10 طرق بسيط للحصول علي حياة افضل

اكتر بوست فادنى ف حياتى..  كان سؤا ل عن ايه اهم 10 حاجات اعملهم دلوقتي علشان احصل علي حياة افضل؟ كانت اجابات الناس مختلفة هنبين اهمهم.

التخطيط الناجح، العزيمه علي تنفيذ الخطط المراد تنفيذها، تجديد العزيمه وقت الضعف، العمل علي اكتساب مهارات ، التعلم المستمر لأن الحياه عبا ه عن علام و الله اعلي و اعلم.

10 طرق بسيط للحصول علي حياة افضل

اول رأي

  • اولا تلتزم بالعبادات اللى عليك، ورضا اهلك طبعا

تحدد اولوياتك ايه ،لو لسه طالب اعمل جدول ليك ،اتطوع فى اماكن كتير ،هتكتسب خبره.
وكذلك اللى مخلص كليه ،شوف بتحب ايه وشغوف بايه واعمله،تابع ناس مؤثره علشان هتاثر عليك.
اي فرصه تيجي لازم تستفيد منها علشان الندم وحش جدا اتعلم حاجات كتير جديده ،اهتم باللغه الانجليزيه ،واتصدق، كفايه كده.

  • كن ممتناً دائماً.
    ولا تستعجل ولو رأيت من قبلك سبقوك.
  • قسم وقتك بين القرب من الله وبر الوالدين و تحديد هدف واضح و التحكم ف المشاعر والحاله الصحيه و العلاقات الشخصيه والمهنيه واداره الوقت والقراءه والتعليم المستمر.

خد ساعتين ف اليوم تعلم ذاتي قسمهم ع ربع ساعه يعني ربع ساعه تسمع فيديو تتعلم لغه اجنبيه.
ربع ساعه تحفظ فيهم آيتين وتصلي بيهم فروض اليوم منها تحفظ ومنها هتتقن صلات
وتركز فيها ربع ساعه رياضه حتي لو جري بس ربع ساعه فيديو تحفيزي وهكذا ع حسب اولوياتك.

  • عد إلى الله واقسم له على العوده بعد كل غيبه
  • تصالح مع نفسك وكلما أخطأت لا تجلدها بالعتاب بل قف وانظر للموقف كالمتعلم منه
  • العالم ليس بذلك السوء فقط عامل الناس بالإحسان ولا تنتظر الجميل تكن أسعد الناس فالحياه مليئة بالأشياء التي يجب أن تجربها
  • أنت مهم ليس بقدر اهتمام الناس بك بل بقدر ما ترى نفسك
  • اقرأ ثم اقرأ وأهم الأشياء التي يجب أن نتعلمها مهما كان تخصصك (مهارة التخطيط_القيادة والتفويض_اتخاذ القرارات_الكمبيوتر_اللغات)
  • ابني شبكه مع الرموز في تخصصك
  • لابد وأن تكون شخص متعلم متدرب ولا تكفي احداهما

تاني رأي

من رقم ١ لغايه رقم ٩ الاهتمام بالقران ، تدبر و قراءه و تفسير لأن و الله و الله كتاب الله تعالى و كلامه الطيب فيه الفلاح و النجاح في الدنيا والآخرة
رقم ١٠ بقي تتلخص في السعي علي حلمك مع الأخذ بالاسباب و التوكل علي الله
جزاكم الله خيرا

ثالث رأي في 10 طرق بسيط للحصول علي حياة افضل

1) تصلي وتقرب من ربنا ..
2 ) المواظبة والاستمرار ف اى حاجة مهما كانت بسيطة
3 ) تعامل الناس كلها ب لين وطريقة كويسة .
4 ) تصلح علاقتك ب اهلك واصحابك
5 ) تعمل خير كتيير وتساعد الناس .
6 ) تحدد لنفسك اهداف وتحاول توصلها ..
7 ) تخلي لنفسك حاجة عايش عشانها وتصحي كل يوم تعملها وانت مبسووط .
8 ) تقرأ كتير وتثقف نفسك
9) تنمى مهاراتك .. وتطور نفسك .
10 ) اخر حاجة واهم حاجة انك تسعي كل يوم انك تبقي احسن من اليوم اللى قبله

رابع رأي

  • بطل تسويف
  • خطط صح
  • تدرج في الوصول لاهدافك
  • ركز على كل هدف لوحدة
  • اعمل إلي انتا شايفة صح
  • حاول تستغل كل فرصة تجيلك
  • ابدأ اتعلم كل فترة او كل يوم حاجة جديدة
  • استفيد من تجارب غيرك ليست عيب سواء فاشلة لتجنبها او ناجحة للسير علي نحوها
  • اول الطريق هو اصعب الطريق،أبدأ صح
  • احسب المكاسب والخساير لو ما بدأتش
    وأخيرا وكما قال سيد ولد أدم رسول الله صلي الله علية وسلم
    أحرص علي ما ينفعك واستعن عز وجل ولا تعجز

خامس رأي

ونكمل تاني الكومنات كتير جدا بس حلوين

١)وضع النية فقرارك سوف يستقبله عقلك الباطن ويدفعك لتنفيذه
٢)استعن بالله ولاتيأس فاصبر لحكم ربك فإنك باعيننا
٣)حدد هدفك وضع جدولا فهذه اول خطوة للنجاح
٤)اتعلم تقول( لا ) لكل اللي هيضيع وقتك وركز في الاولويات
٥)نوع في اهدافك لكي لاتمل  واسمع فيديوهات تحفيزية والعب وافرح مع الاطفال ورخم ع اي حد بتحبه 
٦)اهتم بمجالك اكتر فالشهادة لاتكفي
٧)اتعلم كل يوم حاجة جديدة ولو صغيرة واتعلم لغة جديدة او قوي نفسك في لغتك فما ذاد عن ١٥يوم اصبح عادة
٨)شارك في عمل تطوعي وخلي ليك بصمة وأثر فسيتباهي بنا امام الامم
٩)لاتلوم احد علي حالك فكلنا بشر ونحتاج لمن يساعدنا
١٠)اكتب كل حاجة سبب في ضياع نجاحك واعمل عكسها وكمان ارجع اكتب اللي هتعمله لان عقلك بيتعامل مع الايجابي اكتر

سادس رأي في 10 طرق بسيط للحصول علي حياة افضل

قد تعجبك هذه المقالات

ودا كومنت لازم يكون في البوست : علشان الانسان يعيش حياة افضل فيه ثلاث جوانب لازم يكونوا فى عين الاعتبار:

1- العلاقة الودودة مع الله

وتشمل ( الصلاة علي اوقاتها واذكار الصلاة ه شى اكيد قراءة ماتيسر من القران مع تدبر اية من كل صفحه وصفحه من كل جزءاذكار الصباح والمساء واخرا قيام الليل والاستغفار والقراءة في السيره ).
هذا وقد يزيد البعض وقد يقل ولكن اللهم استعملنا ولا تبدلنا .

2- تطوير الذات

وذلك بتحديد شغفك ومجالك يكون واضح علشان كل لما الهدف يكون واضح بيسهل الطريق جدا.
وبعد ما احدد هعمل ايه لازم حتما هقوم اقتحم الامر واخد خطوة ايجابيه تجاه تحقيقه.
غير كده لو كسلت او موصلتش يبقي حاجه من الاتنين ياما ده مش شغفك يا اما مش شغفك.
وثانيا لو شغفك ملوش علاقه بالدراسه يبقي تركز علي الاقل في الدراسه تطلع بتقدير وتمارس اللغه جنبها علشان تقدر تمارس وتطلع علي الثقافات الاخرى بشكل سلس .

3- الصحه والوقت والتطوع والنزول في ميدان المعركه من بدرى

متستناش الوظيفه تجيلك انزل اسعي ليها لاننا عايشين في مصر وكتير هتيجي علي صحتك.
فعادي كمل انا باجي كتير عليها الحمد لله ومش قادره اكمل ههههههه .
الصحه زي الاكل والنوم وهدوء التفكير بيساعدوا للوصول بشكل جيد لانهم الوقود التاني بعد علاقتك بربنا لاستكمال المسيرة وقبل ماانسي اياك ونسيان دعوة من والديك كل صباح .

حياة افضل

سابع رأي في 10 طرق بسيط للحصول علي حياة افضل

قرب من ربنا اكتر ، اقرا ، حب نفسك ، حارب وعافر لتحقيق حلمك ، قرب من عيلتك واصحابك والناس اللى بتحب تكون معاهم .
طور من مهاراتك ، العب رياضه ، ثق ،فى الله وفى نفسك ، خليك فاكر ان مفيش مستحيل وان كل شئ ممكن اذا آمنت بيه.

دور على شغفك وافعل ما يسعدك ولا يغضب الله ، وفى النهايه واهم شئ احمد الله على ما اعطاك وما منع عنك

حياة افضل

خليك قريب من ربنا مهما حصلك من ظروف, اقرأ اقرأ اقرأ, التعلم الذاتي يوميا, تابع المواقع المهمه زي Quora.

اتعلم رياضه جديده, متضيعش وقتك مع الناس التافهه, اتعلم برمجه, كون شبكه علاقات كويسه ,اتطوع في انشطه, ارضي والديك.

ثامن رأي في 10 طرق بسيط للحصول علي حياة افضل

حياة افضل
  • تحافظ على الصلاة بانتظام وفي اوقاتها
  • تستغفر ربنا 100 مرة يوميا و تنتظم على الاذكار واهمها اذكار الصباح
  • تقرأ وجه(صفحة) من القرأن بتفسيرها(التفسير بيفرق جدا في نظرك لحياتك)انا قعدت ادرس تفسير في المدرسة لمدة 3 سنين بس لحد دلوقتي كل مرة بقرأه فيها تاني بكتشف حاجات جديدة جدا لاول مرةوبتبهرني دايما
  • تمارس رياضة يوميا ولو تلت ساعة
  • تتفرج على ڤيديو TED كل يوم بيبقى زي جرعة من الالهام والحماس ومعظم الوقت بيبقى فيه معلومات مهمة جدا دونها واستفاد منها
  • اعمل كل يوم وقت لنفسك اسمه ساعة تميز ودة تعمل فيه حاجة انت بتحبها بعيدا عن السوشيال ميديا زي القرأة ، الرياضة… وكدة انا نفسي برسم فيه علشان انا بحب الرسم وممكن تنمي في مواهبك ودة بيفرقك جدا في نفسيتك يوميا
  • خد كورسات اونلاين في الشريعة هتفرق جدا في طريقة تفكيرك ونظرك للحياه زي دورة ما لا يسع المسلم جهله على اليوتيوب ودي بتدرس فيها الحاجات اللي مينفعش تبقى مسلم وتبقى مش عارفها وهي عبارة عن 11 محاضرة بس
  • تتعلم وتقرأ كتب عن الTime Management وتصحى بدري في معاد الفجر كل يوم وهتلاقي وقت كتير جدا تعمل كل الحاجات اللي عايز تعملها لان ربنا بيبارك في الوقت بتاع الصبح دة جدا
  • تبعد عن الناس قدر الامكان لما يكون مفيش حالة طوارئ هما محتاجينك فيها وتعمل لنفسك personal space
  • واخيرا دي نصايح افادتني جدا (بدلا من البحث عن النجاح ، اصنع عادة ناجحة)
    (النجاح هو نتيجة لتغييرات بسيطة تقوم بها مع الوقت)
حياة افضل

اخر رأي

  • تقرا كتب علمية وبالذات الفيزيا والنظريات الحديثة
  • اقرا قران وجمع الايات الخاصة بالكون وبداية الخلق وحث الاله ع التدبر في بداية الخلق
  • حاول تصلي .
  • لازم تتعلم حاجة خاصة بال cs اللي هو علوم الكمبيوتر او ادرس ويب او اعرف معلومات عن كل مجال فيه عموما.
  • حطلك target كل سنة تحققه .
  • اقرا كتب عن الذكاء الاصطناعي AI
  • اتفرج ع مسلسلات اجنبي كوميدي وعلمي وهكر والنوع اللي تحبه .
  • اهتم بال english بالنطق وكل حاجة ولو حتي بتحضر للايلتس
  • خش اعمال خيرية زي رسالة وانشطة طلابية
  • خليك مستقل واتعامل مع ثقافات مختلفة او ناس مش نفس عاداتك، واتعلم تتعامل مع اللي انت مش متوقعه من غير عصبية
  • اهتم بجسمك واكلك
حياة افضل

وفي الاخر اهم نصيحة .. صلي و اسجد .. اسجد … السجود من اعظم النعم اللي بنستهين بيها.. ادي السجود حقه .. و اسجد طالما تقدر… في ناس بتحلم انها تسجد

ربنا يوفق كل واحد عنده حلم انه يحققه ويسعده في الدنيا ويكرمه في الآخره هو وكل احبابه 

اخر حاجه احب اقولك النصايح كتير جدا اختار اللي يناسبك انت ويوافق معتقداتك وقيمك ماتسلمش دماغك لحد

كتبه / محمود عثمان

اقرأ ايضاً:

تلخيص كتاب أربعون أحمد الشقيري : خواطر الشقيري في العزلة
طرق تطوير مهارات التواصل وتنميتها
افضل كورس تعليم اللغة الانجليزية و كيفية التقدم في مستواك اللغوي