العلاقة بين خطيب الجمعة وبين التسويق الصحيح !

لو بنفع أحسد حد، فأول واحد راح أحسده هو خطيب الجمعة! لانه هو الوحيد ال بيقوم ب التسويق الصحيح .ولو حد طلب مني أستحدث وظيفة جديدة “موقع وظيفي جديد” حتكون كاتب محتوى خطب جمعة!

التسويق الصحيح

قبل ما أحكيلك الأسباب خليني أعرفك على كم معلومة حلوة في التسويق والتسويق الصحيح والأعمال التجارية وبعدها نرجع لموضوع خطبة الجمعة.
“لو مستعجل روح على آخر المنشور ولا أفضل ذلك”⁦

في أي عمل تجاري بشكل عام وأي نشاط تسويقي بشكل خاص عشان تبيع.
أو خلينا نحكي أهم خطوة في كل شغلك هي إنه لازم تعرف الناس المهتمين في منتجك أو خدمتك.
إذا عرفتهم بنسبة كبيرة هذا الشخص حيشتري منك “لو اشتغلت تسويق صح وعرفت تقنعه”

هذا الشخص المهتم اسمه lead وعليك تستخدم الأنشطة والقنوات التسويقية المختلفة عشان تقدر تحوله من مهتم لعميل يشتري منك.
المهم إنه خطوة الحصول على المهتمين دول “leads” هي من أهم الخطوات في شغلك وال من غيره مش هتبيع اشي والشركة هتقفل. تمام؟

اول خطوة لازم تخدها

فأنت أول خطوة هتعملها هي انك تدور على طريقة سحرية تعرف بيها الناس المهتمين، عشان بعدها تركز على الناس دي بس ومتضيعش مواردك وجهدك وفلوسك على ناس مش مهتمين.

طيب نعتبر إنه اشتغلت على استراتيجية معينة وعرفت الناس المهتمين، هل تاني خطوة هتعملها هي إنك تحكيلهم دا المنتج أو الخدمة البقدمهت ودي المميزات والسعر؟ وبتتوقع يشتروا منك؟
في العصر الحديث لو عملت الحركةدي ، فغالبا حتنصدم إنه ولا واحد هيشتري منك رغم إنهم مهتمين أصلا.

ليه بقي؟
القصة طويلة بس بالمختصر إنه بين آلاف المنافسين مطلوب منك تبني ثقة مع دول المهتمين وتوعيهم.
وتحكيلهم على مشكلتهم وايه الحلول وتخليهم يثقوا فيك ويعرفوك أكتر وده الي بنعمله من خلال التسويق بالمحتوى.

الحركة دي اسمها Sales funnel “أو قناة البيع” بمعنى رحلة العميل من أول ما يكون مش مهتم أصلا لحد ما يكون مهتم وبعدها يثق فيك وبعدها يشتري منك!
طبعًا إذا اشتغلت غلط وما عرفتش تبني ثقة مع المهتم هيكون في عميل.

مثال

التسويق الصحيح

أنت استخدمت طريقة معينة وعرفت فيها المهتمين وقدرت تحصل على ايميلاتهم.
رحت بعتت أول ايميل عشان تبني الثقة مع العميل، كتبت محتوى مش مفيد وتسويقي بحت.
الشخص المهتم هدا عرف إنه الايميل مجرد إعلان، فهيلغى الاشتراك في القائمة البريدية أو عملك بلوك.
وبالتالي أنت خسرت شخص مهتم لمجرد تصرف خاطئ عملته في كتابة المحتوى.

من هان بنعرف إنه لازم تكون حذر جدًا وشغال صح عشان العميل ما يطلعش من “Sales funnel” ويفضل معك لحد ما يشتري في النهاية منك ويصير زبونك!

