأخره يحدث إنعدام القدره علي الحركه كليا
– ‏عدم القدره علي الكتابه بشكل جيد لأنه يتحكم في العضلات كما قلنا
– ‏عدم القدره علي الكلام أو بطئ أو تشويش في إخراج الكلمه لأنه مسؤول عن اللغه

كتب بواسطة :

فاطمة حمدى

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق