يعني ايه HR وابرز الفوارق بين ال HR والPR وخصائص عمل كل منهم؟

يعني ايه HR , وابرز الفوارق بين ال HR والPR وخصائص عمل كل منهم؟ ، المميزات والادوار الرئيسيوة لكل من الPR و الHR في العمل وايهم افضل

– يعني ايه HR . يعني ايه PR


تعال مع بعض بسرعه كده هنقول يعنى ايه HR ويعنى ايه PR وهسيبك انت تختار شايف مين فيهم الافضل (رغم ان كلمة الافضل دى غريبه لان الاتنين مختلفين فى شغلهم عن بعض والاتنين مهمين)
هنقول نبذه بسيطه عنهم وعن طبيعة شغلهم لان الاتش ار والبى ار اعمق من اللى هنقوله بكتيرر.. وللسبب ده فيه هديه لل PR ولل HR كمان هبعتها لكل المهتمين بس توضح فى كومنت انت مهتم ب ال HR ولا الPR..
تعال يلا نبدأ شرح .. واى سؤال ابقا اساله فى الكومنتز ان شاء الله…

يعني ايه HR

يعني ايه HR


● كلمة HR .. اختصار : Human resources .. يعنى الفرد المسؤول عن تنمية المهارات البشريه للعامل البشرى فى المنظمه او الشركه او الكيان او التيم او اى مكان يكون فيه فرد ال HR .. يعنى مش بتاع العقاب والضرب بالعصايه اهو
فيه مفهوم خطأ منتشر عن ال HR وهو انه الشخص الرخم .. البارد فى التعامل اللى معندهوش ياما ارحمينى زى ما بيقولوا بس ده مفهوم غلط انتشر بسبب الناس اللى بتتحط فى المنصب ده وهما مش فاهمين دوره ف بيبدأو يصنعوا شبح خطأ منه .. فرد ال HR ده شخصية جميله جدا لو فهمنا وظيفته بجد واهميتها للمنظومه اللى هى فيها تعال نعد وظيفته كده مع بعض واحده واحده عشان نفهمه صح بجد منبقاش واخدين عنه انطباع غلط بسبب الاحكام عليه او بسبب الانترفيو لان الانترفيو لوحده فى حد ذاته مهمه ضمن المهام بتاعته ..

■ ايه المهمات اللى بيعملها بتاع ال HR ده فى اى مكان ؟! (يعني ايه HR)


• من اسمه ف هو (منمى موارد ومهارات بشريه).. (يعنى ايه؟!) يعنى انت محبط او متكاسل او مضايق او عندك روح باهته او متراخى او عندك مهارات بس مش عارف تطلعها فى المكان المناسب .. ف هو ببساطه شديده هياخد ب ايدك للمكانه المناسبه لك .. وده اما عن طريق الانترفيو اذا انت لسه مقدم فى المكان او عن طريق الشغل معاك لو انت اشتغلت ف المكان خلاص .. واما عن طريق تحفيزك ب اي اساليب هو عارفها بسبب دراسته للموارد البشريه.. لفترة تتعدى ال 5 سنين او اكتر (دبلومات و كورسات وشغل فى اماكن مختلفه فى مجال ال HR)..
• مسؤول عن ال Recruiting (التوظيف) للمؤوسسات وعن ال Interviews..

يعني ايه HR


• مسؤول فى بعض الاماكن عن الخطه الموسمية .. بيحط الخطه فى بعض الاماكن عشان على اساسها المدير يبدأ يديها للموظفين ويشتغلوا بيها للشركه عشان تحقق اعلى عائد عليها
• تقيم الموظفين كلهم بدون استثناء ومن التقارير الخاصه بيه بيكون لك اما انك تكمل فى الشركه او تمشى منها..
• فى بعض الاماكن بيتشارك مع المدير فى الاداره واتخاذ القرارات.. كده شغله فى الشركات خلص..=======================

■ تعال بقا نشرح اهميته فى الاعمال التطوعيه بقا عامله ازاى عشان البعض مش فاهمها (يعني ايه HR)

  • التقيم المستمر للاعضاء ومسؤولين اللجان (كل هيد)
  • وضع القوانين الخاصه بالتيم واللايحة الخاصه بيه بالاشتراك مع رئيس التيم
  • متابعة شغل اللجان عن طريق تقرير شهرى او اسبوعى من كل هيد لجنه له
  • عمل الانترفيوز الخاصه بالتيم
  • حل المشاكل بتاعة التيم واللجان المختلفه
  • بينمى المهارات ويرفع الهمه والنشاط فى الاعضاء ب انه بينزل مكافأة او بفرض عقوبه محدده (كله حسب القوانين واللوائح)


وبكده يكون دور ال HR خلص .. ,ودلوقتي لو عجبك مجال الHR وعايز تتعله هنا في اربع كورسات اختار واحد منهم وادرسه من هنا

