تسنيم محمد

أنا عايز اتعلم pr ؟

= أنا عايزة أتعلم PR

  • هتلاقي كورسات عن ال PR أونلاين وببلاش كمان
    = كورسات أونلاين يع!!!

دا كان رد فعلي لأي حد بيقولي خدي كورس أونلاين إللي هو كأنه بيشتمني وكنت فاهمة بقى إن الكورسات ال أوفلاين هي إللي هتخليني شبح في أي مجال، لحد ما اتغفلت ودفعت 400 جنية في Workshop تبع تيم مشهور و مستفدتش حاجة يا مؤمن ومن هنا بقى قررت أخد كورسات أونلاين وأول كورس أخدته كان في شهر واحد إللي فات عبارة عن مقدمة في مجال العلاقات العامة بما إنه مجالي واستفدت جداً بس مكررتش التجربة، لحد الشهر دا قولت أجرب يمكن استفاد وبدأت فعلاً ولقيت نفسي بأخد كورس ورا كورس لحد ما أخدت 13 كورس الشهر دا في مختلف المجالات ومختلف المنصات وخاصة إن علاقتي بالتكنولوچيا كويسة فكان الموضوع سهل

بقيت باخد الكورس وكأني بذاكر مادة وكل ما أخلص واحد اتشجع للي بعده، وبقى أي مجال حابة أتعلم مقترن عندي بموبايل وواي فاي وورقة وقلم واشتغل مع نفسي، ومن سابع المستحيلات إني أنزل Workshop وادفع فيها فلوس إلا لو متأكدة إني هستفاد بجد

مش كدا وبس بقيت بنزل ك PR Trainer و Soft Skills Trainer وأغلب الفيدباك اللي بيوصلني كويس وإن فيه حد استفاد بسببي، بقيت معروفة شوية في مجال الميديا، إللي حابب يعرف عني أكتر هيلاقيها في اللينك دا فالحمد لله إن فيه حاجات تسهل علينا العلم كدا ونقدر

إللي عنده أي استفسار في الكورسات دي يقول وهرد عليه بإذن الله

تسنيم محمد علي

مقالات ذات صلة

زر الذهاب إلى الأعلى
إغلاق
إغلاق