تحفيزيمحمود غزلانمقالاتمقالات الاعضاء

هو البطريق من الطيور ولا من الثديات ؟!

لشخص اللى زى ده بيحسسك بتوتر طب تعرف تحل المشكله دى ازاى

لو مش عارف ف تعال مع بعض سريعا كده هقولك تحلها ازاى مع اخر بوست فى البرمجه اللغويه العصبيه معانا النهارده ضمن فقرة (وزير الPR)

– مساء الخير عليك

=هو البطريق من الطيور ولا من الثديات ؟!

= طايب كام مره قولت لنفسك وانت بتقفل الباب بتاع شقتك وانت رايح الكليه او الشغل انا ناسى حاجه ولا لا ؟!

● كام مره اتحطيت فى موقف وانت فى الكلية والدكتور يسال سؤال زى اللى سالته فوق بتاع البطريق ده وتكون عارف اجابته بس تبقا خايف تجاوب او متردد؟!
طيب تعرف انت خايف ليه ؟! عشان من صغرك اتبرمجت انك لو جاوبت غلط .. صحابك هيضحكوا عليك .. وفضل الاحساس ده ملازمك لحد دلوقتى .. محتاج تعمل Reprogramming تانى عشان تحس براحه نفسيه وراحة بال وتقدر تكسر الخوف ده وترد مساء الخير عليك .. عامل ايه النهارده
● المره اللى فاتت خلصنا كلام فى الاقناع والتفاوض والنهارده موضوع جديد اوى اوى وممتع اوى اوى.. وهو (البرمجه اللغويه العصبيه) NLP
شايف السؤال اللى فوق ده بتاع البطريق!!انت لو اتسالته فى الكليه ممكن تتردد تجاوب عليه..عشان تحل المشكله دى محتاج تعمل Reprogramming لعقلك زى ما قولت من اول وجديد عشان تتغلب على الخوف اللى جواك ده..
شايف سؤال الباب ده برضه.. ده وسواس فى بعض الاوقات..تعال واحده واحده كده ناخد البرمجه اللغويه العصبيه من الاول ونعرف هتساعدنى فى ايه..مبدايا ببساطه كده برمجه لغويه عصبيه : من اسمها بتستخدم اللغه والاتصال العصبى (الحاله النفسيه للعقل والمخ) عشان ايه ؟! عشان تتخلص من مشاكل بتقابلك .. يبقا هى اساليب بتعملها عشان تخلصك من المشاكل والقلق الزايد وخلافه .. اشطا
تعرف انك ممكن تستخدمها عشان تاثر فى اللى قدامك وتخليه ينصاع لك .. ايه مفهوم التنويم المغناطيسى فى نظرك ؟! برمجه لغويه  كلمات بسيطه مع تعبيرات معينه مع توجيهات محدده بتدخل فى حالة من عدم الوعى للواقع بيسموها التنويم المغناطيسى
● ممكن استفاد بيها فى ايه برضه البرمجه اللغويه العصبيه دى؟!التعليم السريع وقراءت الكتب .. لو فيه كتاب بسبب اساليب القراءه السريعه الخاصه بيها هتتعلم تخلصه فى وقت قصير جدا وكمان تطلع منه ب اهم الحاجات اللى تفيدك فى حياتك
الجميل فى البرمجه اللغويه انها متنفعش علم نظرى .. الجميل اوى فيها انها عملى بس .. كلها عملى الاساليب ال18 بتوعها لازم يتطبقوا وهنتكلم فى كام اسلوب منهم النهارده وهنكمل الباقى المره الجايه يوم الخميس الجاى ان شاء الله
● انا واحد بتعلم فيها لحد دلوقتى بس اللى عايزك تثق فيه انك هتخرج من البوست ده والبوست الجاى واخد خلاصة البرمجه اللغويه اللى انت هتحتاج تستخدمها فى حياتك وده ثقه فى ربنا وفى الناس اللى قراءت لهم فيها.. البوست ده للى محتاج مدخل للبرمجه اللغويه ومن بعده تقدر تكمل فى كورسات اونلاين ف اليوتيوب وغيره كتير
= كام مره قولت انا فاشل فى حياتك ؟! عارف الموقف اللى بتقول عليه انا فاشل ده لو بصيت عليه تانى هتلاقى انك كررت الموقف ده فى حياتك بعد كده بتصرف مختلف وكان الغايه له نجاح مش فشل زى اول مره عارف ده ليه ؟!عشان انت بتعمل برمجه لغوية لعقلك وانت مش واخد بالك من كده الطريقة اللى بتعمل بيها الحاجه هى اللى فاشله وهى اللى غلط.. ف لما بتغيرها بتلاقى نتيجه مختلفه لك..
التجربه خير دليل .. عشان كده انت لازم تتطحن فى المواقف عشان تتعلم وتلاقى نفسك بتتغير للاحسن اكتر واكتر .. الموضوع ممكن تحسه داخل على محاضرة تحفيز والكلام ده .. لكن ده مش صحيح التحفيز كلمات بس لكن البرمجه اللغويه بتخليك تتاكد ان اللى اتقال ده هيتنفذ فى ارض الواقع فعلا
