مهارة الوعي الذاتي

اهلا بيكم من تانى فى فقرة #مهارات_مع_ياره_مجدى
*هنتكلم النهارده عن مهارة الوعى الذاتى “Self Awareness ”  وتعالوا مع بعض قبل ما نشوف خطوات مبدأية تقدر تاخدها عشان تعرف نفسك أكتر نشوف مع بعض أهمية الوعى الذاتى ..

* وعيك بنفسك بعتبر حجر زاوية الذكاء العاطفى بمعنى انه بالخطوات البسيطه اللى هتبدأ تاخدها وتكمل عليها
* ايه هى افضل الطرق لتحفيز نفسك وكنا اتكلمنا عنها فى مقال سابق
* صفات العلاقات اللى ممكن تدخلها وتكمل فيها وشكل علاقاتك الاجتماعية هتحدده ازاى

* هتقدر كمان تعرف ايه الوظايف المناسبه ليك من حيث قيمك واللى تقدر تاخدها كارير ليك وتطور نفسك فيها وتكبر اكبر

* هتقدر تقيم نفسك فى الوضع الحالى وتعرف حابب تروح فين وهتوصله ازاى بخطوات متوافقه

_________
*أوهام ما قيل فى الوعى الذاتى :
= مفيشسيشن هتروح تحضرها هتعرفك نفسك فى ساعتين
دايما مقولة بقولها للمتدربين معايا أن ” الوعى الذاتى رحلة وليس جهة وصول “
Self awareness is a journey not a destination
الوعى الذاتى رحله مستمرة على مدار الحياة فى كل دقيقه بنكبر اكتر بنعرف اكتر عن نفسنا مع كل موقف وكل جالة بتعرضلها

= انا عندى كذا سنه مش عارف نفسى لغاية دلوقتى ولا عارف عايز ايه !
مش مطلوب منك تعرف كل فسفوسه عن نفسك فى وقت محدد طبيعى نكون فى فترة فيها مذبذبين وبنجرب كذا حاجه و بنشوف هينفع معانا ايه …
بنعيش وبنموت وفى حاجات عننا منعرفها التوهة الصحية طبيعية ومفيده انها توصلنا
_________

* خطوات بسيطة هتساعدك تعرف نفسك

= تعرف قيمك الحياتيه المجرده اللى عايش بتحركك دايما فى تصرفاتك انا مثلا اهم قيمى الحياتية الصدق ، السعى ، التطوير

= فى كل موقف بيعدى عليك تلاحظ وتسجل رد فعلك وايه مسبباته ومدى تشابه او اختلاف ردود افعالك ومواقفك

= تسأل ناس قريبة منك عن رأيهم فيك وشايفينك ازاى والاهم انك تسألهم هم شايفين كده ليه ؟

= تعرف ايه اللى بيفرحك واللى بيزعلك امتى بتغضب وامتى بتعيط بترتاح لايه وبتخاف من ايه وايه اللى ممكن يحبطك .. تعرف تحدد مشاعرك تجاه الناس والاشياء على الاقل المساعر الاساسية الخمسه ” الفرح _ الغضب _ الحزن _ الغضب_ الاشمئزاز “

بالتوفيق دايما اشوفكم الاتنين الجاى الساعه 5
#النحلة

يارا مجدي