مما يتكون العقل البشري؟ وها تعرف بما يسمي مخ السحلية


في المقالة دي هنتكلم علي مما يتكون العقل البشري وجزء منه بيسمي مخ السحلية, هنعرف اهمية الجزء ده في جسم الانسان والاسرار السبعه للاقناع.

مما يتكون العقل البشري

مما يتكون العقل البشري
انت تعرف ان عقلك عباره عن عقلين ؟!
ايون بالظبط زى ما تنحت كده فيه عندك نوعين من العقل (خلينا نتكلم بالبساطه) :

1. عقل واعى : هادئ وبيفكر بطول بال كويس اوى اوى
2. عقل لا واعى : غريزى وتلقائى ومعتمد على الميول حسب الحب والرغبه

الجزء اللا واعى ده هو الاساسى عندنا فى (الاقناع او التفاوض) هو ده الجزء اللى بنشتغل عليه .
الجزء ده بنسميه (دماغ السحليه) عشان حسب الدراسات الاخيره ف هو الجزء الاساسى فى تغير القرارات والاحكام عشان كده لازم نتعلم نتكلم لغته كويس اوى ..

مما يتكون العقل البشري

وعشان نتكلم لغته ..
يبقا لازم نعرف لغته الاول ايه هى

بس قبل ما نقول ايه لغته نقول الاول مثال على الاقناع من العقل اللاواعى ده :
تخيل ان عندنا واحد تخين .. عايز يخس .. اشطا ؟!
قدامه طبق فيه شيكولاته وتفاحيه ..هو شايف من الوعى انه ياكل التفاحه عشان هيساعده ف انه يخس ..
بس هو عارف ان عشان تخس هتاخد وقت طويل اوى ..
بس لو اكلت الشيكولاتيه هتحس بطعم احلى والذ من التفاحه فى وقت قصير (وده اللى العقل اللاواعى بيعمله) بيحفزك للشيكولاتيه ف تاكلها (ف تفضل مكلبظ)

مما يتكون العقل البشري

الاسرار السبعه للاقناع

عشان كده لازم نتعلم كلنا الاسرار السبعه للاقناع وهما كالاتى :

السر الاول : تتكلم بلغة دماغ السحليه  :

و ده ب اربع خطوات اساسيه :-

مما يتكون العقل البشري
  • تعمل اتاحه عقليه للشخص اللى بتحاول تقنعه :
    يعنى ايه اتاحه عقليه ؟!
    يعنى تكرار الحاجه كتير وانت بتكلمه هيخليها حاضره فى ذهنه وكل ما الحاجه كان سماعها بيزيد فى ودان الشخص كل ما كان فرصة اقناعه بيها اكتر واكتر
  • الترابط : اول حاجه جت فى بالك ايه اول ما قولت ( شعار تفاحه متاكل منها جزء صغير ) .. شركة ابل !!
    بالظبط كده هو ده الترابط
    انك تخلى الشخص عارفك من مجرد ذكر حاجه بسيطه فيك ..
    لما بتفكر فى حاجه دماغك بتبدأ تربط بينها وبين حاجات تانيه كتير لها علاقه بيها
  • العاطفه :
    احنا قولنا العقل اللاواعى بيعبر بالعاطفه والحب والرغبه والاحتياج ..
    ف عشان تقنعه لازم تتكلم فى الحاجه من مبدأ العاطفه والاحتياج
    مثال : انت لما بتحب حاجه معينه ومعندكش اى وعى بيها بتبدأ تالف لها الاف السيناريوهات
    عشان بس تثبت انها حلوه لمجرد حبك لها لكن لو مش بتحب الحاجه دى ..
    هتألف لها مليون سيناريو عشان مش عايزها بس
  • غيرى عملها قبلى :او زى ما بيسموها علميا التفضيلات والسلوك
    طبعا احنا بنحب نجرب الحاجه اللى غيرنا جربها عشان اسلم حاجه
    وخصوصا لو كان فيها احسن تحصيل او مكسب صح ..
    ليه مش بنغامر طيب عشان تزود اختيار الشخص للراي بتاعك لازم توضح له انها افضل حاجه هتغطى احتياجاته اللى هو عايزها
    لان فيه كتير جربها قبله وفضله اوده بالظبط اللى شركة Nike بتاعة الملابس الرياضيه بتعمله فين
    ا لما بنشوف اى حد لابس اى علامه لهم .
    . بنحس ان الشخص ده رياضى جدا وانه حاسس بالراحه والارتضاء وكذلك برضه لو احنا نفسنا لبسنا اللبس ده .. ف هى هنا اشتغلت على الجزء ده فينا
مما يتكون العقل البشري

السر التانى : اهتم بالفعل متهتمش بالسلوك

يعنى ايه؟ 
يعنى انت محتاج عشان تغير سلوك حد انك تغير الفعل بتاعه مش انك تغير طريقة تفكيره فى الحاجه

مثال :
طفل صغير بيحب الشيكولاته وانت عايزه يبطل ياكلها هتعمل فيه ايه ؟!
هتضربه وتقوله بطل تاكلها ؟!
غلط انت كده بتحاول تغير سلوك ..
انت عشان تقنعه انه يبطل ياكلها وفر له البديل وهو الفاكهة اللى بيحبها وبكده تكون غيرت الفعل مش السلوك

السر التالت : والاهم من وجهة نظرى :

اوعى تغير الرغبه للشخص اللى قدامك ..
حققها له انت ممكن يكون فى بالك مفهوم الاقناع انك بتغير رغبت الشخص فى الحاجه اللى قدامك صح ؟!
بس ده مش صحيح ..

