يعني اي career shift وليه بنعمله

Career Shift هو ايه الـ
وليه الكارير شيفت ده أحيانا بيكون هو الحل ؟

* الـ Career Shift باختصار هو انك تغير مجال شغلك
زى مثلا من مدرس لرائد أعمال ، من دكتور لـ لاعب كورة ، من مهندس لممثل أو محاضر .. و هكذا.

▪️ طب ايه الـ يخلينى اعمل كده؟!
تعمل كده لما تحس انك مش لاقى نفسك فى المجال الـ انت شغال فيه .. بتعمل الـ يطلب منك وخلاص مش حاسس بطعم حاجه .. لما توصل انك تقتل شغفك.

▪️ ودى اسباب تخليك تفكر فى الـ Career Shift:
1- مش راضي عن الشغل ولا عن نفسك ولا مبسوط
و دي لها أسباب كتير ولها tools بنستخدمها عشان نخليك تعرف الاسباب و ازاي تعالجها

2- لما تحس بضغط شغل و قلة تقدير :
لما تحس ان الشركة بتضغطك عشان تعمل حاجات فوق طاقتك ، و فـ نفس الوقت متلاقيش حد بيقدر الشغل دا أبدا .. ساعتها ممكن تفكر فمجال تاني.

3- واقف فمكانك :
فالمرحلة دي بتلاقي نفسك مش بتكسب أي حاجة جديدة من شغلك .. مفيش مهارات ، مفيش شغف تعلم ، مفيش رغبة انك تكمل .. و ساعتها بيكون مفيش فايدة ولازم تبدأ تدور على حاجة جديدة.

4- الدنيا بتبوظ :
اللحظة اللي بتحس فيها ان مجالك بينهار خالص و مش هينفع يكمل .. لازم تلحق نفسك قبل الدنيا ما تبوظ زي ما حصل في أزمة السياحة الاخيرة و ناس كتير أضطرت انها تغير مجالها غصب عنها.
و في حاجات تاني ممكن نقولها في وقت تاني

▪️ الـ Career Shift مش خطوة سهلة و لازم تدرسها كويس اوى تعرف انك هتبقى داخل على مغامره جامده بس مش معنى كده انه حاجه مستحيله لان فى نماذج كتير عملت كده (مش اجانب بس) ومصريين كمان عندك يعنى :
باسم يوسف, اكرم حسنى, كريم فهمى, يحيى الفخرانى, عزت ابو عوف ….. وغيرهم كتيير

* الموضوع مش صعب بس محتاج جراءه .. الجراءه الـ خلت الناس دى تسيب مجال دراستها سواء كان دكتور او مهندس وتتجه للتمثيل مع انهم مش عارفين اذا كانوا هينجوا

ولا لأ ، بس شغفهم خلاهم خاطروا ونجحوا فى الاخر ..

وافتكر الجمله دى

“the change is hard at first, messy in the middle and gorgeous at the end”

* لو انت قررت فعلا ده .. أنا معاك و هساعدك تعمل Career shiftيومكم جميل



* Walid Rabia – Career Coach *
#Be_The_Story

وليد ربيع