تسنيم محمد

مهارات البحث عن وظيفه بعد التخرج

اتخرجنا خلاص وبندور على شغل علشان نقابل ناس ونكون خبرات وكمان نحقق بعض أحلامنا الصغيرة بس أغلبنا مش بيلاقي شغل وكلنا بنقول نفس الجملة “مفيش شغل في البلد”، و للأسف بنشوف ناس كتير معندهاش أي خبرة ولا حتى مهارة وتيجي تقولك أنا عايز شغل بمرتب مش أقل من 3000 جنية، طب أنت يا ابني هتديني إيه في المقابل تلاقي صوت صرصور الحقل

خلينا بقى نتكلم جد شوية، في مهارة غايبة عن أغلبنا بس للأسف من غيرها مش هنعرف نشتغل، وهي مهارة البحث عن وظيفة أو Job Search Skills، علشان تلاقي شغل محتاج يكون عندك المهارة دي، طب إيه هي المهارة دي أو بتتكلم عن إيه خلونا نشوف

مبدأيا سن العمل القانوني في مصر بيبدأ من 18 سنة، مينفعش قبل كدا، ومفيش شركة محترمة بتقبل تشغل حد أقل من 18، فمتصدقش أي حد يقولك هشغلك بشهادة الميلاد لأن دا نصب، ولو سنك أقل من ال 18 بردو تابع معانا علشان تعرف هتعمل إيه لما تحب تشتغل

أول حاجة علشان تلاقي شغل محتاج تدور في المكان الصح، فلنفترض مثلاً إنك عايز تشتغل في مجال السوشيال ميديا، سواء كاتب محتوى Content Creator أو متخصص في مواقع التواصل Social Media Specialist أو مسوق رقمي Digital Marketer، يبقى أول حاجة تعملها تبدأ تدور على الجروبات اللي تبع المجال دا هتلاقي مثلاً أشهرهم جروب “سوشيال ميدياوي” فخلاص نعمل طلب انضمام للجروب دا ونبدأ نشوف الوظايف اللي الناس منزلاها، ولو ملقتش هتنزل بوست بالمؤهلات والإمكانيات اللي عندك وهتلاقي حد محتاجلك معاه.

تاني حاجة يُفضل يكون ليك خبرة في المجال اللي ناوي تشتغل فيه، هتقولي طب وأنا هجيب الخبرة منين وأنا أصلاً لسه طالب، هقولك ببساطة شديدة ال Student Activities مالية البلد ومفيش أكتر منها، بتاخد منها خبرة وبتتعلم ودا بيتضاف لل CV بتاعك لما تتخرج، وفيه حل تاني إنك تشوف حد تعرفه هيفتح شركة أو حاجة وتخليه ياخدك معاه ودي هتكلم عنها في النقطة الجاية.

العلاقات العامة أو ال Public Relations دي أهم حاجة هتخليك تلاقي شغل، من فترة LinkedIn أصدرت خبر بإن معظم الشغل بيجي بنسبة 80% عن طريق العلاقات العامة، و20% بس عن طريق الطرق التقليدية للحصول على وظيفة، فلو قابلت نمل في الشارع خد رقمه واتعرف عليه علشان دا هيفيدك قدام، أتعرف على ناس أكتر ووسع دايرة معارفك، وزود من الناس اللي في حياتك بزيادة، العلاقات العامة مهمة

✓ لو حابب تعرف أكتر عن المهارة دي وغيرها من مهارات ال Soft Skills فتقدر تعمل Follow و See first علشان يوصلك الكورسات والشرح اللي بنزلها

Find_your_passion

تسنيم محمد

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق