متنوعمحمود غزلانمقالاتمقالات الاعضاء

محمود غزلان (وزير ال PR)

انا محمود غزلان (وزير ال PR).. والنهارده تانى بوست معانا فى الفقرة بتاعتنا ويعتبر اهم بوست للبداية فى مجال زى ال PR او للبداية بدايه صح فى حياتك بصفه عامه..
اغلب الناس لما سالت المره اللى فاتت الاسبوع اللى فات قالوا

*احنا عايزين نبدأ فى المجال .. ابدأ ازاى ؟!*

*انا حاسس ان المجال ده ليا بس عايز اعرف ابدأ صح ازاى فيه*

ده السؤالين الغالبين .. ورغم ان الاجابه بسيطه وقد تكون موحده بس برضه هغطى الاسئلة وندخل فى المفيد على طول بعدها ..

مجال ال PR زى ما قولنا من اكتر المجالات الممتعه والمرهقه فى نفس الوقت ..

هتقولى *ليه؟!* ..
هقولك لان ببساطه المجال ده محتاج واحد له مزاج فى الشحططه والتنطيط واحد بيحب يدخل فى المعمعه زى ما بيقولوا .. واحد بيحب يسيب اثر وبصمه واحد بيحب يتعلم من الاخطأ مش بيغلط وبيركن ويقول انا فاشل انا فاشل…

*لا.. هو بيفرح بالخطأ عشان بيقول انا اخطأت اذا انا هتعلم حاجه جديده*

اهم الصفات اللى تميز شخصية ال PR ايه او ايه اهم السمتات اللى بيحتاجها الشخص فى شخصية ال PR عشان يبقا كويس ويطور نفسه ب استمرار؟!

ملحوظه: يومنا دسم النهارده فى ركز معايا كده وهات ورقه وقلم عشان كل بوست هنشرحه هتكتب منها فقرات فى كشكولك 

يلا نبدأ… 
=====
● اول حاجه وممكن الكل يستغربها بس هى حقيقه : انه يكون Motivation .. لنفسه ولغيره ..

لانه هيمر بمواقف كتير فى حياته تكسره وتديله طاقة سلبيه عمره ما يتخيلها ف انت محتاج يبقا عندك immune system (جهاز مناعى بما اننا فى كلية علوم بقا وكده) هتحتاج مناعه قويه للمواقف دى وهى ال motivation اللى هتعتبر المناعه بتاعتك

*اصبر بس انت هتشوف العجب فى المجال اصبر*

● تانى حاجه Communicator : متكلم كويس اوى ..

محتاج تكون واحد بيعرف يتعامل مع كل الانواع والاصناف البشريه بتعرف تميز الاسلوب اللى تتكلم وتتعامل بيه مع كل واحد كويس اوى اوى ..
محتاج انك تكون واحد دارس كويس الانماط المختلفه وقرات على الاقل فى ال4 انماط الاساسين للانسان اللى هما ال (القيادى – التحليلى – المعبر – الودود) .. وعندك معلومات كافية من ال16 نمط الشاملين ال هما تبع اختبار 16 Personality.. او ال MBTI test حد سمع عنه قبل كده ولا لا

هنتطرق للموضوع اكتر فى يوم شرح الانماط ان شاء الله لكن النهارده الفرشه الاساسيه لل PR اللى منها هتعرف انا محتاج ايه عشان ابقا PR فعلا..

● تالت حاجه ومن الاهميات جدا جدا : Negotiator مقنع ..

اه انت لو قررت تدخل المجال ده لازم تدرس “علم الاقناع” وانا بقول علم وتدرسه لان انت عشان تقنع شخص .. بتحتاج توصل للعقل الباطن عنده بتدرسه من الاخر (عارف شارلوك هولمز ايوه ان شاء الله هتاخد جزء منه من المجال ده) ..
مش دايما هتلاقى نفسك مقنع فى تعاملاتك.. بص حوليك كل يوم فى تعاملاتك كده ..
كام مره النهارده فى يومك اقنعت حد بحاجه او بفكره ؟! قليل اوى مش كده .. عشان تقنع الناس ب الافكار انت بتحتاج تدرس الناس و عشان تدرس الناس .. ف ده محتاج لنا يوم كامل نشرح فيه ال Negotiation skills وهيحصل ان شاء الله ضمن الفقره 

● رابع حاجه و هى اللى بتميز اى Instructor واى PR واى شخص فى الدنيا عن التانى : ال Presentation..

