الكتابة هي افضل طريقة للتخلص من الاكتئاب !!

في المقالة دي هنتكلم عن هل فعلاً افضل طريقة للتخلص من الاكتئاب هي الكتابة ؟؟ زهل الكتابة الكئيبة شئ سلبي؟! أو حاجة وحشة مش مفيدة يعني؟!
عشان نجاوب عالسؤال ده لازم نعرف أصلا إيه هدف الكتابة؟!

هدف الكتابة

بصوا في أي حاجة في حياتك متدورش عالتحفيز وازاي توصلها وتبقى شغوف بيها والهري ده ..
أمال تدور على إيه؟!
دور على السبب!
الدافع اللي خلاك عايز توصل اصلا ولو مفيش اخلقه وساعتها عمرك ما هتزهق

افضل طريقة للتخلص من الاكتئاب

طيب إيه هدف الكتابة؟!
الكتابة من وجهة نظري هي تبادل مشاعر للطرفين الكاتب والقارئ.
عارف لما تقعد مع صاحبك أو حد من أهلك وتتكلموا في كل حاجة وتخففوا عن بعض وانت تحكي كل اللي جواك وكل اللي شايله؟
وهو يقعد يحكيلك اللي فايتك وكله مبيبقاش أحسن حاجة يعني حياتنا مش كلها لذيذة
وحتى لو القعدة قلبت فضفضة لساعات مش بتزهقوا .. ليه؟!
عشان انت في رابط قوي بينك وبينه بيخلي الكلام الوحش والمشاكل النفسية اللي عندك تنزاح مجرد ما تطلع.
والكلام الوحش اللي عنده يتزاح من عليه فترتاحوا انتوا الاتنين!

يعني انت وصاحبك مش بتنكدوا على بعض ولا بتاخدوا طاقة سلبية من بعض؟
لا اطلاقا انتوا بتطلعوا اللي جواكم وبتفضوا كل حاجة عشان تبنوا من جديد

متفقين في ده؟!

افضل طريقة للتخلص من الاكتئاب

دور الكتاب في حياتنا

يبقى ممكن نقول إن هدف الكتابة هو نفس الشئ بس مع فرق خيال الكاتب واختلاف الشخصيات، يعني إنت هتتأثر بالكتاب ده لكن مش هتشوفه تافه عشان ملمسكش.
والكاتب الشاطر اللي ميكتبش كل حاجة من تجربته الذاتية بس لا يستخدم خياله ويبني قصته صح..
فالنتيجة بتكون انت بتندمج مع قصة مش بتاعتك وبطريقة ما الموضوع بيقلب لقعدة مع حد صاحبك بيحكيلك حكاية متخصكش بس بتأثر فيك ومجرد ما بتتقري..
انتوا الاتنين بترتاحوا.

إذن هدف الكتابة هو ملء ثغرات فارغة بداخل نَفس القارئ وإعطاءه تجارب جديدة لم يمر بها ولكنه سيتأثر بها
فهدف الكاتب إنه يطلع كل اللي جواك ، كل اللي انت مخبيه، كل اللي مش راضي تتكلم فيه، كل اللي متعرفش حتى إنك حاسس بيه…
ويقوله بمنتهى الصراحة والبلاغة.

وهدف القارئ إنه يستوعب ويفهم النقط اللي بتلمسه ويقدر يعالجها بنفسه وبطريقته.

قد تعجبك هذه المقالات

إذن مش لازم الكتابة تكون تنمية بشرية او دينية او فلسفية عشان تكون مفيدة، ممكن رواية تغير مصيرك أو قصة قصيرة بلاغتها تساعدك توصل لحاجة كانت ضايعة منك وهكذا.

افضل طريقة للتخلص من الاكتئاب

الكتابة هي افضل طريقة للتخلص من الاكتئاب ده حقيقي طب المفروض ماتكنش كئيبة؟

نرجع لسؤال اليوم: هل الكتابة المفروض متبقاش كئيبة؟
أو هي الكتابة الكئيبة وحشة أو مضرة بالصحة يعني؟!
بص أي فنان عموماً بيحب فنه وبيشتغله صح هتلاقي أعظم الحاجات اللي عملها جت من واقع أليم، حدث عالمي، تجربة شخصية، لازم الماستر بيس بتاعته هتكون عبارة عن لحظة شجن.

اللحظات الحلوة اتخلقت للنهايات، سواء في الافلام والمسلسلات والروايات أو في حياتنا الواقعية.
انت لو حصلتلك حاجة تفرح هتقعد تحكي وتتكلم كتير لإنك مش بتفرح كتير لكن لو حياتك كلها ١٠٠٪ حلوة مش هتلاقي حاجة تحكيها!

لإنك هتمل، وهو ده هدفنا من الحياة أصلا.. إننا منبقاش كاملين، ندور على الكمال او عالحاجات اللي ناقصانا ونحاول نستمتع بالرحلة والطريق على قد ما بنقدر
بس أكيد في الطريقة هتقابلنا لحظات يأس كتير وإحباط وفيه اللي بيحول ده لنجاح .. أو زي مانت شايف: كتاب جديد⁦

سماح_هشام

اللي عنده أسئلة يسيبها والكوفر ده تطبيق عاللي انا لسة قايلاه، وهنشوفه عملي كمان فترة ⁦لما ينزل⁩

كتب بواسطة : سماح هشام

اقرأ ايضاً:

طرق من اجل التحفيز الذاتي و التغلب علي اليأس و الإحباط للوصول إلي النجاح

هل في حاجة اسمها تقوية المناعة ؟!

تلخيص الجزء الثاني والثالث من كتاب سبع سنبلات