أحمد حمزةمتنوعمقالاتمقالات الاعضاء

المنطق ليس ان تنتقد شىء و تشجع على انتشاره

ازااي تشوف منظر مش كويس فتضايق منه وتبقى مش عاوز حد تاني يشوفه فتشجعه على الانتشار وتساعده وانت مش واخد بالك ؟ !!

الـ algorithm بتاعة الـ Facebook خصوصا بتساعد الـ posts اللي عليها تفاعل أكتر انها تظهر لناس أكتر ،، وكلنا عارفين ده تقريبا .. بس تصرفاتنا ليه مش باين منها اننا فاهمين ؟

لما تلاقي فيديو لواحد بيفسر قرآن غلط .. أو واحدة منزله فيديو وهي بتسمع أغنية وبترقص مثلا ،، ولا أي كلام انت ذات نفسك مش حابب تشوفه ..

فتقوم حضرتك كاتب كومنت طويل عريض تهاجم فيه الناس دي ..

أو تقوم مشير الفيديو وتكتب فيه انتقاد محترم ..

هل انت كده بتعمل حاجة صح ؟ !!

– آه طبعا انت مسعتش حديث النبي – صلي الله عليه وسلم – : ” من رأي منكم منكرا فليغيره بيده فإن لم يستطلع فبلسانه فإن لم يستطع فبقلبه ،، وذلك أضعف الإيمان ” ؟؟

= وهنا في لبس .. لبس كبير جدا يعني ،،

هل انت كده بتغير المنكر ده ؟ !!

خلينا نوضح حاجة قبل ما نجاوب عالسؤال ده :

الـ Facebook هو App يعني حاجة معندهاش عقل .. أول ما بتشوف كومنت ع حاجة .. ده معناه بالنسبة لها ان الحاجة دي حلوة والناس بتـ comment عليها .. وبناءا عليه .. هنوريها لناس أكتر ونرفعها في الـ News Feed لناس تانية .. وتلاقي ظاهرلك عالأ news feed فلان commented على الفيديو الفلاني او الصورة الفلانية .. أو عمل share .. او liked البوست الفلاني ..

طب واللي مفيش عليه تفاعل ؟ بالنسبة للـ Facebook هو مفيش تفاعل يعني معجبش الناس 😀

يعني منوريهوش لناس تانية .. يعني ندفنه ،،

نرجع نجاوب ع السؤال بقا ..

هل أنا فعلا لما أعمل كده عالـ social media يبقى أنا فعلا بغير المنكر ده ؟؟

لا .. انت بالشير بتاعك اللي بتنتقده فيه ده او بالكومنت اللي بتنصحه فيه ده انت بتساعد المحتوى اللي معجبكش أو المحتوى غير الاخلاقي ده انه يظهر لناس اكتر .. بتخلي المنظر اللي عينك اشمأزت منه لما شافته ده .. ناس تانية تشوفه وتحس نفس إحساس الإشمئزاز ده ،،

أمال مقولش رأيي ؟؟ منصحهوش ؟؟ مغيرش المجتمع ؟؟

= لا طبعا .. قول رأيك بس من غير شير للفيديو او البوست ده .. انصحه في رسالة انصحه وجها لوجه .. لكن مش في comment عالصورة اللي مش عاجباك دي ولا عالبوست اللي انت شايفه غلط ،،

وعلى النقيض .. أي حاجة تحس انها مفيدة تبقى عاوز ناس تانية غيرك تشوفها تتفاعل معاها بـ comment أو share فالـ Facebook يفهم ان دي حاجة كويسة فيظهرها في الـ News Feed لناس أكتر .. وهكذا ..

كتب بواسطة | أحمد حمزة

مقالات ذات صلة

زر الذهاب إلى الأعلى
إغلاق
إغلاق