كيف تكون محاضر ناجح: الطرق الصحيحة لتصبح محاضر محترف

في المقالة دي هنتكلم عن كيف تكون محاضر ناجح او مدرب محترفة بس لازم تسأل نفسك الاول قبل اي حاجه.

• ليه بقى ؟

ليه عايز تبقى مدرب او محاضر؟
مهم جدا قبل ما تدخل المجال تسأل نفسك السؤال ده
وتشوف كل الاسباب من كل الجهات وتحاول على اد ما تقدر تكون نظرتك مش بس قصيرة الاجل
لا كمان شوية بعيده و مغطية معظم الجوانب

مثلا :

_هل ليك رسالة معينة حابب توصلها عن طريق التدريب
_ هل شايف ان سماتك الشخصية متوافقه مع المهنه وهكذا …
وتبقى عارف ان المجال فى اوله مش سهل

واهم حاجه فيه اكتساب الخبرات بالتدريب الكتير والمستمر
وانك فى الاول ممكن معظم الشغل يكون unpaid لغاية ما تاخد خبرات تثقل بيها نفسك وتلاقى فرصة مناسبه

كيف تكون محاضر ناجح

_______

كيف تكون محاضر ناجح

• جرب المجال الاول :

ادخل اى نشاط طلابى تابع ليك واتطوع فى لجنة التدريب وجرب الموضوع بنفسك
= طيب انا مش طالب
متزعلش ادخل اى مشروع تطوعى فيه لجنة تدريب

– جمعية رسالة عامله حاجه حلوه جدا اسمها RTC وهو اختصار لمركز رسالة التدريبى واعتقد ليه فروع فى كل المحافظات روح اسأل فى المحافظة التابعه ليك واعرف اجراءات التطوع
______

كيف تكون محاضر ناجح: لازم تاخد TOT :

هو مش لازم اوى بس ماشى
_اختصار ال tot يشير الى تدريب المدربين
” train of trainers “
وهنا بقى وسع للهرى اللى بيحصل ورقة وقلم واكتبوا معايا يا جماعه انه مفيش حاجه اسمها كورس معتمد ب ٢٥٠ ج او ٣٥٠ و كده 
كورسات ال tot المعتمدة عالميا فعلا المحترمه فى رينج من 4 ل 7 الاف “بالشهادة بيقل من غيرها “
جوندى واسأل على اعتمادك قبل ما تدرس * مش مهم الشهاده على اد ما مهم العلم اللى هتستفيد بيه 

_ مفيش حاجه اسمها مدرب معتمد من جامعة كذا ” فى مصر” او من البورد الفلانى والعلانى او من الشبكه العالمية المش عارفه ايه ” هرى كله هرى ” 

_ مفيش كورس Public Speaking
ثلاث ساعات هيطلعك مدرب

“مكنش حد غُلب”
_____

– ازاى اقدر اختار كورس ال tot وميضحكش عليا ؟

  • هتعرفها من سعرها  كبداية
  • بتدرس فيه حاجه اسمها Instructional Design
    يعنى تصميم للماتريال التدريبية
    “وده مش بيبقى موجود فى الهرى “
  • يُفضل يكون كورس تفاعلى
    based on project
    يعنى فى اخرالكورس
    تعمل مشروع تخرج من الكورس
    تطبيق فيه لايف كل اللى اتعلمته خلال الكورس
  • – طبعا ده غير ان هيكون فيها ازاى تعرف الاحتياجات التدريبية للجروب اللى معاك
    وازاى تتعامل معاه
    ازاى تعمل ورشة عمل وتديرها
    وتدرس المتدربين اللى هيحضرولك و
    تهندل الاشخاص والمواقف الصعبة
    _____

– اتعلم اتعلم اتعلم وطور نفسك باستمرار :

_ احضر لناس خبرة فى المجال واتعلم على ايديهم واسألهم مش عيب ابدا
_ موقع Lynda عليه كورسات فى التدريب واعداد الماتريال كويس جدا جدا “اعمل سيرش بس بالاسم “
_  فى كتب مهمه فى المجال زى Training for Dummies وغيره وده هسيب اللينك بتاعه تحت كمان شوية خليك متابع 
_ المهارات الاجتماعية من ذكاء اجتماعى ومرونه فى العلاقات وتكوين شبكات اجتماعية هيفيدك فى المستقبل جدا
_____

اقرأ ايضاً

يعني ايه HR وابرز الفوارق بين ال HR والPR وخصائص عمل كل منهم؟
مما يتكون العقل البشري؟ وها تعرف بما يسمي مخ السحلية
أهم مبادئ اللغة الألمانية -وكيفية تعلمها من الصفر