العلاقات العامة او ال Public Relations
فى المقالة دى هنتكلم عن مجال العلاقات العامة فسواء كنت مبتدئ فى المجال او واحد دايس فى المجال من فتره او واحد عايز يبدأ فى المجال بس مش عارف يبدأ ازاى انا هاخد ب ايدك واحده واحده لحد ما تبقا PR عالمى ان شاء الله
يالا بينا نبدأ…
ايه هو مجال العلاقات العامة
عمرك سالت نفسك يعنى ايه PR او مين فرد ال PR ده فى الشركه اللى بتشتغل فيها او التيم التطوعى اللى عندك ف الكليه؟!
لو مهتم بالتطوير من نفسك ف انت غالبا اكيد مهتم تعرف فعلا ايه هو ال PR ده
فقره جديده كل اسبوع الساعه 9م .. كل اتنين وخميس بإذن الله
هتكون بمعلومة جديده او ب زى ما بحب اسميها .. ب زتونه جديده جدا فى المجال حاجه تطورك وتحسن منك للافضل بإذن الله
نبدأ بحاجه بسيطه النهارده عشان ننتعش كده شويه
ال PR أو العلاقات العامة او ال Public Relations
=الاسم يخض شوية تحس انك داخل على وزارة الخارجية حاجه فخمه كده ..
الموضوع ابسط من كده بص يا ريس ..
العلاقات العامة دى موجودة ف اى مؤسسة من اول النشاط الطلابى لحد المؤسسات الحكومية والخاصة وحتى المؤسسات الدولية..
مهمتها ايه اللجنه دى او الاشخاص اللى بيطلق عليهم PRains ؟!
أعضاء اللجنة دى بيمثلوا حلقة وصل بين المؤسسة اللى شغالين فيها والمجتمع الخارجى ..
بيمثلوا مؤسستهم ويعرضوا أفكارها والايفينتات اللى بتعملها (لو تيم تطوعى) والحاجات اللى تميزها عن غيرها.
وتحسن صورتها عند العملاء وتوصل وجهات نظر العملاء ومدى رضاهم عن المؤسسه او عدم رضاهم عنها..
- (فى الفرق التطوعيه)
هما الافراد بيخلصوا أى اجراءات او تصاريح خاصة بأى ايفينت بيتعمل (تصريحات الامن وما الى ذلك) ..
وهما اللى بيتفقوا على الاسبيكرز اللى موجودين فى يوم الايفنت وهما اللى لهم علاقه بالتواصل معاهم وتواجدهم من بداية اليوم.
و هما اللى منهم بيكون Host الايفنت وهو الشخص اللى بيقدم ال speakers فى الايفنت.
(الا اذا الايفنت قرروا يجيبوا Host من خارج المنظمه او المؤسسه خالص ف فى الحاله دى تمام).
ولما بيكون فى booth او حملة هما اللى بيعرفوا الناس على الموضوع وبيحاولوا يوصلوا لهم الكلام ده.
بطريقة جذابة ومقنعة ف نفس الوقت (يعنى بيستخدموا ماركتينج الاوفلاين شويه) ..
فرد البى ار ببساطه فى الجزء ده بيخلى اللى قدامه ميملش وف نفس الوقت يقتنع بفكرته ويوضحها له بكل بساطه وكل واحد وطريقته الانسب فى التواصل معاه ..
هو بيكون فرد دارس كويس (Soft skills) وعارف كويس ازاى يطوعها فى خدمته فى تخليص وانجاز مهامه.
عضو الpr بيكون صورة للتيم قدام المجتمع ..
عشان كده مش اى حد ينفع يبقى <pr member> او اى فرد فى لجنة ال PR بصفه عامه ..
انت اه تقدر تحسن نفسك دايما وتتقبل فى اللجنه بس انت لو اختارت اللجنه دى لازم تبقا متاكد انك شخص عندك ايمان انك هتتغير لو فيك صفات مش لطيفه مثلا او صفات مش حاببها فى نفسك.
طب الكلام ده زى الفل ..
ازاي اكون PR
عشان ابقى بى ار ميمبر دى اعمل ايه بقا ولو عايز ابقا PR اصلا بعد ما اتخرج واتعامل واعمل علاقات كتيره فى شركات ومؤوسسات بقا اعمل ايه ؟!!
-أقولك
- أولا: لازم تكون شخص اجتماعى لبق ف الكلام .. مش بتتكسف ..
