ازاي تبدء ويكون عندك مشروع على الانترنت او E-Business

ناس كتير دايماً بتبحث علي ازاي يعملوا مشروع على الانترنت او بزنس ليهم … بس كتير بيتوهوا وش عارفين ينجحوا ازاي في المقالة دي هنساعدكوا ازاي تبدأوا البزنس بتعكم وكمان ينجح.

مشروع على الانترنت

عشان يبقى عندك اونلاين بيزنس ثابت ومستقر محتاج حاجتين :

( digital skills + digital assets)

مشروع على الانترنت

digital skills

نبدا بال digital skills ال هى المهارات الرقمية هقولك المهارات الاساسية وتبدا تتعلمها وحده وحده على مهلك.

  1. مهارة الكتابة بشكل عام وبشكل خاص اتعلم الاتنين دول “ blogging + copywriting“
  2. مهارة التسويق من خلال وسائل التواصل الاجتماعى “ Social media marketing“
  3. اتعلم البرمجة ولغات الكومبيوتر – مش لازم تكون خبير فيها، اتعلم الاساسيات فقط -.
  4. تهيئة وتحسين محركات البحث SEO
  5. الفوتوشوب
  6. ال video making: عشان تعرف تعمل فيديوهات سواء على اليوتيوب او الفيس بوك وغيرهم
  7. اهم مهارة فيهم بقى واللى من غيرها مش هتعرف تتعلم ال فوق دى وهى “ self learning “ انك تعرف تعلم نفسك بنفسك ..

ملحوظة مهمه جدا

انت مش محتاج تتعلم كل المهارات دى مرة واحدة، انت ممكن تتقن مهارة او اتنين منهم.
وانا ارشح انك تتعلم الكتابة والتسويق وال SEO ، وباقى المهارات ممكن تكون فريق من صحابك.
وكل واحد يتعلم مهارة معينة فيهم لحد ما يبقى شاطر فيها وتكملوا بعض فى الاخر.
او تتعلم كل المهارات دى بس دى هياخد وقت بس هيخليك برنس وتقدر تعمل بدل البيزنس مليون.

مشروع على الانترنت

ثانيا بقى ال digital assets:

هقولك اهمهم اللى لازم تركز تبنيهم وحده وحده عشان تستخدم كل المهارات ال فوق دى ويخدموا على بعض ويطلعك فلوس ..

  1. صفحات عليها متابعين مهتمين على وسائل التواصل الاجتماعى اهمهم الفيس بوك وتويتر وانستجرام ..
  2. قناة على اليوتيوب ..
  3. تعمل personal branding لنفسك من الاكونت الشخصى لو مش حابب تعمل صفحة ع الفيس بوك..
  4. قائمة بريدية تكون لناس مهتمين بالمجال ال شغال بيه ودى تعتبر “ الكنز“
  5. موقع او مدونة ودول سهلين مش قصة يعنى..

ملحوظة مهمة جداا:

ال digital assets دى مش هتعرف تبنيهم إلا لما تقدم قيمة وعلم وخطوات عمليةتساعد بيها الجمهور المستهدف بتاعك.
يعنى متشتغلش شغل الاسبام و الخداع لإنه مش هيساعدك اطلاقا ، فحاول تبدا صح.
طب ايه هى طرق الربح من الكلام ال فوق ده؟

  1. لما تعمل موقعك او مدونتك و تكتب عليها محتوى يفيد جمهورك المستهدف, اشترك فى جوجل ادس وحط اعلانات على الموقع وتكسب بالدولار ..
  2. تكسب من عرض اعلاناتك على اليوتيوب ، وفى امثلة كتييير فى مصر مش برة لناس زيي و زيك اصبح اليوتيوب بالنسبالهم مصدر دخلهم الوحيد وتخلوا عن شغلهم القديم وبيكسبو فلوس من حاجة بيحبوها بدون قيود ..
  3. تبيع منتاج او خدمات مرتبطة بمجالك عن طريق “ التسويق بالعمولة “ وده مجال ناس بتكسب منه الاف الدولارات شهريا ومش مبالغة ..
  4. تعمل خدمة او منتج اوفلاين وتبدا تزود مبيعاتك عن طريق ال digital assets بتاعتك ، سواء بقى كورس خاص بيك او منتج ملموس او خدمة معينة ،، كله حسب مجالك وخبرتك.
  5. 5لو كبرت وبقى عندك personal branding كويس هتلاقى شركات كتيير بتعرض عليك تعملهم اعلانات وتحط المبلغ اللى انت عايزه ..

وفى طرق كتيير وغير محدودة وكل ما تكبر وتقدم قيمة وتحل مشاكل لجمهورك المستهدف كل ما فرصك تكبر..

مشروع على الانترنت

مصادر للتعلم عشان تبدأ مشروع على الانترنت

مصادر عشان تتعلم الكلام ال فوق ده ” المصادر في منها مجانى وفى منها مدفوع ، اعتمد على الاتنين

  1. من افضل الكورسات فى مجال الديجيتال ماركتينج وهيعلمك مهارات كتييير من ال فوق. تقدر تحجزه من هنا.
  2. لو عايز تتعلم برمجة من الصفر، الكورس ده فيه الخلاصة تقدر تقدم فيه من هنا.
  3. في مجال ال SEO: كورس مجانى لواحد من افضل الناس فى المجال، البزنس Neil Patel : من هنا
  4. لو عايز تتعلم ال copywriting اتعلم من الموقع ده.
  5. والكورس اللي يعتبر الاكثر مبيعاً فى الفوتوشوب من هنا.
  6. عشان منطولش ف اللينكات، هتلاقي مصادر تانية ف اول كومنت..

نصيحة العمر اتعلم ازاى تجيب دخل من النت وتبنى مملكة ليك تجيبلك دخل ثابت و اوعدك انك هتلاقى فرص لا محدودة ودخلك هيزيد مهما كانت ظروف البلد وهتكون فى امان باذن الله ..
اتمنى كل واحد فيكم يبدا يتعلم ويطبق ويسعى ويجتهد ، والله لو طبقتوا الكلام ده ، كل واحد فيكم هيبقى عنده مصدر دخل من الانترنت ويقدر يشتغل شغل بيحبه بس زى ما قلت لازم شوية صبر وتعلم مستمر ..
ياريت متبخلش فى انك تشارك البوست مع كل حد انت شايف انه هيستفيد منه ، عشان نبدا مع بعض نبنى عالم فيه اغلب الشباب بتشتغل فى حاجة بتحبها وبتستخدم النت صح بدل ما تضيع وقت عليه وتشتكى ..

كُتب بواسطة/ احمد السيسي

اقرأ ايضاً:

اسرار طباعة الكتب :الكشف عن خرافة الطباعة الخشرومية !!
الكتابة هي افضل طريقة للتخلص من الاكتئاب !!
مميزات اللغة الفرنسية وكيفية تعلمها في أقل من 3 شهور