تحفيزيمتنوعمقالاتمقالات الاعضاءيارا مجدي

مهارة الذكاء العاطفى ..

“Emotional intelligence”
اتكلمنا المقال اللى فات عن تحفيز الذات و هنتكلم النهاردة عن جزء من الوعى الذاتى”Self_Awareness ” خاص بالافكار

العالم “أرون بيك” مؤسس النظرية السلوكية المعرفية اتكلم عن حاجه اسمها ” الافكار التلقائية السلبية ” واللى بتشكل جزء كبير عن نفسنا و عن المجتمع واللى حوالينا وقد تكون مغلوطة ، ذكر ان اسبابها بتكون اخطاء التفكير اللى بنرتكبها واحنا بنفكر …

هنشوف بعض أخطاء التفكير وامثله ليها و ازاى نقدر نديرها :
1_ التعميم :
مثلا وانت صغير مدرس كان بيضايقك فتصدر فكرة ان كل المدرسين وحشين ، وده مش منطقى لانك ما اتعاملتش مع كل المدرسيين فى الدنيا ..

2_ التفكير القطبى :
الكُل او اللاشئ ، يا اجيب 100% يا بلاش نقص نص الدرجة شبة الصفر 

3_ التفكير السلبى :
التركيز على الامور السلبيه فقط سواء فى الاشخاص او الاحداث ، ممكن يكون حصل فى اليوم 10 حاجات كويسه و حاجه واحده وحشه نركز على الوحشه ونسيب ال 10 حاجات الحلوين اللى حصلوا

4_ القفز الى الاستنتاجات :
صديقك مردش على التليفون مثلا يبقى مش بيقدرنى مش معبرنى وهكذا قفزت للاستنتاج بدون مبرر او دليل
¥ كأنك بتقرأ افكاره وحكمت عليه بدون نقاش معاه ولا معرفة مبرراته

5_ شخصنة الاحداث :
أنا السبب  حتى اذا الموضوع مش تبعك اساسا

6_ عبارات الوجوب :
لازم تعمل كده ! لازم ده يحصل !
ايه خلاه لازم منعرفش انعدام المرونه فى التصرف

7_ التقليل مش شأن الاحداث الايجابية :
تكون بتميل اكتر انك تخفض من الاحظاث الايجابيه او تحولها لسىلبيه

8_ التضخيم و التقليل :
تقليل من شأت احداث كبيرة و هامه ، و تضخيم امور تافهه

– الافكار السلبية بتبقى عامله شبة الزنانه فى دماغنا مش بتسكت الا لما نواجها ونحاول نديرها قدر المستطاع
لرصد الافكار السلبية ومواجهتها فى تمرين كويس ليها ممكن يتعمل بشكل جدول يوميا ، تكتب الموقف اللى حصل معاك ثم الافكار السلييه اللى جاتلك بعد الموقف ده وايه شعورك وتديله تقييم وبعدين تشوف ايه الخطأ الفطرى اللى ارتكبته
وهنا اهم خطوه هل فى ادلة منطقية للى بقوله ؟
– مثلا :اعتقد انها بتكرهنى وعايزه تأذينى …طيب ايه اللى عملته يخليكى تتأكدى ؟ بتبصلى من فوق لتحت!

• بيبدأ يظهر اذا كانت الفكره فعلا صحيحه ام غير منطقية
صحيحه هتبدأى تاخدى اجراءات تحمى نفسك بيها
– طيب ملهاش اساس ودليل من الصحه هتفكرى ليها فى فكره بديلة مثلا كانت سرحانه ومش قصدها وتبدأى ترصدى مشاعرك بعد الفكره البديله هتلاقيها بدأت تهدى وهكذا تمرين يومى يساعدنا فى ادارة الافكار السلبيه 

مقالات ذات صلة

زر الذهاب إلى الأعلى
إغلاق
إغلاق