هشام أحمد

أبراهام لينكولن

تعرف أبراهام لينكولن !!

– لما كان عنده 31 سنة دخل مجال التجارة وفشل .

– لما كان عنده 32 سنة دخل في مناوشات انتخابية وفشل.

 – لما كان عنده 34 سنة رجع دخل التجارة تاني بس المرة دى دي فشل.

– لما كان عنده 35 سنة مراته ماتت وقرر يعيش أرمل ويفقد الأمل في الحياة .

– لما كان عنده36 سنة أصيب بانهيار عصبي.
– لما كان عنده 43 سنة اترشح لانتخابات الكونجرس الأمريكي وفشل.

– لما كان عنده 46 سنة اترشح تاني لانتخابات الكونجرس وفشل بردو.

– لما كان عنده 48 سنة اترشح تالت لانتخابات الكونجرس بس المرة دي فشل بردو.
– لما كان عنده 55 سنة اترشح لمجلس الشيوخ وفشل.

– لما كان عنده 56 سنة اترشح لمنصب نائب رئيس الجمهورية وفشل .

– لما كان عنده 58 سنة رجع واترشح لانتخابات مجلس الشيوخ وفشل.

– لما كان عنده 60 سنة اترشح لانتخابات الرئاسة وانتخب كرئيس للولايات المتحدة الأمريكية كأني وأفضل رئيس لها .

أبوه توماس لينكولن اللي اتقتل أبوه قصاد عينه علي يد الهنود الحمر ،توماس كان مش بيعرف القراءة والكتابة بس زوجته كانت بتعلمه رغم معرفتها القليلة وأنجب طفلين “سارة” و “أبراهام”

أبراهام لما كان عنده 7 سنوات كان بيمشي حوالي 6 كم للمدرسة ، وكان بيرجع يساعد أبوه في الزراعة وتقطيع الأشجار مش بس كده ده كمان كان بيشتغل عند بعض الجيران عشان يقدر يوفر فلوس يساعد بيها أبوه.
استلف كتاب من جاره عن ” حياة جورج واشنطن” اول رئيس للولايات المتحدة بس بعد تعرضه الأمطار أصبح غير صالح للقراءة عشان كده اشتغل 3 أيام عند صاحب الكتاب مقابل إنه يسامحه. إبراهام كان بيمشي حوالي 55 كم عشان بس يسمع خطبة لأحد الخطباء.

انفصل عن أسرته وبدأ مسيرة العمل الشاق واتعرف ما بين الناس بطيبته ورحمته وحبه لمساعدة الناس، لما فشل في تجارته هرب شريكه من الدائنين بس هو رفض وطلب منهم مهلة للسداد وسدد علي مدى 17 سنة متوالية .

وهو في سن ال 29 اشتغل مع محامي كبير وظل يعمل للمحاماة لفترة طويلة يساعد فيها الناس والفقراء ويرفض فيها الموكلين اللي بيحس انهم ظالمين .

في عام 1860 أصبح رئيسا للولايات المتحدة الأمريكية وعندها لم ينس فضل الناس الذي عاش بينهم وقرر رد الفضل لأهله وأطلق وثيقة تحرير العبيد أي تحرير حوالي من 3 : 4 مليون عبد وتم إعادة انتخابه مرة أخرى في 1864

افتكر دايما إن ” الفشل ليس عكس النجاح بل هو جزء منه”

ولو حابب تشوف باقى مقالاتى هتشوفها من هنا

 

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق