ملخص كتاب قواعد السطوة للكاتب روبرت غرين

في المقالة دي هنلخص كتاب قواعد السطوة هو واحد من اقوي الكتب اللي ممكن يخليك توصل للسطوة او السلطة من خلال 48 قاعدة.

هتاخد 5 دقايق فى القراءة، تلخيص كتاب اتقرأ فى اسابيع ! هتتعلم حاجة صدقنى !

بصراحة الكتاب دا انا ترددت كتير اكتب عنه بس هو فعلا واقعى جدا…
فنتوكل على الله ونتكلم عنه بس نخلينا فاكرين الكاتب اللى بيقول مش انا يعنى الشر فيه هو مش انا
باختصار دا كتاب بيوضح اد اية الدنيا مش وردى ! والعالم مش مثالى ،كتاب واقعى بزيادة وفيه شويه اخلاقيات مش لطيفة عن كيفية الوصول للسطوة او السلطة !

كتاب قواعد السطوة

الكتاب بيقول فى 48 قاعدة للوصول الى السلطة وخلينا فاكرين الكتاب اللى بيقول مش انا اللى بقول انا بس بلخصه.علشان اى كانت مكانتك هتستخدم منه قواعد واللى مش هتستخدمه هتبقى على الاقل عارفه علشان محدش يستخدمه ضدك !  فهو مفيد على اى حال…
يلا نغوص داخل الكتب بقى
علشان توصل للسطوة او السلطة فى 48 قاعدة

اولهم : لا تسلب الضوء من رئيسك او مديرك

كن متملق، انسب دئما الفضل للشخص الاعلى منك ( مديرك او رئيسك ).
دا لية بقى ؟
لان المدير لو حس انك بقيت اذكى منه دا معناه انك بقيت بتمثل تهديد او خطر عليه فهيزحلقك فى اقرب وقت !
حتى صاحب الشغل لو حس انك اذكى منه هيزحلقك ويمشيك فدائما حسسه انك فى حاجة اليه.
دايما حسسه او تصنع ان فى حتة ناقصة عندك وهو اللى بيكملهالك ساعتها هيحس انك ذكى بس فى احتياج اليه واد هيبقى الموظف المثالى بالنسباله !

وكمان لما تنسب كل فضل له هتترقى بسرعة جدا بغض النظر عن كفائتك !
” طبعا الناس اللى شغالة بالفعل فى شركات عارفة الشخص دا بنسميه اية وعارفة ان دا موجود بالفعل ودا للاسف دا واقع ! ،،

” الكتاب دا حاسس هيجبلى لعنة من تلخيصة دا .. استر يارب “

ثاني قاعدة : لا تضع ثقة كبيرة فى اصدقاءك !

اختصارها متديش ثقة 100 % لأى شخص ايا كان لان الناس بتتغير !
اللى عمال تتكلم وتعيد وتزيد معاه فى اسرارك هو دلوقتى معاك لان فى مصلحة مشتركة بينكم.
اما بعد كدا لو المصلحة اختفت او بقى فى مصلحة اكبر مع شخص تانى ممكن يبيعك فى لحظة.
وقتلك سهل بالنسباله لان الشخص دا بقى معاه كل اسرارك ويقدر يأذيك فى اى وقت.
مش بقول كدا الاصحاب وحشين بس بقول “يعنى حرص ولا تخون “

القاعدة الثالثة : تحفظ على نواياك !

مش كل نية او فكرة فى دماغك تحكيها للناس لان بالمعلومات والافكار اللى عندك ومش عند غيرك دا بيعطيك قوة وسلطة عليهم.
اول ما تفقدها او تقولها للناس انت كدا بتفقد قوتك واحدة واحدة !
وتذكر ان حتى لو بتحب تساعد الناس فلازم تبقى عندك جزء متقلوش لحد.
لان لو قلت كل اللى جواك وكل اللى تعرفه وكل نواياك دا يعنى افتقدت كل قوتك دفعة واحدة.
فاحتفظ بجزء منها ميطلعش علشان الناس تبقى ديما فى حاجة اليك! ” متخليش حد يتوقعك او يعرف اخرك اية ! “

كتاب قواعد السطوة

القاعدة الرابعة : لا تقل كل معلوماتك كاملة !

الكاتب بيقولك ان انت لو عندك معلومات متقولهاش كلها مرة واحدة خلى فى جزء عندك تستخدمه فى الوقت المناسب.
فلو دخلت حرب او جدال او نقاش متقلش كل اللى عندك مرة واحدة.
احتفظ بمعلوماتك وطلع كارت كارت وقت اللزوم حتى لو انتهت المعركة بدون ما تستخدم كل الكروت فدا كويس جدا…

وحتى لو انتهى الحوار بدون ما تستخدم كل كروتك وخسران المناقشة بس بشرط تكون متاكد ان فى معركة او مناقشة تانية اكبر وعارف انك هتستخدم فيها كل شئ وتسحق عدوك نهائيا لان المهم النتيجة ” سحق العدو اهم من الجدال ” ! وكمان لان لما تقول معلوماتك كاملة دا هيخلى الطرف الثانى متحفز فى الكلام الى حد ما، اما لو مقلتش كل حاجة هو بيتكلم وساعتها ممكن تكسب كروت اضافية.

القاعدة الخامسة: حافظ على سمعتك مهما كان التمن.

حاول ديما تخلى الناس تشوفك بصوره حلوة جدا جدا مهما كان عندك من عيوب او مشاكل .
دايما يشفوك الحد الناجح والقوى ومتسمحش لأى شخص ايا كان يقول عنك اى شي وحش.
فى المقابل حاول على اد ما تقدر تبوظ سمعة عدوك بس بطرق خفية علشان متبنش انك شخص وحش وتبقى بعدت عن القاعدة ( الحفاظ ع سمعتك )! ” ربنا يسامحنى والله على الكتاب دا !”

قواعد السطوة

القاعدة السادسة : اجذب الانتباه بكل الوسائل الممكنة

خليك ديما تحت الاضواء لان لو غبت عن الاضواء هتخرج من الصورة والناس مش هتفتكرك .
لان تركزها بيكون بس على اللى تحت الاضواء !
فى ناس بتبقى مش شاطرة بس تلاقى الناس كلها بصلها وسيبين حد اشطر ” زى رئيس اتحاد الطلبة مش اشطر حد فى الكلية بس معاه الاضواء فسلطته وكلمته مسموعة اكتر من أشطر طالب !باختصار ” خد اللقطة “

القاعدة السابعة في كتاب قواعد السطوة : قسم او وزع عملك على الاخرين.

ايوة دى قاعدة فعلا للسطلة والقوة ” بالاضافة انها من اهم شروط النجاح فى العمل ” هديك مثال لما هتوزع شغلك ” اللى ينفع حد غيرك يعمله ” الناس بتشوفك كدا انت ليك سلطة عليهم ودا معناه انك انسان قوى فيحطوك فى خانة الاقوياء وبكدا اخدت سلطة او كلمة عليهم هما كمان . مثال زى لما تروح شركة وتلاقى شخص بيوزع الشغل لفلان وفلان وفلانة هتحس انه قوى فى مكانه ومسيطر فهتحترمه اكثر او هتشوفه قوى غير شخص تانى هو اللى بينضف ويكتب ويقرا ويقابل العملاء ويشتغل ويعمل كل حاجة لوحدة فمهما كان شاطر مش هتحس فيه قوة الشخص اللى ممكن يكون اقل منه معرفة بس بيوزع عمل على الاخرين !

كتاب قواعد السطوة

القاعدة الثامنة :أكسب من خلال النتائج وليس من خلال المناقشات.

مش مهم مين يتكلم ولا يتكلم ازاى ولا اية يحصل فى المناقشة انت هدفك النتيجة فما دام النتيجة اللى انت عاوزها حصلت خلاص انت كسبان
هديك مثال مصارع عمال يقول فى وسائل الاعلام ولقاءات انا هسحق المصارع الاخر، فمن الحكمة المصارع الاخر دا ميفكرش يطلع فى لقاءات ومناقشات بس يفكر يدرب كويس علشان النتيجة هى الاهم من المناقشة ساعتها هيقولوا كسب اللى حقق نتيجة مش اللى جادل كتير .

القاعدة التاسعة في كتاب قواعد السطوة : خلى الناس ديما فى حاجة إليك

قوة اى شخص تتناسب تطرديا مع الناس اللى بتتبعه او بتحتجله فشوف ديما حضرتك متميز فى اية وقوى النقطة دى علشان عدد اكبر من الناس تحتاجلك فتزيد قوتك او سلطتك فى المجتمع باحتياج عدد اكبر لك ، لان زى ما قلنا قوة اى شخص تتناسب تطرديا مع الناس اللى بتتبعه او بتحتجله.

القاعدة العاشرة في كتاب قواعد السطوة : تجنب الناس الحزينة والكئيبة وفقيرة العلم والمعرفة

لان الناس دى هتاخد منك طاقتك ومش هتفيدك بأى حاجة هتعطلك كتير اوى، فخليك مع ناس مش فقيرة علم ولا حزينة لان الناس دى اكيد اقوياء بحتياج الناس لهم وعلشان تكون قوى لازم تكون وسط اقوياء !.

القاعدة الحادية عشر في كتاب قواعد السطوة : استخدم جزء من الحقيقة فى الكلام

دا هيخلى الناس تصدقك ديما وتبقى صاحب سلطة عليهم حتى لو فى وسط الكلام قلت شئ مش حقيقى !.

No photo description available.

القاعدة الثانية عشر : لا تطلب مساعدة مباشرة من أى شخص !..

لما تيجى تطلب مساعدة من شخص اطلبها فى صورة مصلحة مشتركة ، مثال لو عاوز شخص يعلمك انجلش مترحش تطلب منه مباشرا يعلمك انجلش بس ممكن تقوله تعالى نتلكم انجلش مع بعض او نذاكر انجلش مع بعض احنا الاتنين هنستفيد فيكون عرضك فى صورة مصلحة مشتركة مش طلب ، ودا هيفيدك ان محدش يمسك عليك جمايل لان كل ما حد عملك جميلة كل ما قوتك تقل لان هو كدا المسيطر !.

القاعدة الثالثة عشر : خلى كل الناس تعتمد عليك

متقولش لحد معتمد عليك “لا” سيبهم يعتمدوا عليك ولو هتتعب شويا دا هيخليك ثقة وقوتك تزيد لحد ما هتوصل لوقت فى الاعتماد مش هيشوفوا غيرك يعمل طلبهم ، لان كمان هتكون انت فعلا بحكم عملتها كتير احسن حد بيعملها وعلى ما يشوفوا حد تانى يكون دنيتهم خربت فتفضل صاحب قوة وسلطة على اللى معتمد عليك ! ” ربنا يسامحنى والله “

القاعدة الرابعة عشر في كتاب قواعد السطوة : اظهر نفسك كصديق ولكن تعامل كجاسوس !

يعنى لما تعوز تعرف اى شئ من اى حد متسألوش عليها مرة واحدة كدا ولكن قرب منه كصديق واعرفها فى الاخر بطريقة غير مباشرة كجاسوس !

اكمل باقى ال 48 قاعدة ولا كفاية لحد كدا 

Mostafa Zoghby

اقرأ ايضاً:

تلخيص كتاب 48 قانونا للقوة للكاتب روبرت جرين
العلاقة بين خطيب الجمعة وبين التسويق الصحيح !
اسرار طباعة الكتب :الكشف عن خرافة الطباعة الخشرومية !!
تحميل كورس تعلم اللغة الفرنسية مجاناً