البرمجة اللغوية العصبية: الشخص اللى بيبصلك بفضول

في المقالة دي هنكمل كلام عن البرمجة اللغوية العصبية :الشخص اللى زى ده بيحسسك بتوتر طب تعرف تحل المشكله دى ازاى .

معانا 18 اسلوب من اساليب البرمجه اللغوية هنستخدمهم فى حياتنا ان شاء الله كلهم او 80% منهم المره اللى فاتت شرحنا 4 فاضل 14 .. والنهارده هناخدهم كلهم ف عايزين نركز اوى فيهم 

البرمجة اللغوية العصبية

اساليب البرمجة اللغوية العصبية

البرمجة اللغوية العصبية

الاسلوب الخامس

● الاسلوب الخامس (اسلوب شرير شوية بس له استخدامه .. اكيد للضرورة احكام زى ما بيقولوا) : “نظرة الضابط”..
الاسلوب ده ببساطه ممكن تكون بتشوفه فى الافلام البوليسية عارف ال Good policeman وال Bad policeman ؟!
اهو ده اسلوب بيستخدمه ال Bad policeman لما يجى يحقق مع مجرم وعايز يحطه تحت ضغط عصبى تقيل بيعمل ايه (بيبص للجبهة بتاعته) نظرة طويله هتلاقى الشخص اللى بصيت له البصه دى قلب من الارتياح و بقا فى حالة من القلق والتوتر

الاسلوب السادس : “الاستخفاف”

● لو انت عايز شخص يعمل حاجه محدده بس مش واصل معاه بشتى الطرق عشان يعمل الحاجه دى .. بسيطه
هتستخدم معاه اسلوب الاستخفاف .. مثال انك عايز تخلى واحد صاحبك يعمل مهمه معينه قوله بعد ما تقوله على المهمه (انت مش هتقدر تعملها انا عارف) ..
هنا هيقاوح معاك بشتي الطرق عشان يثبت انك غلط ب اى طريقة لان محدش بيحب حد يستقل بيه  .. ف عشان تتاكد انه هينفذها بعدها اطلب منه حاجه تانيه بسيطه خالص وشوف هيتصرف فيها ازاى .. هتندهش من تصرفه 

الاسلوب السابع : “الايماء بالراس”

● او بالعاميه (هز الراس بالايجاب) .. الاسلوب ده ناجح جدا جدا ف انك تستعمله وانت بتتكلم مع اى شخص و عايزه ينتبه معاك ويحب النقاش والكلام معاك وكمان اسلوب ناجح جدا لما تستخدمه مع شخص حتى لو انت مش فى قمة الانتباه هيحس انك منتبه معاه جدا (بس اوعا يسالك على حاجه ومتعرفش ترد وقتها هيتخنق منك 

الاسلوب الثامن : وده مناسب اوى للى عايزين يذاكروا بقا الصبح بدرى ..

● كلنا لما بنيجى ننام من بعد المذاكره بنعوز ننام مثلا 3 او 4 ساعات بس دول مش كفايه عشان تريح جسمك ف الاسلوب ده مناسب اوى اوى لها .. وهو انك لما تيجى تصحا من النوم بدرى وتقفل المنبه وتحس ان عينك بتقفل تانى (حط ايدك الاتنين فى بعض كانك بتسلم عليهم وارمى ايدك فى الهواء لفوق وقول كلمة بسيطه “يا صباح النشاط”) حاسس ان الموضوع اهبل مش كده  ؟! بس صدقنى بقا لما اقولك .. عقلك الباطن من ابسط الحاجات اللى ممكن تضحك عليها بالطريقة دى وقت ما هتعمل كده هتحس انك فايق اوى اوى كمان ..

الاسلوب التاسع :

● اساليب التعامل ودول تلاته فى واحد يعنى تاسع وعاشر واحادى عشر فى بعض 

الاول فيهم اللطف فى التعامل والخناقات : اوقات كتير بنلاقى ناس بتحاول تشدنا فى نقاش معاهم طووويل وعايزين يعصبونا ويخلونا نفقد اعصابنا .. عارف لما ترد عليه بلطف ؟ هتلاقيه استغرب تصرفه واستنكر هو عمل كده معاك ليه .. تلقائى هتلاقيه اتكسف من نفسه 

التانى : اسلوب الصمت .. وهو انك تتجاهل ومتردش على اللى بيقوله .. مفيش حاجه بتضايق الشخص اكتر من انه يتم تجاهله 

التالت : انك لو مش عايز من البداية تدخل فى المشكله دى او الضغط دى ف انت ممكن ببساطه تحط نفسك مكانه وتتخيل ايه ممكن الاسباب اللى تضايق او تشوف حاجات وملاحظات ماخدتش بالك منها قبل كده

الاسلوب ال 12 : التعامل مع الشخص الكسلان..

