ما هو الفرق بين الاكتئاب والحزن ؟ وكيفية التفرقة بينهم

Depression!  إيه هو الإكتئاب..؟ إيه الفرق بين الاكتئاب والحزن ..؟ إيه هي مظاهر الإكتئاب..؟ إيه هي أسباب الإكتئاب..؟ 
إيه هو الاكتئاب الموسمي..؟ في المقالة دي هنتكلم عن ايه هو الاكتئاب وازاي نفرق بينه وبين الحزن.

الفرق بين الاكتئاب والحزن

إتكلمنا ف الفقره اللي فاتت عن مقدمه ف الاضطرابات النفسيه و العقليه و كتير منكم طلب إننا نتكلم عن كل إضطراب بشكل أعمق و أدق..

يا تري إيه هو الإكتئاب..؟

الإكتئاب هو واحد من أكثر الإضطرابات النفسيه إنتشارا في العالم و هو عباره عن حاله مرضيه تصيب الفرد بعد فقده لشخص أو شئ عزيز أو تعرضه لموقف أليم يستدعي الحزن.

طيب إيه الفرق بين الاكتئاب والحزن ..؟

الحزن عباره عن إنفعال مؤقت بيحصل للفرد لما بيتعرض لموقف مؤلم.
والإنفعال ده بيقل حدته مع مرور الوقت علي حسب حجم الألم النفسي و قدرة الشخص علي تجاوزه.
وبالتالي مش بيحتاج لعلاج نفسي لأنه حاله إنسانيه طبيعيه

أما الحاله الانفعاليه للإكتئاب مش بتقل مع مرور الوقت بالعكس بتتزايد بشكل ملحوظ و تدريجي
طيب إمتا أعرف إن الحزن إتحول لإكتئاب..؟
– إذا إستمر أكثر من إسبوعين..

إيه هي أكثر مظاهر الإكتئاب شيوعا لتبين الفرق بين الاكتئاب والحزن..؟

  • فقدان الرغبه ف ممارسة النشاطات اللي بيكون الفرد متعود يعملها يوميا
  • الشعور بالحزن المستمر لمده طويله
  • الشعور بفقدان الأمل
  • نوبات بكاء دون سبب واضح خصوصا في ساعات الصباح الباكر
  • إضطرابات في النوم
  • صعوبه ف التركيز
  • فقدان الشعور بقيمة الذات
  • الأفكار الإنتحاريه أو محاولة الإنتحار
  • الإصابه بالصداع المزمن أو ألم الظهر دون وجود مرض عضوي يستدعي ذلك

إيه هي أسباب الإكتئاب..؟

<< عوامل كيميائيه حيويه >>

  • تغيرات كيميائيه جذريه في الدماغ- خلل ف النواقل العصبيه
  • خلل ف الهرمونات << عوامل وراثيه چينيه >>
  • وضحت بعض الدراسات إن مرضي الإكتئاب ليهم تاريخ عائلي مصاب بنفس المرض


<< عوامل بيئيه >>

الفرق بين الاكتئاب والحزن
  • كآبة المزاج خلال سنوات الشباب
  • الفقر المادي و الإجتماعي
  • وفاة أحد المقربين
  • المرور بأزمات نفسيه شديده
  • تعاطي المخدرات أو التدخين
  • إستخدام أدوية ضغط الدم أو الأقراص المنومه لفتره طويله
  • إنتقاد النفس أو التشاؤم أو قلة إحترام الذات


مشاهير أصيبوا بالاكتئاب..

• داليدا
• سعاد حسني
• جيم كاري
• أبو حيان التوحيدي 

نصائح لمرضي الإكتئاب..

  • ضرورة زيارة مختص
  • ممارسة الرياضه بشكل منتظم
  • عبر عما لديك من مشاعر
  • لا تعزل نفسك
  • تعلم الإسترخاء
الفرق بين الاكتئاب والحزن

نبذه عن إكتئاب ما بعد الولاده..

أكدت بعض الدراسات أن حوالي 15 ٪ من الأمهات الجدد يعانون من الاكتئاب خلال أول 3 : 6 شهور بعد الولاده و ده بيرجع لتغيرات جذريه ف الهرمونات

أشهر أعراض إكتئاب ما بعد الولاده 

  • -تجنب الناس و عدم الخروج من المنزل
  • سرعة الغضب و الانفعال
  • فقدان الشعور بالسعاده
  • فقدان الاهتمام بالأمور
  • الشعور بالارهاق المزمن
  • صعوبه ف الإسترخاء
  • الشعور المستمر بتأنيب الضمير
  • عدم القدره علي التركيز

 إيه هو الاكتئاب الموسمي..؟

الحقيقه إنه أشهر أنواع الإكتئاب و هو مرتبط بالتغيرات المناخيه و غالبا بيبدأ و بينتهي ف نفس الوقت من كل سنه بيبدأ ف الخريف و بيستمر للشتا 

طيب إيه هي أشهر أعراضه..؟

  • النوم لفترات طويله
  • فتح الشهيه مما يؤدي لزيادة الوزن
  • الشعور بثقل ف الأيدي و الأرجل
الفرق بين الاكتئاب والحزن

طيب يا تري إيه هي أسبابه..؟

– قلة التعرض لأشعة الشمس ف الوقت ده من السنه بتسبب خلل ف الساعه البيولوچيه للإنسان

– قلة التعرض للشمس بتقلل نسبة السيروتونين ف الدم و هي الماده المسئوله عن السعاده بالتالي نقصها بيسبب الإكتئاب

– التغيرات المناخيه بوجه عام بتأثر علي مادة الميلاتونين ف الدم و هي الماده المسئوله عن النوم و الحاله المزاجيه.

و بكده نكون وصلنا لنهاية فقرتنا و اللي بتعمد إنها تكون مبسطه منعا للإطاله و تجنبا لملل القارئ 

كتب بواسطة :فاطمة حمدى

اقرأ ايضاً:

7 خطوات لتعزيز الثقة بالنفس و أهم كتب الثقة بالنفس pdf

طرق تطوير مهارات التواصل وتنميتها

طرق من اجل علاج التسويف ومشكلة التأجيل والمماطلة