انك تعمل برزينتيشن مش معناه انك تطلع وتحضر للموضوع وتلقى وتقدم محاضرة كانك فى الكلية بس لا ده كمان بيشمل ال Presentation بتاعك لما تتكلم مع موظفين وعمال ومجموعة شباب مع بعض انت مسلم انك ممكن تتحط فى المواقف دى يعنى هتتحط فيها

ف انت عشان توصل لمستوى برزينتيشن محترم مش محتاج مجرد دراسة بس .. *لا.. انت محتاج تكون نفسك* ..
يعنى ايه اكون نفسى؟! .. يعنى تخلى طريقتك الخاصه هى اللى تميزك .. متقلدش حد .. كريم اسماعيل طريقته بتنفع عشان هو كريم اسماعيل مش عشان طريقته هى الصح المطلق.. عشان كده Be yourself

● واخر واهم حاجه معانا وهى الاهم فيهم من وجهة نظرى فعلا واللى لها الاعظم منهم وهناخد لها وقت اكبر نتكلم فيها فى يوم ب تعمق شديده وهى ال Leadership:

القياده .. ازاى اصلا هيبقا فيا كل اللى فوق دول وانا معنديش القدره على التحريك والتوجيه .. كللللل اللى فوق ده يندرج تحتها .. كل اللى فوق ده مهم بس الاهم بيهم دى .. ازاى اقنع حد من غير ما اكون مؤثر بطريقتى فى الناس ؟! .. مينفعش….

عشان كده انك تكون قائد مش بس ب انك تكون صاحب المكان .. لا انت تقدر تكون قائد وانت مجرد عضو صغير فى المكان .. انت تقدر تكون قائد وانت ميمبر فى لجنة من لجان اى تيم بس كله ب عدة ابعاد (اختيار كلماتك – حسن الاسلوب – الرزانه – الهدوء – التحليل – الخ…) هنتطرق فيها ب استفاضه اكتر فى يومها بأمر الله 

ممكن تقول يا نهار ابيض انا مش افقه اي حاجه فى دول .. انا مينفعش اكون PR .. هقولك لا طبعا كل ده قابل للتعليم وانا هعلمه لك ان شاء الله

فاضل حاجه اخيره نقولها بما ان الفقره مرتين بس فى الاسبوع ف قولت ادام احنا بنتعلم PR ف ليه مديكمش طرف خيط لحاجه حلوه زى دى وتخلينى ادام انا بتعلم PR اروح اجرى على النت واتعلم مهارة جديده برضه.. (الصديق الصدوق للPRains هو جوجل واليوتيوب حبهم عشان يحبوك) 

طب ايه هى الحاجه اللى عايزنا نتعلمها يا غزلان!!

● عارف دكتور ابراهيم الفقى ؟!

اه اعظم مبرمج فى الهندسه اللغويه العصبيه واعظم محفز مر على التاريخ ..
حلو اوى .. اخدت بالك من جملة الهندسه اللغويه العصبيه ؟!

عمرك فكرة تبحث عنها فى اى مكان 

طيب تعال اقولك قصه عليها :

* الساعه 11.30ص …

يركب شريف عربة المترو .. العربه ممتلاءه .. والتكدس بعض الشيء ..
يدخل شريف العربه ويقف ممسكاً بسقف العربه ..

تتحرك العربه ثم تمر دقائق .. شريف يقف .. تبدأ عليه علامات عندم الارتياح فى الظهور .. لما عليه تلك العلامات!!
يبدوا وان شخص ما امامه ينظر الى عينية بصورة مباشره ولا يغير ناظريه .. شريف غير مرتاح الى نظراته .. ماذا يفعل ماذا يفعل!!