● طبعا ده من اهم الاساليب .. كلنا بيقابلنا فى حياتنا ناس كسلانه بس فى وقت من الاوقات بنضطر اننا نشتغل معاهم ودول الشغل معاهم مرهق لانهم بيكسلوا ينجزوا اى مهمه ف انت لو قولت له اعمل كذا هيبقا متراخى جدا ف ده تتصرف معاه ازاى ؟! 
اول حاجه تحسسه ان فيه مهام كتيرررر بس هو هيعمل ابسط مهمه منهم وتقوله بدال (اعمل المهمه دى) لا قوله (ابدأ ب دي) هتلاقيه لاحظ انها مهمه بسيطه وسط كللل الحاجات الكبيره دى ف هيخلصها .. ولما يخلصها استعمل معاه اسلوب (برافووا انت ممتاز، ادخل بقا على دى) .. وهكذا لحد ما تخلص كل المهم .. ببساطه النوع ده مش بيبقا كسول اكتر ما هو عايز اللى يوجهة لانه مريح عقله من التفكير فى المهمه تتعمل ازاى

الاسلوب ال13

● الاسلوب ال13 : ده مهم ليك لو انت شخص بتطلع تعمل برزينتيشن كتير .. لو حاسس انك ممكن تتوتر او انت من النوع اللى بيتوتر دايما او لو ده اول برزينتيشن ليك قدام عدد كبير .. خد معاك وانت طالع تعملة (ازازة مايه) .. لتلات اسباب ..
الاول : ريقك هينشف اكتر ما بينشف فى نهار رمضان من الصيام
التانى : عشان تشرب شوية مايه لو عطشت وتاخد راحه ثوانى بسيطه..
التالت : انك تفتكر جزء من البرزينتيشن بتاعك اللى كنت طالعه تقدمه بس نسيته وانت بتشرب

البرمجة اللغوية العصبية

الاسلوب ال 14

● الاسلوب ال 14 : وهو ده اللى بدانا بيه البوست بتاعنا ..
الراجل الغريب اللى ف المترو او الاتوبيس اللى بيبص عليا كتير ده اتصرف معاه ازاى بيبص في عينى دايريكت 
بسيطه بسيطه .. شايف هو بيبص فى عينك مباشر اهو .. بص انت لرجله  .. ايوه للجذمه بتاعته .. هتبص لها وتضحك .. هيبدأ يحس بعدم ارتياح .. كمل وخليك باصص متزهقش .. لحظات وهتلاقيه اتوتر وحس ان فيه حاجه غلط و هيلف وشه النحيه التانيه  مين المحقق كونان ناو 

الاسلوب ال 15 : القلق

 ● لو دايما بتحس بالقلق لما تشوف انسان معين تعرفه ..

اعرف انك مع الوقت اللى بيمر ده هو كمان هيحس بالقلق بعد كده لم يشوفك ..

الاسلوب ال16

● الاسلوب ال16 : لو حد عمل حاجه غلط بس انت عايز توجه له اللوم بس فى نفس الوقت مش عايز تحسسه بالذنب او تكسر نفسه .. او تستخدم معاه اسلوب اللوم المباشر ..

لا انت هتستخدم الغير مباشر زى مثلا (انت مقفلتش ليه الشباك امبارح بليل) ده غلط استخدم الغير مباشر زى (الشباك فضل مفتوح امبارح طول الليل) وبين على وشك انك مستاء ..
هيحس باللوم بس ب اسلوبك اللطيف مش المباشر وعمره ما هيكررها تانى 

الاسلوب ال17

● الاسلوب ال17 : الاسلوب ده مش الكل بيقدر ينفذه بس له تاثير سحرى بجد علينا هقوله برضه : اوهام العقل
يعنى ايه اوهم العقل .. يعنى ببساطه انا طول اليوم بذاكر وخلصان خالص بس مش قادر اذاكر وعايز اكمل مذاكرة بس تلات او اربع صفح كمان وبعد كده انام .. ف الاسلوب اللى هتستعمله هنا هو انك هتوهم عقلك انك فى قمة النشاط وهنا عقلك هيستجيب للاوهام ده فعلا .. شايف ان الكلام ده مش منطقى صح ؟! انا برضه كنت فاكره كده لحد ما اتاكدت من دراسة قرأتها ..

تفسيرها العلمى انك لما بتعمل عملية استحساس لعقلك على حاجه منافية للواقع لفترة طويله بيبدأ يبرمجها على انها بقيت عاده ف بيبدأ يطبقها افضل من الحاجه العاديه بمراحل كبيره جدا جدا

الاسلوب ال18

● الاسلوب ال18 : وده مهم للى بيذاكر وينسى واللى عايز يعمل انترفيو كمان : عارف لو ركزت فى يومك وفكرت شوية هتلاحظ انك بتفتكر اللى فى بداية اليوم واللى فى نهاية اليوم بس مش بنفتكر اللى حصل فى نص اليوم .. صح ؟!
ده بالظبط الاسلوب اللى ممكن تستخدمه فى تحديد ميعاد المقابله بتاعتك للانترفيو اما فى بداية اليوم او نهاية اليوم عشان تفضل فى ذاكرت الاتش ار اللى عملك الانترفيو .. وكذلك فى المذاكرة برضه 

وبس كده 

وبكده نكون خلصنا 18 اسلوب فى البرمجة اللغوية العصبية اللى بتستخدمهم فى حياتك وهيفيدوك ..
كتب بواسطة: Mahmoud Ahmed Gh

للعودة الي المقالة السابقة اضغط هنا

اقرأ ايضاً

شرح آيات سورة البقرة من الآية 11 حتي الآية 15
مهارات المذاكرة الفعالة مع يارا مجدي
ابراهيم عادل واول دروس تعلم اللغة الصينية للمبتدئين مقدمة من شركة طليق 2020