بعد ما خلصنا يعني ايه HR نخش بقي علي يعني ايه PR


ويجى بقا دور ال PR…
● تعرف حاجه .. انا بشبه ال PR بالعيل الحرك اللى بيعمل شغله بطرق مختلفه .. مش مقيد بروتين محدد…ال PR ده اختصار Public Relations يعنى المسؤول عن العلاقات العامه الخاصه بالمنظمه كامله..
شايف اللى ال HR دوره فوق مهم ازاى فى الشركه .. فرد العلاقات العامه برضه فى الشركات بيكون دوره مهم جدا مش بس مقتصر على العلاقات العامه لا ده كمان هو له جزء اساسى فى الماركتينج واساس ظهور اسم الشركه للنور ..هو وجهة الشركه فى المؤتمرات بعد مدير الشركه او صاحبها .. هو الشخص رقم 2 بعد المدير لو فيه تعامل مع العامل البشرى

■ مسؤول العلاقات العامه دوره مهم من ناحية الاسم بتاعة علاقات عامه( يعني ايه PR)

■ دور مسؤول العلاقات العامه فى الشركات او المؤوسسات..
• وجهة الشركه.. او المنظمه وبيعرف الناس بيها عن طريق اى وسيله اعلاميه او اى وسيله متاحه..وجهة الشركه فى المؤتمرات الخاصه بيها اذا فيه تعاقدات مع حد ف بيكون مع فرد العلاقات العامه .. وهما على اربع انواع (علاقات عامه خارجيه او EPR وعلاقات عامه داخليه IPR وعلاقات عامه لها علاقه بمسؤولى المنظمات دى وبيطلق عليهم SRM وعلاقات عامه مسؤوله عن ادارة العملاء نفسهم ودول اسمهم CRM)الاختصارات دى كل واحد منهم بيشير ل Title وظيفه محدده..

الPR


• مسؤول عن تحليل العملاء وتقسيمهم فى حالة احتياجه لعمل كامبين خاص بالعلاقات العامه (Public relations campaign)
• التعاقد مع الاسبونسارز وانهاء عقود التمويلات .. وتنظيم الاحداث الخاصه بالشركات وخطة الاحداث والتعاقد مع الTalks المختلفه فى حالة وجود ايفنت للشركه..
• حلقة الوصل بين الناس بره الشركه والشركه نفسها .. ببساطه هو اللى بيتسال عليه لما حد بيحب يتواصل مع حد فى الشركه
• مسؤول عن تخليص تصريحات الامن والرحلات والسفريات الهامه الخاصه بالشركه وحجز قاعات المؤتمرات الضخمه وانهاء تصريحاتها المختلفه..
• وجهة الشركه فى حالة الظهور فى برامج التلفيزيون..دى كده وظايفه داخل الشركات والمنظمات الكبيره…====================

■ تعال بقا نشرح شغله فى التيمز التطوعيه بقا. (يعني ايه PR )

مش هيختلف كتير بس فيه امور معينه بيعملها فى التيمات مش بتبقا فى الشركه..
▪مسؤول عن التصريحات برضه وانهائها بصوره سريعه لتوفير الايفنتات..
▪التواصل مع الاسبيكرز الخاصين بالايفنتز ومتابعته لهم ب استمرار..
▪وضع خطة موسميه للنشاط الخاص بالتيم (خطة الانشطه من ايفنتات وندوات وغيرها) الخطه دى بالتعاون مع هيد التيم او المكان..

يعني ايه PR

تدريب الاعضاء على مهام العلاقات العامه

(فى حالة كونه هيد اللجنه) وتاهيلهم لتدريب باقى اعضاء التيم فى مجالات مختلفه زى ال Soft skills وغيره..
▪خاص بالماركتينج الاوفلاين الخاص بالتيم للايفنتات وخلافه من الانشطه بتاعة التيم (اوفلاين فقط الاونلاين خاص بلجنة الماركتينج)..
▪بيكون Host الايفنتات الخاصه بالتيم وبيتدرب هو ولجنته على ده من بداية السيزون الى وقت قيام اول احداث التيم..دى كده وظايفه داخل التيمات التطوعيه
=====
ببساطه انا بسمى ال HR انه ال Brain و ال دماغ لوحدها متقدرش تشتغل من غير ال Whole body ف انا بسمى ال PR ال Whole body.. الاتنين لوحدهم ميقدروش يشتغلوا من غير بعض..وبكده نكون خلصنا الفرق بين ال HR وال PR سريعا كده

اقرأ ايضاً

اهم كلمات اللغة الانجليزية ،3000 جمله.. الاكثراستخداما علي الاطلاق يكفي لهم 10 دقائق يوميا
الماتريال الكاملة بكورس mba مجانا pdf ,,ماجيستير ادارة الاعمال
طريقة سهلة لحفط القرآن الكريم بسهولة واستمتاع