الفرق بين العقلية الثابتة وعقلية النمو

في المقالة دي هنتعرف علي الفرق بين العقلية الثابتة وعقلية النمو ومعني كل واحدة وطريقة تفكير كل عقلية. وهى نوع عقليتى ايه اصلا وهل تقبل انى اتعلم من نفسى ولا مطورش من نفسى احسن؟!

“ابعد عن الRisk وغنى له.. خليك جوه ال Comfort Zone..”لو انت مؤمن بالمقوله دى ف انت من الناس اللى عقليتها عقلية ثبات مش عقلية نمو..

العقلية الثابتة وعقلية النمو

يعنى ايه عقلية ثبات وعقلية نمو..؟!

الناس فى التفكير بيكونوا على عقليتين:

  • عقلية ثبات (Fix Mindset) : بيعتبر ان الانسان بيتولد بالمواهب وغير قابل للتطوير ولا التحسين.. (قدرات الانسان محدوده)
  • عقلية نمو (Growth Mindset) : بيعتبر ان اى انسان قابل للتعليم والتحديث ومؤمن جدا بمقولة بتقولك “ان المحاوله والتكرار بيخلوك تتعلم اى حاجه”
 العقلية الثابتة وعقلية النمو

● هسالك سؤال وهنكمل عليه وفى النهايه جاوبه انت: هل الموهبه لها دور فى الوصول ل اعلى درجات الابداع والاتقان ؟!
جاوب على السؤال ده فى سرك دلوقتى حالا ب اه او لا ؟!

لو كانت اجابتك اه ف اتاكد انك عقلية نمو .. لو كانت اجابتك لا ف اتاكد انك عقلية ثبات..

= طبعا الموهبه لها دور كبير جدا.. بس صاحب عقلية الثبات مش بيؤمن ب ده .. هو شايف بس (انا ليه اتعب نفسى واجهدها ؟!)..

عارف كورة السله ؟!
طيب سمعت عن (مايكل جوردن).. اشهر لاعب كورة سله فى العالم ؟!
مايكل فى بداية حياته فى المرحله الثانوي .. اترفض من التيم بتاعه فى كورة السله..
وقالو له انت عمرك ما هتبقا لاعب كورة سله ناجح.. مايكل لو كان عقلة ثبات مكنش هيوصل للى هو وصله وباقى اسطورة كورة السله حاليا..

تخيل لو كان قرر مثلا انه مش موهوب كفايه ؟! او انا ليه اتعب نفسى ده مدرب التيم قالى انى عمرى ما هبقا ناجح ؟!
تخيل كده لو كان اقنع نفسه ب ده كان هيبقا اسطوره ؟!
اكيد لا طبعا..

مقارنة بين العقليتين

حاليا انت ممكن تكون زعلان ان عقليتك عقلية ثبات مش كده ؟!
طيب تعال افرحك واقولك شوية حاجات تفرحك اكتر:
اولاً: انت ممكن تتغير من الثبات للنمو بسهوله..
ثانياً: انت ممكن متكونش ثبات ممكن تكون كسول وللسبب ده انا هقولك كام خط عريض كده يعرفك الفقر ما بين عقلية الثبات وعقلية النمو..

ركز معايا بقا كويس اوى فى اللى جى..

 العقلية الثابتة وعقلية النمو

عقلية الثبات : النوع ده من الافراد دايما بيدوروا على حاجه اسمها القبول عند الناس..
يعنى بيكون شايف نفسه صح دايما وعمره ما يغلط ومؤمن انه الاساس وانه محور الكون عشان مش بيغلط..
• على العكس تماما بقا “عقلية النمو” : هو عارف ان امكانياته محدوده وانه مستحيل يكون صح دايما بل الاكتر انه مؤمن انه هيفضل يتعلم ويتطور ومش هيوقفه سبب عن ده.

ولو سالته سؤال مثلا “كام سرعة الضوء” وهو ميعرفش هيقولك “معرفش بس ممكن ابحث عنها وارد عليك” وعمره ما هينساها لانه سعى يتعلمها..

مقارنه كمان..

عقلية الثبات : الفشل بالنسبه له مصيبه كبيره لانه معتقد نفسه منتج جاهز كامل مينفعش يفشل..
ولا محتاج يتطور ولا يتحسن ولا اى حاجه..
عقلية النمو : بيعتبر الفشل ده مرحلة جديده لتفكير مختلف.. بيشوف فى فشله .. هو فشل ليه ؟! وهيحل فشله ده ب ايه ؟!
يعنى الفشل بالنسبه له تجربه غير مكتمله..

مقارنه كمان..

عقلية الثبات : مش بيحب ابددددا يواجه العقبات والصعوبات ..
لان بالنسبه له المخاطره وحشه “ابعد عن ال Risk وغنى له احسن وخليك جوه ال Comfort Zone .. ولإنه مقتنع ان الانسان اما عنده الموهبه او معندهوش لكن مش مقتنع نهائى ب انه يقدر ينمي ويطور منها..

عقلية النمو : النمو بيشوف ان العقبات فى حد ذاتها تجربه مختلفه وبتفتح له طرق جديده واتجاهات افضل كتير عشان يتعلم حاجه جديده..

فقدت احساسك بالشغف ؟!
لا افرح وابتهج..
انت ممكن تتحول من ثبات ل نمو..
تعال معايا واحده واحده بقا وهقولك..

التغير من العقلية الثابتة الي عقلية النمو

اولا: احنا بدايتنا كلنا واحنا اطفال كانت عقلية نمو (Growth Mindset).
كلنا واحنا اطفال كنا بنحب الاستكشاف وفهم الحاجات الغريبه ونحط صباعنا فى بؤقنا يجلنا نزله معويه ويجرى بابا او ماما بينا على المستشفى .. .
اللى حصلنا هو تاثيرات علينا..
التاثيرات دى كانت من (المربى) … سواء كان اب او ام او استاذ او غيره.. وسواء كان ده بحسن نيه او بجهل غير مقصود منهم..

بس هل ده ممكن يتغير ؟!
هل ممكن ابقا نمو وانا ثبات ؟!
اه طبعا ممكن جدا..
انت تقدر تتحول من Fixed —–> Growth بسهوله..

محتاج حاجه واحده بس (التمرين)..
بالظبط زى عضلات جسمك .. هل لو نزلت جيم واستمريت فيه لمدة سنه وانا بلعب صح مش هيطلع لى عضلات ؟!
لا طبعا هيطلع لى اكيد.. بس لازم زى ما قولت تتمرن صح..
لذا اتمرن صح ازاى .. انك تعرف الحاجه اللى انت عايزها وتبدأ فيها على اربع محاور اساسيه:

 العقلية الثابتة وعقلية النمو
  1. Courses تاخدها فى الحاجه دى
  2. Blogs تقرأها فى الحاجه دى
  3. Influencer بيقدم الحاجه دى بصوره كويسه تتابعه وتعتبره ال mentor بتاعك
  4. Books تقرأ كتب فى الحاجه دى..

صدقنى لو استمريت واتمرنت كل يوم لمدة 45 دقيقه يوميا بس .. هتتحول فورا من عقلية ثبات لعقلية نمو..

اقرأ ايضاً:

نصر حرب السادس من أكتوبر العظيم
ما هي اهمية التخطيط وكيف يساعدني على تحسين حياتي؟
طريقة تعلم اللغة الفرنسية ‏في 3 خطوات