متنوع

أهمية LinkedIn الغير مسبوقة لأي شخص

موقع من اهم واخطر المواقع علي السوشيل ميديا فيه كتير مننا اكيد سمعوا عنه وفيه ناس اكيد بتستعملوه وهو موقع linkedin بس اللي ميعرفش الموقع ده او سمع عنه بس ومجربهوش الموقع ده ياجماعه بجد كنز لو عرفت تستعمله صح هتكسب منه كتير جدا اكسب منه كتير جدا طب ازاي ؟

بواسطة | أحمد نبيل

بص ياعم الموقع ده كل اللي عليك انك تعمل ايميل Gmail وبعدين بتسجل بيه في الموقع ودخل بياناتك فيه الاسم ورقم التليفون والجامعه اللي درست فيها وتخصصك الدراسي واي كورسات او تطوعات اشتركت فيها او عملتها بمعني اصح بتبني cv لنفسك وكل ماكان الcv بتاعك كويس وشغلك ومهاراتك كتير كل ماكان ده احسن عشان كدا لو معندكش ايميل علي الموقع ده ابدء من دلوقتي اشتغل عليه طب ليه تعمل كدا اولا انت بتعمل cv ثانيا الموقع ده عباره عن سوق عمل كل اللي فيه حاجه من الاتنين اما شركات وجهات عمل متنوعه وناس بتدور علي تخصصات هي عايزاها او بتدور علي ناس تشغلها والنوع تاني وهو ناس حاطه الCv بتاعها عشان يشتغلوا ويلقوا فرص من النوع الاول وفعلا هدف الموقع ده هو حاجه واحده ان الكل يشتغل وبيساعدوا بعض جدا وبعد ماتعمل الcv بتاعك علي الموقع مهم جدا انك توسع دايره علاقاتك فيه وتحاول تضيف الناس اللي تقدر تساعدك في تخصصك ايا كان سواء موظفين دكاتره زملاء في مجال تخصصك لان ده بيديك فرص اكبر لنشر البروفيل بتاعك بين الناس اللي ممكن تكون مهتمه بتخصصك او بمجال دراستك والفرص اللي ممكن تجيلك من شركات او جهات عمل بتكون اكبر وده مش مجرد كلام عالفكره فعلا كل يوم في الموقع ده فيه ناس والله بتلاقي فرص عمل كويسه جدا فوق ماتتخيل وانت هتشوف ده لما تسجل في الموقع طب فرضا انك شغال ومحتاج ناس تشتغل معاك في تخصص معين او محتاج مهارت معينه بردو بتدخل وتكتب علي الوال اللي انت عايزه وهتلاقي ناس كتير بتقدم تختار اللي انت عايزه منهم او علي حسب المهارات اللي انت عايزها او تدور انت بنفسك بين البروفيلات وتشوف المناسب وتكلم معاه وتتفق طب في ايه تاني ممكن اكسبه من الموقع ده فيه انك ممكن تتعلم حاجات كتير جدا من الموقع كنت من فتره منزل ليا مجموعه شهادات وكانت فيه شهادات واخده من موقع lynda الموقع ده من اهم وافضل المواقع اللي بتقدم كورسات في كل المجالات اللي ممكن تحتاجها او تتخيلها ليها محتوي وبجد مفيده فوق ماتتصور مشكله الموقع ده انها بفلوس بمبلغ بيبدء من 11 دولار لما فوق فاما انك تدفع الاشتراك او انك تجرب شهر مجاني وبعدين تبدء تدفع علي طول فايه الحل ؟ الحل هو انك بعد ماتعمل ايميل عليlinkedin انك تسجل بيه في اي مكتبه امريكيه من علي النت واللي بتديك دعم مجاني عن طريق انك بتاخد ايميل من المكتبه ديه وبتسجل بيه في lynda وده بيديك فتره شهر تقدر تتعلم فيها ببلاش اللي انت عايزه ومن غير ماتحتاج انك تجدد الاشتراك بفلوس

والتفاصيل هتلاقيها في اللينك ده  – من هنا

مقالات ذات صلة

زر الذهاب إلى الأعلى
إغلاق
إغلاق