بتعرف تعرض افكارك بطريقة منظمة مشوقة مفهاش ملل .. عندك امكانيه على تطوير نفسك
حتى لو الصفات دى مش عندك لكن انت تكون مؤمن ان الظروف اللى هتتيح لك الصفات دى هتقدسها وتتعلمها منها يعنى ببساطه انت تقدر تكتسب صفات انك تكون PR - ثانياً: لازم يكون عندك مهارة الاقناع (Negotiation) ودى Business و تمويل..
ال pr اللى بيميزه عن اى حد تانى .. زى ما بيقولوا “ممكن بيبيع الهوا ف ازايز” - ثالثاً: لازم يكون عندك مرونة ف التعامل (Flexible) ..
يعرف طريقة العرض والاقناع اللى تناسب كل شخصية ..
مش مجرد انه حافظ كلمتين وبيسمعهم لا انت شخص بتعرف تدير امورك كويس و واعى لكل كلمه بتخرج منك كويس اوى اوى اوى - وعيب أوى لما تكون بتعرف تتكلم وتعرف تقنع اللى قدامك وانت معندكش معلومات كفاية عن الموضوع اللى بتتكلم عنه ..
دى نقطة مهمة جدا لازم يكون عندك معلومات وتكون قريت كتير عن الموضوع اللى انت بتعرضه.
عشان كمان تعرف النقط الايجابية والسلبية اللى فيه وتعرف هترتب طريقة كلامك ازاى (Data base) و (Networking)
حلو الكلام والموضوع شكله مفيد وانا تقريبا انفع فيه ..
بس هو انا هستفاد ايه لما ادخل كومتى ال pr ؟!
– سؤال حلو .. ممكن اقولك ان ال pr member هو اكتر واحد يقدر يستفيد ف التيم ..
لأنه بيتعامل مع زمايله ف التيم وبيتعامل مع ناس كتيره من بره التيم فبيقدر يعمل شبكة علاقات قوية بتضيفله من الناحية الشخصية والعملية والعلمية ..
ببساطه ده شغل مصغر عن شغل الشركات انك تكون فرد pr معناه انك شخص قد المسؤوليه اللى هتتحط فيها معناه انك بتعافر لاثبات نفسك للافضل دايما ..
معناه انك شخص ناضج فكريا جدا وده بيهم الشركات ..
بيحب الناس اللى بتفهم وبيحبوا يشغلوهم معاهم
= فرد الPR بيحسن طريقة تعامله مع الناس وكمان ال soft skills بتاعته بتزيد ب استمرار (Self development).
دلوقتى اقدر اقولك ان ده ملخص كويس يديك صورة عامة عن شغل ال pr ويخليك تعرف تقرر اذا كنت حابب تدخل الكومتى دى ولا لا ..
بس اعتقد ان ان شاء الله انت لو حسيت انك مبسوط وانت بتقرأ المعلومات دى ف انت تكون متاكد انك لما تدخل الكومتى دى هتبدع فيها وتطلع كل اللى جواك فيها فعلا ..
ده كان مختصر بسيط عن ال PR مختصر بسيط جدا جدا ..
عالم ال PR واسع جدا جدا فيه ابحار وتعمق اكتر من كده ..
لو عايز تفهم اكتر عنه تابع البوستز كل اسبوع فقره جديده بعنوان (وزير الPR)
فى نفس الميعاد يوم الاتنين والخميس من كل اسبوع الساعه 9م .. هتلاقى بوستين كل اسبوع عن حاجه جديده فى المجال .. دى كان مجرد مدخل بس واللى جى بعد كده اقوى بكتير بإذن الله
المفاااااجأه بقا
(تجميعة داتا ضخمه جدا جدا لاعظم الناس اللى بيقدموا محتوى على السوشيال ميديا) ..
انا شغال ليا اسبوعين على داتا تجميع مجموعه عظييمه جدا جدا من الاشخاص الافضل فى عالم السوشيال ميديا.
اللى بيقدموا اعظم محتوى ممكن تشوفه بجد فى مختلف المجالات (ماركتينج – سيلز – اتش ار – بى ار -الخخخ.) .. والناس دول كلللهم انا مجمعهم فى مكان واحد وفى لينك واحد لما تطلبه فى كومنت هبعته لك
ربنا يقدرنى على كل الاعمال وتكون خااالصه لوجه الله واقدر اساعد على قد ما اقدر
====================
اقرأ ايضاً:
طرق استثمار الوقت واستغلاله خلال جائحة كورونا
طرق تطوير مهارات التواصل وتنميتها
كورسات مجانية اونلاين في جميع المجالات لفتره محدوده من الصفر الي الاحتراف