كنز التعليم الذاتي :اهم 10 مواقع للتعليم الالكتروني

في المقالة دي هنتكلم عن أهم 10 مواقع في التعليم الذاتي علي الانترنت، ممكن تعلمك أى مجال نفسك فيه مجانا!
ومن بيتك، وهتلاقي مواقع عربي وانجليزى عشان ميكنش ليك حجة. 

التعليم الذاتي

حرفيا لو قعدت كل يوم نص ساعة بس علي أى موقع من المواقع دى لمدة 6 شهور أو سنة هتتعلم مجالات ومهارات عمرك ما حلمت بيها.
وكمانهتزود فرصك جدا في سوق العمل وتشتغل في مجالات بتحبها مش مفروضة عليك

مواقع الكورسات الأونلاين العربية:

1- موقع: Prceg
موقع تعليمي مهتم بنشر ثقافة التعلم الذاتى والكورسات الاونلاين، هتلاقي عليه شرح خطوة بخطوة بالصور، والفيديوهات لأقوى مواقع الكورسات الاونلاين في العالم! هتلاقي في الموقع ده شرح لكل المواقع المذكورة في البوست وكمان ترشيحات لأهم الكورسات الاونلاين اللي ممكن تبدأ بيها.

2- موقع إدراك: Edraak
موقع عربي بيسعي أنه ينافس عالميا بإثراء المحتوى العربي، هتلاقي عليه كورسات عالية الجودة مجانا، من خبراء العالم العربي والعالمي.

3- موقع رواق: Rwaq
موقع عربي بيقدم كورسات اونلاين مجانية في مجالات مختلفة ومتنوعة، بيقدم الكورسات دى أكاديمين متخصصين من أنحاء الوطن العربي كله.

4- موقع نفهم: Nafham
موقع مميز جدا بيقدم شرح مبسط لمناهج التعليم المدرسي في مصر وسوريا، والسعودية، والجزائر، والكويت، مشترك عليه أكتر من مليون طالب .. ممكن تعتمد عليه وتوفر فلوس الدروس..

5- منصة نون: نون اكاديمى 
يعتبر الموقع ده أكبر شبكة تعليمية فى الوطن العربي هتلاقي عليه دروس في (الرياضيات – إنجليزى – فيزياء – كيمياء .. إلخ)

المواقع الأجنبية العالمية..

1- موقع كورسيرا: Coursera
كورسيرا هو أقوي موقع تعليمي في الوقت الحالي، كل كورس علي كورسيرا بيتقدم من أفضل الجامعات الموجودة في العالم، وبيقدم الكورسات دي أفضل خبراء العالم في المجالات المختلفة ..
حرفيا ممكن تتعلم من عليه مجالات عمرك ما سمعت عنها ومن أفضل جامعات العالم وانت قاعد في بيتك.

2- موقع يوديمي: Udemy
لو عايز تتعلم مهارات مختلفة بشكل سريع وممتع يبقي يوديمي هو أفضل خيار ليك، هتلاقي عليه كورسات في أى حاجة حرفيا، زى ما بيقولوا “من الإبرة للصاروخ”

3- موقع إيدكس: EDX
عايز تتعلم في جامعة هارفارد من بيتك؟ يبقي تجري علي الموقع ده وتستمع بالمحتوى العالمي الموجود عليه.

اقرأ ايضاً: شرح موقع edx التعليمي و كيفية استخدامه

4- موقع ليندا: Lynda
هو يعتبر واحد من المواقع المقربة لقلبي والمحتوى عليه بيجيب من الاخر، وبيكون منظم وشرح مبسط جدا..
وهتلاقي عليه كل المجالات المطلوبة في سوق العمل.

5- موقع: Alison
الموقع ده موجود عليه أكتر من 1000 كورس في مختلف المجالات بأكثر من 12 مليون متعلم من جميع أنحاء العالم.
وهتلاقي عليه حاجة اسمها “Learning path” يعني مسار تعليمي بيكون منظم وشرح سهل وممتع.
لو عايز مواقع تاني هتلاقي فى الكومنتات كل المواقع التعليمية العربية والاجنبية ، اختار منهم موقع او اتنين عشان متوهش وابدء اتعلم اللى نفسك فيه من بيتك، وطور من نفسك ومهاراتك عشان تحط شروطك وتشتغل في مجالات بتحبها مش مفروضة عليك..

كُتب بواسطة/احمد سيسي

اقرأ ايضاً:

كورسات مجانية اونلاين في جميع المجالات لفتره محدوده من الصفر الي الاحتراف

كورس الجرافيك ديزاين أونلاين مجانا من موقع أدراك 2020

ماهي التنمية البشرية وتطوير الذات وما أهمية التنمية البشرية وتطوير الذات