ايه علاقة الكلام ده بقي بخطيب الجمعه؟؟


العلاقة بين خطيب الجمعة وبين التسويق الصحيح

لو عايزيم نرجع لأصل خطبة الجمعة هنعرف إنها اجتماع أسبوعي للمسلمين يمثل منبر إعلامي إسلامي للطرح والتوجيه والتعليم والتذكير والتنبيه والوعظ وتقويم السلوك.

لو عايزين نسقط موضوع التسويق هنا، فالناس في خطبة الجمعة جايين وعارفين ليه جايين.
جايين وهما “مهتمين” فالمفروض خطيب الجمعة يستغل النقطة دك كويس..
فيحكي كلام مفيد ويحقق أهداف الخطبة..

أنا لحد دلوقتي مستغرب إنه فيه فرصة عظيمة زي دي لجمع المسلمين يوم الجمعة وفي الآخر بتروح للمسجد تلاقي محتوى الخطبة ملوش علاقة بالوضع الحالي.

هل يجوز خطبة الجمعة بلغة غير العربية | الوفد

أو غير مهم للناس، أو غير مفيد، أو يكون أسلوبه غلط أصلا، أو فاهم إنه الخطبة في ارتفاع الصوت، أو يضيع اللغة العربية وينصب المرفوع ويرفع المجرور.
أو ينسخ خطبة من النت ويجي يسمعها للناس، أو يجي كشخص موظف والسلام!

sales funnel

واحد هيسألني، طيب ليه ذكرت Sales funnel؟

التسويق الصحيح

لأنه الموضوع شبيه بيها فعلًا، أنت عندك الناس مطلوب وإجباري ولازم منهم يجوا كل يوم جمعة عشان يسمعوا منك.
مافيش حد هيطلع من “القناة”، مافيش حد هيقول آسف أنا مش مهتم ومش حابب أسمعلك، يعني مش هتلاقي حد زهق أول جمعة فتاني جمعة ما يجي! لأنها واجبة.

فالمفروض تكون دي نقطة ذهبية إنه الناس كل 7 أيام لازم يتجمعوا ويسمعوا منك كخطيب جمعة والمفروض أنت تبدع في كتابة وإلقاء محتوى مهم ومفيد.

ما أثرش فيهم الخطبة دي، هيأثر المرة الجاية، المرة دي تحكي بأسلوب، المرة الجاية بأسلوب تاني، المرة دي كان العنوان يختص في مناسبة معينة، المرة الجاية تتكلم عن حاجه تانية.

التسويق الصحيح

باختصار أنت كخطيب جمعة لازم تستغل نقطتين، إنه الناس جايين “مهتمين” عشان يسمعوا منك كلام مفيد ومهم ومناسب، وإنه الناس حيجوا كل جمعة وكل جمعة متطلعين يطلعوا بحاجه تفيدهم.
يعني المفروض المحتوى يكون منظم ومرتب وذو علاقة ومتعوب عليه ويغير فيهم جذريًا!

أنت متخيل إنه فيه الك كلمة للناس كل 7 أيام؟!
متخيل إنه في السنة فيه 52 جمعة!
يعني المفروض ال52 جمعة دول 52 فرصة عظيمة!
احنا بنحكي على سنة واحدة.. فما بالك في أكتر من سنة؟
وبالآخر ما أطلعش بحاجة!! والله مصيبة.

أكيد دلوقتي عرفت ليه لو ينفع أحسد حد، هأحسد خطيب الجمعة، وليه لازم يكون فيه حاجة اسمها كاتب محتوى خطب جمعة وظيفته بس يقعد ويكتب محتوى ويستغل الفرصة العظيمة دي في تحقيق أهداف الخطبة.

المنشورات السابقة: موجودين هنا

كتب بواسطه : مصطفي حبوب

اقرأ ايضاً:

طرق استثمار الوقت واستغلاله خلال جائحة كورونا

كيفية تأدية صلاة التراويح في البيت خلال شهر رمضان

تاريخ مصر القديم (الحضارة الفرعونية): ملوك الاسرة الاولي