انجليزي

دروس لتعلم اللغة الإنجليزية zAmerican English مجانا

ده مدرس مصري اسمه ابراهيم عادل، بيقدم دروس مجانية لتعلم اللغة الانجليزية على قناة اسمها zAmerican English
قدر يوصل لمليون مشترك في 9 شهور وده رقم قياسي على مستوى العالم في القنوات التعليمية على اليوتيوب.
أنا عارف إنك زهقت من كتر القنوات الكتيرة اللي بتعلم انجليزي، وإنك بتبدأ بعزيمة وبعدين تسيبها وتدور على قناة تانية
لكن القناة دي مختلفة عن أي قناة قابلتك قبل كده
ركز معايا 5 دقايق بس وبعدها مش هتحتاج حاجة تاني في الانجليزي بإذن الله.

مستر ابراهيم عادل عامل القناة مستويات بداية من الصفر، أول مستوى خالص هتلاقيه فيه كورسات للمحادثة وللاستماع وللقواعد وللكتابة، مغطيين أهم النقاط في اللغة الإنجليزية، ادخل على أي مستوى فيهم وخد حلقة واحدة في اليوم، مدتها 10 دقايق في المتوسط، ممكن تسمعها في أي وقت.
وممكن تنقل من كورس إلى كورس ما دمت في نفس المستوى. يعني فرضًا بدأت بالحلقة الأولى في كورس الاستماع، ممكن بكرة تاخد الحلقة الأولى في كورس المحادثة، وبعده تاخد الحلقة الأولى في كورس الكتابة، وهكذا.
طالما كلهم في المستوى الأول، وبعد ما تخلص كل الكورسات اللي في المستوى الأول ممكن تنقل على المستوى التاني بنفس النظام، بحيث ما تخلصش المستوى الأول إلا وأنت متقن المحادثة والاستماع والكتابة والقراءة اللي فيه
أسلوب إبراهيم عادل بسيط جدًا لكنه مباشر وبيخش في المفيد على طول، ومنظم، هتلاقي قوائم التشغيل في القناة عليها كل الكورسات مترتبة من الأول للآخر
ومهما كان مستواك في الإنجليزي وعن تجربة القناة دي هتعرفك حجات مكنتش تعرفها قبل كده
وفي تطبيق ليها على الأندرويد بنفس الاسم Zamerican English هتلاقي عليه كل الدروس واختبار بعد كل مستوى (وده لازم بوست لوحده).

في الآخر هتفق معاك اتفاق، ابدأ في القناة دي من النهاردة وأنت قاعد في البيت وبعد 3 شهور من دلوقتي (مش 6 كمان) ، أنا واثق إن كل حاجة هتكون اتغيرت.

القناة العربي وصلت للمليون التاني في 5 شهور يعني نص الوقت بتاع المليون الأول، ودلوقتي تخطت 2.2 مليون مشترك ومجموع مشاهدات 87 مليون مشاهدة، وفي أقل من سنة ونص، والسبب إن مفيش أي قناة أجنبية بتعمل الشغل اللي الراجل ده بيعمله بالطريقة دي وبيقدمه مجانًا لكل الناس.

1- ده لينك القناة أول ما تفتحه هتلاقي ترتيب الدروس وازاي تبدأ معاه:

من هنا

2- وده لينك التطبيق

من هنا

مقالات ذات صلة

زر الذهاب إلى الأعلى
إغلاق
إغلاق