الاكتئاب والأعراض النفسية وما هي مراحله…
Depression! ?
✓ إيه هو الإكتئاب..؟ ✓ إيه الفرق بين الإكتئاب و الحزن..؟
✓ إيه هي مظاهر الإكتئاب..؟
✓ إيه هي أسباب الإكتئاب..؟
✓ إيه هو الاكتئاب الموسمي..؟
الاكتئاب والأعراض النفسية
• مشاهير أصيبوا بالإكتئاب
• نبذه عن إكتئاب ما بعد الولاده –
إتكلمنا ف الفقره اللي فاتت عن مقدمه ف الاضطرابات النفسيه و العقليه و كتير منكم طلب إننا نتكلم عن كل إضطراب بشكل أعمق و أدق..
الاكتئاب والأعراض النفسية
الاكتئاب والأعراض النفسية
✓ يا تري إيه هو الإكتئاب..؟
– الإكتئاب هو واحد من أكثر الإضطرابات النفسيه إنتشارا في العالم و هو عباره عن حاله مرضيه تصيب الفرد بعد فقده لشخص أو شئ عزيز أو تعرضه لموقف أليم يستدعي الحزن
✓ طيب إيه الفرق بين الإكتئاب و الحزن..؟
– الحزن عباره عن إنفعال مؤقت بيحصل للفرد لما بيتعرض لموقف مؤلمو الإنفعال ده بيقل حدته مع مرور الوقت علي حسب حجم الألم النفسي و قدرة الشخص علي تجاوزه و بالتالي مش بيحتاج لعلاج نفسي لأنه حاله إنسانيه طبيعيه- أما الحاله الانفعاليه للإكتئاب مش بتقل مع مرور الوقت بالعكس بتتزايد بشكل ملحوظ و تدريجي
✓ طيب إمتا أعرف إن الحزن إتحول لإكتئاب..؟
– إذا إستمر أكثر من إسبوعين..
✓ إيه هي أكثر مظاهر الإكتئاب شيوعا..؟
- – فقدان الرغبه ف ممارسة النشاطات اللي بيكون الفرد متعود يعملها يوميا
- – الشعور بالحزن المستمر لمده طويله
- – الشعور بفقدان الأمل
- – نوبات بكاء دون سبب واضح خصوصا في ساعات الصباح الباكر
- – إضطرابات في النوم
- – صعوبه ف التركيز
- – فقدان الشعور بقيمة الذات
- – الأفكار الإنتحاريه أو محاولة الإنتحار
- – الإصابه بالصداع المزمن أو ألم الظهر دون وجود مرض عضوي يستدعي ذلك
✓ إيه هي أسباب الإكتئاب..؟
<< عوامل كيميائيه حيويه >>
- – تغيرات كيميائيه جذريه في الدماغ
- – خلل ف النواقل العصبيه
- – خلل ف الهرمونات
<< عوامل وراثيه چينيه >>
– وضحت بعض الدراسات إن مرضي الإكتئاب ليهم تاريخ عائلي مصاب بنفس المرض
<< عوامل بيئيه >>
- – كآبة المزاج خلال سنوات الشباب
- – الفقر المادي و الإجتماعي
- – وفاة أحد المقربين
- – المرور بأزمات نفسيه شديده
- – تعاطي المخدرات أو التدخين
- – إستخدام أدوية ضغط الدم أو الأقراص المنومه لفتره طويله
- – إنتقاد النفس أو التشاؤم أو قلة إحترام الذات
✓ مشاهير أصيبوا بالاكتئاب..
• داليدا
• سعاد حسني
• جيم كاري
• أبو حيان التوحيدي
✓ نصائح لمرضي الإكتئاب..
– ضرورة زيارة مختص
– ممارسة الرياضه بشكل منتظم
– عبر عما لديك من مشاعر
– لا تعزل نفسك
– تعلم الإسترخاء
✓ نبذه عن إكتئاب ما بعد الولاده.. ?
– أكدت بعض الدراسات أن حوالي 15 ٪ من الأمهات الجدد يعانون من الاكتئاب خلال أول 3 : 6 شهور بعد الولاده و ده بيرجع لتغيرات جذريه ف الهرمونات
✓ أشهر أعراض إكتئاب ما بعد الولاده ?
– تجنب الناس و عدم الخروج من المنزل
– سرعة الغضب و الانفعال
– فقدان الشعور بالسعاده
– فقدان الاهتمام بالأمور
– الشعور بالارهاق المزمن
– صعوبه ف الإسترخاء
– الشعور المستمر بتأنيب الضمير
– عدم القدره علي التركيز
✓ إيه هو الاكتئاب الموسمي..؟
– الحقيقه إنه أشهر أنواع الإكتئاب و هو مرتبط بالتغيرات المناخيه و غالبا بيبدأ و بينتهي ف نفس الوقت من كل سنه
– بيبدأ ف الخريف و بيستمر للشتا
✓ طيب إيه هي أشهر أعراضه..؟
– النوم لفترات طويله
– فتح الشهيه مما يؤدي لزيادة الوزن
– الشعور بثقل ف الأيدي و الأرجل
✓ طيب يا تري إيه هي أسبابه..؟
– قلة التعرض لأشعة الشمس ف الوقت ده من السنه بتسبب خلل ف الساعه البيولوچيه للإنسان
– قلة التعرض للشمس بتقلل نسبة السيروتونين ف الدم و هي الماده المسئوله عن السعاده بالتالي نقصها بيسبب الإكتئاب
– التغيرات المناخيه بوجه عام بتأثر علي مادة الميلاتونين ف الدم و هي الماده المسئوله عن النوم و الحاله المزاجيه
– و بكده نكون وصلنا لنهاية فقرتنا و اللي بتعمد إنها تكون مبسطه منعا للإطاله و تجنبا لملل القارئ
و لو حد عنده إستفسار أو إقتراح يا ريت يبلغني ف كومنت ♥#Psychology_With_Fatma ♥
كتب بواسطة :فاطمة حمدى
اقرأ أيضاً: