إزاي تكون ناجح في 10 خطوات

إزاي تكون ناجح في 10 خطوات :-

كتير من الناس لما بيحاولوا يحققوا حاجه ومتحصلش بيحسوا ان النجاح فيها شئ مستحيل،
بس لو كان في خطوات بسيطه تساعد علي النجاح هيكون دا حل كتير من المشاكل بتاعتنا ،
عشان كده في البوست ده هقولك اهم 10 نصائح لـ Richard Branson مؤسس شركة Virgin :

– خليك ورا حلمك ، شاركه في حياتك ، خليه أهم اولوياتك

كتير من الناس عندها أفكار عظيمه ، لكن مش الكل بيحاول يطبقها

– خليك الفارق الإيجابي في حياة الناس و خليك مصدر التغيير والخير . …

– خليك مؤمن بأفكارك ، لازم يكون عندك شغف بأفكارك وتكون قادر على إلهام اللي حواليك انهم يكونوا شغوفين بيها،

– استمتع مع التيم بتاعك واهتم به ،

اختار التيم من الناس المؤمنه بيك ، الناس الصادقه اللي تهتم بجد

– اوعي تستسلم …

لو فشلت كمل وحاول تاني .. متخليش الفشل يعطلك ولو ساعه

– اكتب قوائم للأهداف الجديدة و تحديد التحديات.

أعتقد أن أول السنه هو وقت مناسب لكتابة أهدافك للسنه دي ، لو مش هتنظم نفسك فعلياً وتكتب كل الحاجات اللي نفسك فيها ، فغالبا في احتمال أنه مع مرور الوقت ، مش هتحقق كتير منها .

– قضاء بعض الوقت مع أسرتك واتعلم التفويض

من اهم الحاجات اللي مطلوب تعملها انك تتعلم فن التفويض. لو انت صاحب شركة مثلا دور علي حد افضل منك في ادارتها ، ، وفضي نفسك انك تشوف الصوره الكبيره و تقضي وقت مع عيلتك .

– ابعد عن التليفزيون و اخرج و اعمل اي حاجه تاني بدل من انك تضيع وقت قدامه

– لما الناس تهاجمك وتقول عنك كلام مش كويس او ينتقدوك .. متحاولش تثبت انهم خطأ

اتعلم فن التجاهل و متعملش لكلامهم قيمه

– اعمل اللي تحبه واللي بيثير اهتمامك فعلا ، و استمتع بالحاجات البسيطه اللي بتخلي للحياة متعه اكتر من انك تحاول تعيش في رفاهيه وتشتغل لجمع الفلوس وبس .

 

كتبه | وليد ربيعه