ملخصات كتب

ملخص و تحميل كتاب | كيف تكسب الاصدقاء و تؤثر في الناس

عايز أتكلم عن حاجة منتشرة اليومين دول
الناس اللى بتهاجم التنمية البشرية للأستاذ | عبد الله أبو مازن
– الجزيرة الوثائقية عملت فيلم بعنوان بائع اﻷمل عن الدكتور إبراهيم الفقى وكان فحوى الفيلم تشكيك فى مصداقية ما يقول دكتور إبراهيم وإن التنمية البشرية دى نصب و وهم ولعب بعقول الناس خصوصا الشباب المحبط فى العالم العربى .
– شباب كتير كان متأثر بدكتور إبراهيم الفقى وكان شايف فيه قدوة فى زمن كان القدوة ميسى وكريستيانو و محمد رمضان و لﻷسف محدش كان بيهاجم الممثلين ولعيبة الكورة على قد هجومهم على إبراهيم الفقى .
– خلينا نجيب الموضوع من أصله :
المفروض إن التنمية البشرية عبارة عن تحفيز ومش وظيفتها إنها تحول حياتك من شخص محبط عاطل وحيد لشخص غنى ومعاه فلوس كتير ﻷن ببساطة التنمية البشرية معمولة علشان تشجع العمال والموظفين فى الشركات والمصانع إنهم يجتهدوا و يبذلوا أقصى ماعندهم وفى نفس الوقت يكونوا مبسوطين بشغلهم مش مجبرين عليه .
– التنمية البشرية هتفيدك لو أنت متعلم صنعة أو قوى فى تخصصك بس مشكلتك تكمن إنك ملل وزهقان وملكش نفس تشتغل فهى بتديلك تحفيز وتشجيع إنك تفوق من اللى أنت فيه وتشتغل .
– التنمية البشرية مش وظيفتها تعلمك صنعة .
– النشكلة بقى إن التنمية البشرية كانت بتجيب نتيجة فى أمريكا وكندا لكن لما نزلت مصر أصبحت سبوبة . زى ما جه فى الفيلم الوثائقي .
-كل من هب ودب وحضر دورة لدكتور إبراهيم .. تانى يون يعمل إعلان عن نفسه إنه من تلميذ إبراهيم الفقى علشان يكسب ثقة الشباب المغفل .
– وهنا كانت المشكلة اللى إحنا عايشين فيها من ساعة وفاة دكتور إبراهيم الفقى .. إن النصابين لقيوا إن التنمية البشرية سبوبة حلوة ماتيجى نبقى مدربين ونستغل إحتياج الناس للتحسين من نفسهم و نخليهم يعيشوا فى سراب البحث عن الذات والوصول ﻷقصى درجات السعادة بإستغلال قدرات اﻹنسان اللامحدودة .
– دكتور إبراهيم الفقى برئ منهم الله يرحمه .
– أنا كمان جاتلى فترة حسيت إن كلام التنمية البشرية صعب التحقيق ومبيأكلش عيش والسبب فى ده إنى عمرر ما فكرت أتعلم صنعة أو حتى أتقن اﻹنجليزي علشان ألاقى شغلانة محترمة أقدر أنفذ من خلالها التحفيز اللى إتشحنت بيه من التنمية البشرية .

للتحميل اضغط هنا

 

الوسوم

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق