عادات ستغير حياتك !

إيه العادات الكويسة اللي ممكن تتبعها وتغير حياتك ؟

1- متستخدمش موبايلك قبل ما تنام أو بعد ما تصحى.

2- خلي معاك نوت علي طول، أو استفيد من الـnotepad اللي على موبايلك، واكتب فيها اي فكره تيجي في دماغك.

3- اشرب مياة أول ما تصحى من النوم.

4- اصحى من النوم في الوقت اللي تقول انك هتصحى فيه، لما تظبط المنبه معاناها انك بتكون بتقطع وعد انك هتصحى في الوقت ده، لو تجاهلت المنبه يبقى إنت بتبدأ يومك بأسوأ طريق ممكن، بإنك منفذتش الوعد اللي قطعته على نفسك.

5- إبدأ بإنجاز المهام الصعبة أول ما تصحى (التكنيك ده اسمه “كُل الضفدع” من كتاب بيحمل نفس الإسم).

6- حاول علي قد ما تقدر تاكل أكل صحي.

7- إقرأ صفحتين من كتاب قبل ما تنام.

8- إقرأ لمدة 30 دقيقة كل يوم.

9- اتعلم شيء جديد ممتع بالنسبة ليك كل يوم.

10- صحتك الجسدية ضرورية علشان تحافظ على ذهنك صافي وعقلك متفتح. خاصةً لو شغلك بيتطلب إنك تفضل باصص لشاشة -كمبيوتر- من 8 لـ10 ساعات كل يوم، هيبقى ضروري إنك تقضي من 30 دقيقة لساعة في: اليوجا، الچيم، الجري، المشي الطويل أو أي شيء تاني..
.
11- لما تكون بتتكلم مع حد استمع ليه باهتمام.

12- كل يوم قبل ما تنام خد خمس دقايق فكر فيهم في اللي حصل في يومك، وبعدها اكتب الحاجات اللي عاوز تعملها بشكل أفضل بكره، العادة دي فعالة جدًا لانها بتخليك صريح مع نفسك. بتسمح لك تاخد لحظة تقف فيها مع نفسك وتقدر نفسك على إنجازاتك الحالية، وتخليك دايمًا تدور على طريقة جديدة للتحسينن ذاتك، وخمس دقايق كل يوم مش كتير.

13- اعمل محادثات صغيرة مع ناس -تختارها- عشوائيًا.

14- افرح لما تشوف صحابك لأنهم هيبدأوا يعملوا نفس الشيء لما يشوفوك.

عاداتك هتحدد مستقبلك.
اقعدوا بالعافية

 لو فايتك أي بوست من سلسلة التشطيبات والديكور، أو مقال كتبته قبل كدا علي الجروب، هتلاقيهم هنا بشكل مرتب علي موقع الجروب ..
من هنا

Arab Quora

كتب بواسطة : احمد طه عطوه