● تعرف حاجه عن قانون ال 21 يوم
القانون ده بيقولك ان كل عادة بتعملها لمدة 21 يوم بتتحول لسلوك .. يعنى عقلك الاواعى هو اللى بيتعامل معاها بعد كده مش الواعى يعنى ببساطه داوم على الحاجه 21 يوم هتلاقى نفسك تلقائى كل ما تصحا من النوم بتعملها هى اول حاجه او بتعملها على الاقل فى وقتها المخصص لها .. ف ده اسمه اعادة برمجه لعقلك ..
عارف فى الافلام لما بيقولك شريط حياتى بيتعرض قدامى .. تعرف ان عقلك فيه جوه شريط زي ده .. اه فعلا تخيل كده ان جوه عقلك فى كل الصور الذهنيه والكلام السيئى والحاجات اللى مش بتحبها دى كلها موجوده جوه عقلك وبتاثر عليك و عشان تتخلص منها تعرف انت محتاج وقت قد ايه ؟ (من 30 -40 سنه) .. ايووووه سنه وانا عشان مطولش هشرح لك دلوقتى شوية اساليب مهمه هتفيدك جدا جدا لما تستخدمها فى حياتك ونكمل فى الباقى يوم الاتنين الجى لانهم 18 اسلوب وكلهم هيعلموك حاجه جديده بجد اوى اوى 
الاسلوب الاول :. اسلوب الطلب : وانت بتطلب من حد يعملك حاجه تعرف انك ممكن طريقتك فى طلب الحاجه تبقا غلط ويترتب عليها انك متخلصش الحاحه اللى عايزها من الشخص ؟!طب عايزين مثال بسيطه : انا هطلب من احمد انه يتصل لى على محمد ب اسلوبين وانت هتلاحظ الاختلاف بتاع الاتنين انا : احمد انت ممكن تتصل ب محمد ؟!احمد : اه ممكن اتصل ب محمد شايف الرد بتاعه ده ؟! الرد ده لفظيا لكن تطبيقيا لا .. عشان انت لما عرضت عرضة بغرض السؤال لكن الاصح انك تعرض كدهانا : لو سمحت يا احمد اتصل ب محمداحمد : حاضر هتصل ب محمد طبعا الاولى الطف بس للاسف مش فعاله ومش بتنفع اغلب الوقت
الاسلوب التانى:. .التهرب من السؤال : فيه ناس بنقابلهم كتير بيحاولو يهربوا من اساله بنسالها لهم صح ؟! طيب نتصرف معاهم ازاى دول اول حاجه : هتقف عن الكلام نهائى وتسكت خالص وتبص فى عينه .. هتلاقيه تلقائى سكت لحظه وكمل كلامه استمر فى النظر لعينه .. هو مستمر فى الكلام .. هنا فيه احتمالين هيحصلوا 1. انه هيقولك ويوضح لك اكتر هو عمل كده ليه 2. انه هيقولك الحقيقه لو كان هو مقرر يكذب لان نظرتك لعينه معناها انك عارف الحقيقه بس بتجاريه فى اللى بيعمله ف هيقولك الحقيقه لو بيكذب
الاسلوب التالت:. روحت مكان جديد وعايز اتعرف على حد فيه انا اعجبت بيه وباسلوبه اعمل ايه وانا مش عارف حد هنا ؟! : بسيطه اوى .. مثال فى مدرسه ولسه اول يوم وعايز اتعرف على حد حسيته لطيف هروح له واقوله لو سمحت اشرح لى الجزء ده .. حتى لو انا عارف اجابته او مش عارفها مش هيفرق لان الغرض هنا انه يتفاعل معاك وهنا هتقدر تكسب تفاعل ف بالتالى هترد بتفاعل مماثل
الاسلوب الرابع:. اخر اسلوب النهارده عشان منطولش فى البوست ده وهنخلى باقى ال 18 اسلوب يوم الاتنين الجى عشان مهمين جدا جدا نعرفهم كلهم واحنا فى قمة التركيز والوعى لهم كام مره بننسى احنا عملنا حاجه وبيجيلنا شيء من الوسواس القهرى يقولك انت عملت كذا ولا نسيت تعمله..انت قفلت الباب ولا لا انت اخدت المفتاح ولا لا انت شربت العصير ولا لا ده بيلازمنا دايما صح او بيلازم اغلبنا دايما .. الحل بسيط اوى فى كل مره تيجى تعمل الحاحه دى هتستخدم جمله بسيطه ممكن تحسها غريبه شوية زى مثلا (عصير ورد) كلمة غريبه اوى اه بس كل مره هتطفى النور فيها او تقفل الباب وتفتكر انت قفلته ولا لا هتفتكر (عصير ورد) معناها انك قفلته اه ف هتحس براحه نفسيه وتحسن ملحوظ ان شاء الله..
● وبكده نكون خلصنا بوست النهارده .. مكنش طويل زى البوستز بتاعة المره اللى فاتت بس كان فيه مقدمه مهمه اوى اوى اوى عن البرمجه اللغويه لازم تكون عارفها كويس وتستعملها فى حياتك
كتب بواسطة: Mahmoud Ahmed Gh

مقالات ذات صلة

زر الذهاب إلى الأعلى
إغلاق
إغلاق