إزاي تعمل اسم لنفسك ك كاتب ؟

مسااااء الخير مين لسة في #مية_البطيخ؟
كلنا الحقيقة .. عشان كده جبتلكم انهرده هديتين.. لكل اللي بيكتبوا واحدة منهم للي عايز يتعلم الكتابة الأدبية من الأول خالص، والتانية للي عندهم كتاب جاهز وعايزين ينشروه..
بس نبدأ بموضوع انهرده..
إزاي تعمل اسم لنفسك كـ كاتب ، عالسوشيال ميديا أو على أرض الواقع، أو بمعنى آخر الـ personal branding
1- مش مهم كتابتك تبقى ممتازة لكن مهم تكون مميزة:
لو بقى ليك اسلوب سرد معين، لغة خاصة، أو تاتش بتاعك يخلي صحابك مثلا يعرفوا إن انت اللي كاتب ده من غير ما يكون اسمك مكتوب، يبقى مبروك انت ليك اسم معروف.. حتى لو من قلة قليلة.
2- عشان تكون كتابتك مميزة عن غيرك، متحاولش تقلد طريقة حد:
في الكتابة خصوصاً مينفعش يكون ليك قدوة او حد بتقرا كل حاجته بسرعة وعمرها ما بتنتقدها لإنه الكاتب الفلاني ، لأ . في الكتابة لازم تنتقد بالأخص اللي بتحب تقرالهم.
3- على ذكر القراءة، مفيش كاتب مبيقراش:
أنا بقالي فترة طويلة مقرتش حاجة ولما ببدأ في كتاب مبكملوش، فبالتالي مش عارفة اكتب بقالي شوية حلوين يعني خدوا العبرة مني، ومتعملوش كده.
4- على قد حلمك مد رجليك ، اختار بتقرا إيه:
مينفعش يبقى حلمك تكون أديب وروائي كبير وكل اللي بتقرا قصص بوليسية ركيكة أو اي كتب جديدة تطلع، أو الأسوأ تكون بتقرا بالعامية بس!
على قد حلمك مد رجليك، ولو حلمك تكون عظيم ومؤثر لازم تقرا لناس عظيمة ومؤثرة.
5- متنساش هدف الكتابة في الأساس، استمتاعك:
انت بتعمل كل ده عشان تستمتع وتتبسط، مش مهم الكتاب يتنشر أو الفيلم يتعمل مش مهم حتى لو محدش عجبه اللي انت بتكتبه او مفهموش حاجة، المهم إنك مبسوط جوه رحلة الكتابة نفسها لإنك بتنفس عن اللي جواك وبتستمتع من غير اي انتظار لنتيجة.

اتفقنا؟!

هديتين انهرده عشان تحققوا حلمكم بجد مش كلام في بوست:
الهدية الأولى:
عرض نشر كويس في دار أوراق للنشر لكل اللي عايزين يشاركوا في معرض القاهرة 2020 وعندهم كتاب جاهز للنشر وعايزين دار كويسة وأسعارها مناسبة ودي تفاصيل العرض:
أوراق تقدم عرضا لعدد محدود من الأعمال المتميزة يتيح لها التواجد في معرض القاهرة الكتاب 2020 ..
تواصل معنا لمعرفة كافة التفاصيل .. نرجو ارسال العمل مع تعريف بسيط بالمؤلف واجعل عنوان رسالتك “معرض الكتاب 2020”
[email protected]
الهدية التانية: انا بعمل تيم كتابة، للناس اللي بتكتب (كتابة أدبية) هنعمل ورش ونتدرب سوا وهنتعلم الكتابة سوا وهيبقى فيه تاسكات وواجبات والعاب وكل حاجة، هدف الورش هي إننا نطلع كتب أو روايات كويسة.. والورش كلها مجانية.

بس كده سلامو عليكو

سماح_هشام

كتب بواسطة : سماح هشام