خطوات تتلعم بيها ازاى تحسن نطقك .

خطوات تتعلم بيها ازاى تحسن نطقك و تتكلم زى الأجانب بالظبط، الموضوع مش صعب خالص بأسهل السهولة توصل للحاجة اللي انت عاوزها بس انت فكر صح وخلي عندك آمل انك ف يوم هتوصل للي انت عاوزة #انت_قدها

#شيّر_لغيرك 

من اهم الاسباب اللى بيعتمد عليها تقييم الناس للانجليزى بتاعك اذا كنت ف شغلك او حتى مع اصحابك هو النطق علشان كده لازم يبقى النطق بتاعك سليم و مخارج الالفاظ بتاعتك واضحه .

قبل كل حاجه لازم تحدد اذا كنت هتتعلم American accent ولا British accent

تعال اقولك اسهل 7 خطوات تتعلم بيها ازاى تحسن نطقك و تتكلم زى الاجانب بالظبط:

1) اهم حاجه لازم تتعلم صوت كل حرف بيتنطق ازاي Phonetic Alphabet و تعرف الفروق بينها و تعرف ازاى تنطقها زى الاجانب
ده لينك هيساعدك انك تعرف كل الاصوات اللى فى الانجليزى من هنا

2) نبره صوتك بتأثر على اللى ادامك دى حاجه كده اسمها Intonation دى معناها انك تعلى صوتك ف جزء من كلامك علشان اللى ادامك يركز معاك اكتر او تتكلم بنبرتك العاديه زى باقى الكلام .حاول انك تعمل ميكس بينهم علشان مش يبقى كلامك كله بصوت عالى فتزعج اللى ادامك او تتكلم بنفس النبره فده يسبب ملل.

3) تعمل Stress على الكلمه معانها ان كل كلمه ف الانجليزى مقسومه لاجزاء اجزاء بيضغط عليها و اجزاء تانيه لا علشان تتنطق صح. وده ممكن تعرفها عن طريق قاموس قوى زى Oxford او Cambridge ودي اللينكات بتاعتهم
 من هنا   و   من هنا

4) صوتك وحش مش مهم خالص المهم انك هتغنى علشان تتعلم .الخطوه دى اسمها Train your ears.
واسهل طريقة علشان تعمل ده انك تسمع حاجة انت بتحبها فيلم بقى كارتون او اغاني مش فارقة الفكرة ان ده بيخليك تتدرب على الـIntonation لان مش كل الكلام بنفس النبره و كمان بتتدرب على Stress فبتحفظ الكلمات بالطريقه الصح وكمان بالا Accent بتاعتها.

5) ياريت تكون بتحب القرايه لانها هتساعدك كتير بس متقرأش بعنيك بس وعلشان اسهل عليك الموضوع ده لينك لقصص مسموعه تساعدك ع تحسين نطقك من هنا

6) اعمل List اكتب فيها كل الكلمات الجديدة عليك ودايما حطها في جمل كتير واقراها باستمرار لأن حفظ الكلمات بيكون اسهل لما بتبقى في جمل.

7) لازم و مهم جدا انك تتكلم معظم الوقت English مع اي حد علشان تصححوا لبعض ولو ملقيتش اتكلم مع نفسك في المراية  .. المهم انك تتكلم.

#منشن_حبايبك 

Mahmoud M Osman