أسرار السفر الى تركيا من أيمن الشربيني

في المقالة دي هنتكلم عن السفر الى تركيا من مقابلة اتعملت مع أيمن الشربيني واللي هيحكلنا عن تجربة سفره لتركيا و النصائح المتبعة.

نصائح عند السفر الى تركيا

اول 15 نصيحة لازم تاخدهم في عين الاعتبار

1. ان يكون معاك انترنت ده زي الهواء بالنسبة لك من أول ما تنزل من المطار
2- أهم برنامجين ماينفعش تتحرك الا بيهم هم Google translation , Maps
3. اسكن جنب المواصلات و خاصة الترام ., التاكسي و Uber هناك غاليين
4. لا تثق بأي شخص خاصة لو كان عربي بشهادة ناس كتير
5. خد بالك من السرقة

6. ماتجيبش الشنطة ال بتتعلق في وسطك لان بيبقى العين عليها ان فيها كل حاجتك , شنطة الضهر اضمن و خد بالك لو دخلت في مكان زحمة بيها و عن تجربة كانت هتتفح مني و انا فالترام
7. بفكرك بباقة النت هات ضعف استخدامك في الطبيعي
8. اسطنبول كبيرة و كمية خطوط ترام رهيبة ف لو رايح مشوار ممكن تسجل عالموبايل المواصلات علشان تعرف ترجع خاصة لو راجع مكان مش جنب مترو
9. اقل من 1 % من اللي ممكن تقابلهم بيتكلم عربي او انجليزي الا لو قابلت عرب و خد بالك في اللحظة دي
10. اسطنبول فيها عرب و مصريين كتير لكن باقي تركيا من النادر جدا

السفر الى تركيا

11. بخلاف الشغل معاهم , الشعب التركي مبهج و بيحب يساعد خاصة موظفي المواصلات العامة
12. أول حاجة تعملها هي بطاقة المترو هي مش غالية تقريبا بـ 6 ليرة و تشحنها هتلاقي المرة مثلا متوسط ليرة و نصف و بتستخدمها فالمترو و الاتوبيسات بصراحة الاوتوبيس العام هناك انضف من Go bus
و بتتجاب
13. الشحاتين في اسطنبول ممكن يكونوا اكتر من اللي في القاهرة فـ مش عارف بصراحة أقولك تعمل ايه
14. في برامج زي ( trafi, moovite ) معمولين للتجول مشهورين جدا بس انا الحقيقة معرفتش استخدمهم لانهم بالتركي بس .
15. كل اليافطات و الاشارات و العلامات بالتركي مافيش انجليزي حتى

السفر الى تركيا

اخر 15 نصيحة في السفر الى تركيا

16. حجوزاتك خلصها قبل متسافر لانك هتتفاجئ بمواقع مقفولة زي موقه Booking
17. سوق العملة عجيب شوية يعني ممكن تلاقي لو هتحول من بنك أعلى من الصرافة يعني ممكن لو هتحول 100 دولار تلاقي فرق يوصل لما يقرب من 50 ليرة و اكتر بين صرافة و صرافة تانية أو بنك
18. اسطنبول ( شوبنج – فسح – اماكن تاريخية – كل حاجة ), تاني عاصمة بعد باريس بيجيلها سياح في أوروبا
19. هتلاقي شباب صغير في جامعات لابسين تشيرت موحد Ask me اسالهم عن اي حاجة و في منهم يعرف عربية فصحى
20. تركيا مش اسطنبول بس فيها اماكن ليها طبيعة وهمية مش هتكون موجودة في اسطنبول ( انطاليا, فتحية, كاش, ازمير, طرابزون )

السفر الى تركيا

21. ماينفعش تروح اسطنبول و متعديش عالشيف بوراك , له 3 فروع بس بيكون موجود يوميا من بعد المغرب في الفرع اللي في بشكتاش محطة مترو Levent
22. الشوبنج في اسطنبول في كل حتة الا السوق المصري هتلاقي مزودلك في السعر علشان تعد تفاصل و في الاخر يضحك عليك و الله شفت شنطة في اديداس ب 120 ليرة لقيتها في السوق ب 130 ففهمت.
23. اوعى تفكر تكسر اشارة مش عاوز اقولكم لما عملتها مرة
24. متركزش مع حد و مش هتلاقي مركز معاك
25. توقع المطرة في الـ 12 شهر في السنة و بغزارة احيانا

السفر الى تركيا

26. الطبيعة العجيبة و انها على تله فمتمشيش تماما بشنطة صعبة الجر هتتنفخ
27. ماتروحش بشيل خالص لانك هترجع بشيل (مشتريات ) كتير.
29. استفيد بيومك ابدأ بدري لان الساعة 10 بالليل هتلاقي كل الناس بتقفل
30. دي خبرة 3 أسابيع بس ممكن يكون في معلومات افضل و احسن بكتير

* في ال كام يوم دول فعلا حسيت ان قد ايه انك برة بيتك صعبة
و ان في الآخر مصر فيها راحة مش موجودة في حتة في العالم

اقرأ ايضاً:

تأنيث الفقر : الاناث افقر من الرجال

اهم 4 كورسات Photography للمبتدئين2020

تاريخ مصر القديم (الحضارة الفرعونية): عصر ما قبل الاسرات والاثار التي تركها خلفه