انت بتحقق له احتياجه فى الحاجه دى وانها فيها اللى هو عايزه او بعضه
يعنى مثلا لو انا ببيع عربيات وجالى زبون
الزبون ده نوعين :ذكراو انثى طبعا مينفعش ابيع بنفس الاسلوب للاتنين ..
ليه ؟!لان الذكر بيحب الاثاره والمتعه اما الانثى او البنت بتحب الامان
لما تيجى تقنع الشاب بالعربيه متذكرلهوش التفاصيل الدقيقه لانه غالبا مش هيهتم بيها اصلا ..
اذكر له الحاجه اللى تخليه مستمتع بالعربيه وهو بيسوقها ..
اذكر له ان العربيه هتخليه راقى وانيق فيها هنا هيحس بالاثاره وهيستجيب لك اكيد فى الطريقه دى لانك اشتغلت على (الحافز)

الحافز : من اهم الحاجات اللى اى شخص بيحبها..
انت اكدت للعميل ان العربيه هتخلى شكله انيق وراقى وكل الناس نفسها فى كده ف انت اشتغلت على الحافز بتاعه …

وكذلك بالنسبه للبنات فى جزء الامان

السر الرابع : متسالش .. اكتشف بنفسك

اكتر حاجه بتفشل المعامله هى السؤال للعميل مباشر انت عايز ايه؟!
.مع ان الصح انك تكتشف هو عايز ايه من كونه مشدود للحاجه اللى بيحبها دى ..
يعنى لو معاك منتج مشابه لمنتج العملاء بيستخدموه وعايزهم يجربوه متقولهوش انت بتحب ايه فى ده .

متسالش مباشر ..
لا اسأل حوليه لانك مش هتلاقى اجابة دقيقه وممكن تلاقى اجابات غير منطقيه وممكن تلاقى اللى بيقولك مش عارف ليه بحبه اصلا ف انت بتدرس الاول هما بيحبوه ليه وبعد كده بتضيفه للمنتج بتاعك او لو هو فيه بتذكره بعد كده فيه

السر الخامس : ركز على المشاعر

ايووون المشاعر شوف مشاعرة مايله ل ايه اكتر واشتغل عليه وده افضل من انك تحاول توصل بالمنطق لانك غالبا مش هتلاقى سبب منطقى لان زى ما قولنا دماغ السحليه عاطفى

السر السادس : اصنع حاجه اسمها (التجربه مع التنبؤ او ما نطلق عليه فى التسويق مصطلح ال Positioning)

بحيث ان الشخص اللى بتحاول تقنعه لما يجى يستخدم الحاجه بتاعتك يبقا عارف كويس انه من قبل ما يستخدمها او يعملها ف هو عارف انها افضل حاجه حتى لو كانت اغلى حاجه يعنى المثل المصرى (الغالى تمنه فيه )>

ده اللى بتعمله طبعا مش دايما اغلى حاجه افضل حاجه>
بس هو فعلا هياخد الاعتبار ده ف انت تحقق له ده حتى لو ب اغلى سعروده ممكن نسميه برضه صناعة ال Brand

يعنى مثال :لو جبت لك كوبايتين قهوه الاولى عليها شعار Starbucks والتانيه معلهاش اى شعار ..
والاتنين معمولين فى البيت عندى مش فى المصنع وسالتك انت شايف ايه الالذ فيهم ..
هتقول اللى عليها شعار Starbucks ..
ف هما صنعو التجربه مع التنبؤ هنا معاك رغم انها نفس القهوه

السر السابع : الكلام مش كل حاجه:

طريقتك فى الكلام هى الاهم مش الكلام نفسه .. لما تتكلم مع اى شخص حسسه ان كلامك معاه هيفيده حسسه ان الوقت معاك بفلوس وانه لو هيقرأ بوست لك طويل زى كده خلى اسلوبك يشده انه يقرأه ..
دايما اعتاد ان كلامك مش كل حاجه بس خلى اسلوبك هو الاهم واللى بيميزك عن غيرك وده بالظبط اللى فى السر السابع……..

الخلاصه بقا ايييه :

احنا اكلمنا عن مما يتكون العقل البشري واسرار الاقناع وعقل السحلية

حاول تغير اللى الشخص بيعمله بس متحاولش تغير طريقة تفكيره لانك لو حاولت تغيرها هيفتكر انك بتنتقده وبس .. والناس مش بتحب حد ينتقدها حتى لو قالك انه بيحب النقد لكن هو مش كده و هى دى (لغة دماغ السحليه)
وبكده نكون ختمنا وخلصنا الاقناع والتفاوض واحتفظ بكل كلمه فى التلات بوستز اللى نزلو دول معاك عشان بجد هيفيدوك كتير ان شاء الله .. وحاول انك تطبق كل حاجه من دول في حياتك عشان هيساعدوك كتير ان شاء الله. الموضوع ممتع وشيق جدا لكن محتاج دراسه كويس اوى اوى وبالنسبه للعلم ف هو له كتب كتيررر اووى

اقرأ ايضاً:

علم البرمجة اللغوية العصبية: ما هو هذا العلم وكيف نطبقه
الشخص اللى بتقابله بالصدفه و يبصلك بفضول