30 نصيحه ممكن ينفعوك

30 نصيحة يمكن ينفعوك

١ -صلّي دلوقتي، عشان متبقاش صعبة عليك وانت كبير
٢ – رضا أهلك كنز من كنوز الدنيا بيفتحلك اي باب مقفول
٣ – ربنا مش هيدّيك كل حاجة، بس هيديك حاجة متتوقعهاش .
٤ – اتعلم ترضى واشكر ومتشتكيش، ربنا وعدك انه هيزيدك
٥ – بلاش كل يوم كافيه، حوّش الفلوس دي وخد بيها كورسات .
٦ – الجواز مبيأخرّش, والحياة تعب, اتعب وانت مش لوحدك
٧ – انت لسه صغير بس الظروف هي اللي عملتك كبير
٨ – متوعدش حد بحاجة مش هتعملها، واوعى تعلّق قلب حد
٩ – مفيش حاجة بتقف على حد .. اتعلم تبص قدامك
١٠ – متبصش على اللي مع غيرك، لانها متقسّمة بالعدل .
١١ – اتعامل مع كل يوم كأنه اول يوم، عشان متزهقش
١٢ – اللي يقولك مش ” هتعرف ” فشل قبلك، حقك تحاول
١٣ – كل ماتتخنق بص على حال الناس هتعرف ان ربنا بيحبك
١٤ – الوقت اللي بيضيع مبيرجعش تاني ، شوف بتضيعه ازاي
١٥ – مفيش حد بيتغير عشان حد، بس اكيد في حد شبهك
١٦ – اسمع كتير للناس وراضيهم بكلامك ، تكسب قلوبهم
١٧ – سافر، السفر فُسحة للنفس وتجديد للشباب
١٨ – اتعب واجتهد دلوقتي وسيب ربنا يكافأك بطريقته .
١٩ – بطّل سجاير والعب رياضة عشان متعجزّش بدري
٢٠ – اعمل الخير في الخفاء، يذكرك الله بين الناس في العلن
٢١ – رأس مالك الوحيد اللي هيفضل بإسمك هو سيرَتك
٢٢ – لو الموت مهزّكش مفيش حاجة تانية هتهزّك
٢٣ – اغلط بس متبطلش استغفار وتوبة .
٢٤ – حلّ مشاكلك كلها موجود في القرآن، اقرأه
٢٥ – في أسئلة كتيرة مش هتعرف اجابتها، متتعبش روحك
٢٦ – الحب انك تتمنى لغيرك السعادة حتى لو مش معاك
٢٧ – لو استنيت الناس تقولك منين الطريق، مش هتوصل
٢٨ – اتعلّق بربنا مش بالناس، محدش قلبه بيوجعه مع ربنا
٢٩ – اعرف قيمة اللي في ايدك عشان لو ضاع صعب يرجع
٣٠ – كلنا هنمشي في يوم ، خلي الناس تفتكرك بالحلو 🙂
قلها من داخلك
نعم سأبدأ من جديد 

هشام أحمد