تقدير الذات

تقدير الذات من اهم الحاجات اللي بتزرع جوانا الثقه بالنفس وكتير مننا بيعفل عنها

– ليه انت محتاج تقدّر نفسك ؟
لان عدم تقديرك ، هيخليك :
 – تقبل بحاجات مش المفروض لحد في قيمتك أنه يقبلها.
–  تبقى مع أشخاص اقل من انهم يكونوا معاك .
–  تسمح بتدخلات مش لازم انك تسمح بيها في حياتك الخاصة.
–  تقارن نفسك بأشخاص ممكن تكون أفضل منهم.
–  تضيّع على نفسك فرص مش لازم تفرّط فيها.


* ازاي تقّدر نفسك؟

▪️ متنتظرش ان غيرك يقدّرك، متنتظرش انك تحقق حاجه جميله قبل ما تقّدر نفسك.

خليك متأكد ان جواك حاجات و بتعمل حاجات محتاجه تقدير حتي ولو حاجات بسيطه، للاسف انت بتهتم باللي عند غيرك اكتر من اللي عندك ،
في التقدير محتاج تهتم باللي عندك اولا وباللي محتاج يتقدر جواك.

▪️خلي طريقة كلامك عن نفسك لطيفه، فكر في اللغه اللي هتستخدمها لو محتاج تقدر حد تاني ، استخدم اللغه دي علي نفسك
بلا توّبخ نفسك، بلاش تركز علي أخطاءك وتعمل زي اغلب البشر لما ينسى كل اوقاتهم اللي عملوا فيها كل حاجه صح.

▪️تقديرك لنفسك في كتير من الأحيان بيخليها عادة.
حافظ علي تقديرك لنفسك بشكل مستمر لفتره وهتلاقي دا بيحصل بشكل تلقائي، ولو محتاج حاجه تساعدك علي كده ابعتلي

▪️هات لنفسك هدية، ودا من أفضل الطرق عشان تظهر التقدير لنفسك.
ممكن تكون الهدايا شئ مادي ولو ( شيكولاته، كتاب، موبايل، لبس، خروجه، سفر،،،،، وحسب ميزانيتك بقا) انا عن نفسي مضيع فلوسي ف الكتب واللبس والكورسات.

▪️خليك نفسك، ممكن تكون أفضل طريقة لتقدير نفسك هي أنك تكون نفسك. انك تقبل نقاط ضعفك ، متتكلفش انك تتصنع انك تقلد شخصية حد تاني عشان ترضي غيرك،
انت بكل حاجه فيك اجمل واللي بتعمله محل تقدير


* سؤال: ايه اللي بتقدره في نفسك؟ وهل البوست دا ممكن يكون فارق معاك ؟

#Waid_Rabia – #Career_Tips
*Be_The_Story*

وليد ربيع