تذكر شريف انه قد قرأ فى شيء يطلق عليه الهندسه اللغويه العصبيه .. انه اذا اردت ان تعجل شخص يرتبك ويرتجف .. انظر الى حذائه ب استمرار

نعم .. الى الحذاء

قام شريف بلعب الحيله الذكيه ثم نظر الى حذاء الرجل ب استمرار .. فلاحظ ظهور علامات ارتباك وتوتر على الرجل .. انه ينظر الى حذائى .. ماذا به ؟!! ماذا بحذائى يجعله ينظر هكذا .. ظل الرجل مرتبك دقيقه ثم ادار وجهة الناحيه الاخر وفاز شريف فى الحيله ..

نجح شريف فى تنفيذ خطته ووصلت العربه المحطه التى ينزل بها شريف .. فخرج منها وهو يبتسم *

ايه رايك ف الروايه .. انفع راوى!

ده مثال مبسط على حيله ضمن حيل الهندسه اللغويه العصبيه…

شايف اللى عمله شريف ده .. دى اسمها هندسه لغويه عصبيه : فيه حيل كتير عنها وفيه تعمق اكتر فيها ممكن نتطرق لها هى خصيصا فى يوم لوحدها ونختار مع بعض عايزنها امتى..

الهندسه اللغويه هتساعدك فى تحسين حاجات كتير عندك زى (تعاملاتك – تنظيم وقتك – انجاز مهامك – اختيار نسب الاختيارات فى حياتك …الخ) امور عظيمه تانيه كتير بتحسن حياتك تدريجياً ..

وحاجه كمان اتعلمناها من البوست .. ان اى كلمه غريبه او جديده عليا اقرأ فيها وابحث عنها فى جوجل واليوتيوب وابقا ملم عنها زى ما قولت لك مثال دكتور ابراهيم الفقى كان كلمة “هندسه لغويه عصبيه” غريبه شويه ف انت تاخدها وتبحث عنها اكتر وتتعمق اكتر واكتر فيها.. 

انك تقرر تكون حاجه دى شيء جميل لكن الاجمل انك تثبت بالتعب والشغل انك عايز تكون الحاجه دى .. اتعب فى تطوير نفسك عشان تلاقى كل ده ثمرة علمك وتعليمك لنفسك طول الفتره دى .. 

● وبكده نكون خلصنا بوست النهارده ب كم كلمات جديده ومعلومات جديده محطوطه فى البوست ما عليك الا انك تاخد من البوست Copy الكلمه البسيطه دى وتروح على جوجل الجميل بتاعنا وتبحث عنها وتقرأ كتير اقرأ كتير اوى اوى .. واتفرج على فيديوز كتير .. عقلك اغلى حاجه عندك استغل ده ونميه اكتر واكتر استثمر فى عقلك .. مش فى بطنك 

اللى هيميزك فى المجال ده عن اى PR تانى هى مهاراتك .. انك تكون مميز بيها يعنى انك تكون خبره فيها .. مش بس خبرة تعليم من غير تمرس .. لا اتعلم وانزل مارس وجرب بنفسك ال PR (Public relations) العلاقات العامه .. مش بتثبت الا بالممارسه والاستمراريه..

دول كانوا اهم 5 اعمده محتاجهم فى البى ار فى البدايه .. وكمان معاهم الهندسه اللغويه العصبيه اللى هى من اهم الامور اللى محتاج تدرسها ..

المهمه بتاعتك بقا يا بطل ال PR بعد ما خلصت البوست (انك هتسيب كومنت ب اختيارك ضمن الامور اللى اتكلمنا فيها فوق دى عشان على حسب الاختيار الغالب هنتكلم المره الجايه ب استفاضه اكتر واكتر عنهم + لو عندك اى سؤال سيبه برضه هكون مبسوط بيه 
ولو عندك اى اضافة قولها هكون سعيد بيها اكتر واكتر 

واستنا ان شاء الله الاسبوع الجاى يوم الاتنين الساعه 9م مع بوست جديد وحاجه جديده بإذن الله هنتعلم مع بعض واحده واحده 

وبكده اكون خلصت 

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق