المهارات الناعمه ..

الـ Soft Skills ومصادر لتعلمها، ولكن في البداية تعالوا نعرف إيه هي الـ Soft Skills.

الـ Soft Skills أو المهارت الناعمة هي عبارة عن مهارات بتتعلق بالذكاء العاطفي والاجتماعي والمنطقي، بحيث إنها تمكنك من التعامل والتواصل مع الناس (سواء في بيئات العمل المختلفة أو في الحياة العادية) بشكل أفضل وأكثر فعالية.

الـ Soft Skills هي مهارات كتيرة جدا وأقسام أكتر، فمن أقسامها (على سبيل المثال لا الحصر):
1- مهارات التواصل: واللي بتشمل التواصل الكلامي والكتابي وحسن الاستماع للآخرين، وكذلك عرض الأفكار من خلال الرسومات التوضيحية.
2- مهارات العمل الجماعي: ودي بتحتاج مهارات تواصل جيدة، بجانب مهارات التفاوض والتعاون، وتبادل الأفكار بشيء من الوضوح.
3- التكيف مع بيئة العمل.
4- حسن اتخاذ القرار، وحل المشكلات: ودة بيكون من خلال تعلم آليات التحليل (Analysis) والتفكير المنطقي والإبداعي وأساليب حل المشكلات.
5- الإبداع بشكل عام.
6- إدارة الوقت والمهام الذاتية (ودي هنفرد لها منشور خاص لأهميتها الشديدة).
7- التحدث أمام العامة.

ودي مهارات مهمة جدا علشان تقدر تتعامل مع الأشخاص بشكل عام وزملائك في العمل بشكل خاص، ودة لإننا كأشخاص مختلفين تمامًا عن بعضنا؛ علشان كدة ونظرا لأهميتها عملت مسار مُقترح لتعلم مختلف المهارات الناعمة

وطبعا عملته في ملف PDF علشان التنظيم وسهولة الوصول للكورسات، كذلك هتلاقوا كورسات كتير جدا ومتعمقة في أقسام كتير من أقسام المهارات الناعمة خد منها ما يناسبك واترك الباقي (أكرر، خذ منها ما يناسبك واترك الباقي)، ولكن أنا حرصت على توفير أكبر قدر ممكن علشان كل واحد يلاقي المناسب ليه

ملحوظات:
1- تصفح كل الكورسات قبل ما تبدأ تتعلم وشوف الوصف بتاع كل الكورسات على الموقع حتى ولو كانت بنفس الاسم أو اسم مختلف ولكن في نفس المجال؛ ودة لإنها هتكون بتتناول نفس الموضوع بس بمنظور مختلف، كذلك لو أحد الكورسات مكتوب على الصفحة الخاصة بيه في الموقع إنه غير متوفر حاليا إبقى أرجعله بعدين علشان في الغالب بيكون بيتحدث أو حاجة.

2- لما تلاقي كلمة (Specialization/MicroMaster) فدي معناها إنهم مجموعة كورسات في نفس المجال، ولكن متقسمين بحيث كل كورس يشمل موضوع معين في المجال الأساسي.

3- كلمة (Duration/Effort) معناهم الوقت المُتوقع من قِبل الناس اللي وضعت الكورس لإتمامه، فممكن ياخد منك أقل وممكن أكتر، على حسب قدراتك واجتهادك، فمتتخضش قوي لما تلاقي كورسات مدتها كبيرة