محمد عزيزمقالات الاعضاء

كى تصبح مسوِق ناجح..

في البوست ده مش هاتكلم عن تاريخ “قِفل العشاق” ولا قصة الحُب الأولى في اليونان ولا الجسر الفرنسي لأن ده موجود على ويكيبيديا.. تقدر تعرفه بنفسك.أنا بس خطر ببالي سؤال لما شُفت الأقفال على (كوبري ستانلي في اسكندرية).. ايه اللي يخلي حاجة زي دي تَعبُر القارات و تبقى تقليد معروف و واضح المعالم و ذو شُهرة ؟كمان لقيت عندي سؤال تاني بيقول ليه البوستبتاع الدباديب الحمرا يوم ١٤ فبراير بيكون عليه إقبال و ليه كمان البوست اللي فيه صور مؤلمة بينتشر أسرع ؟الإجابة الوحيدة عندي كانت إن كل الحاجات دي بتخاطب مشاعر الجمهورو مش بتطلب منه حاجة صعبة عليه.. هي فقط بتحرك مشاعره ناحية سلوك مُعين سواء السعادة أو الحُزن.طيب نطلع من البوست ده بإيه ؟أولاًانت محتاج تدرس الجانب النفسي و الانفعالي عند جمهورك قبل ما تختار اهتماماتهم.لأني كواحد من الجمهور أكيد هاتعاطف مع طفل بيبكي أكتر من طفل بيضحك.ثانياًمفيش إعلان ناجح خالي من المشاعر.. ضروري هايستخدم رسالة تسويقية تحرك رغبات جمهوره اللي ممكن ترجمتها لمشاعر فرحة أو حزن.زي مثلاً اديداس و نايك لما بتزود إعلاناتها وقت مباريات ذوي الاحتياجات الخاصةأو إعلانات التبرُع و انتشارها في رمضان.لو ليك علاقة بالماركتينج أو بتفكر تشتغل في المجال ده خلي دايماً مشاعر و انفعالات الجمهور المستهدف عامل أساسي في خطتك و إوعى تعمل حاجة تحرك مشاعرهم في اتجاه سلبي أو تلعب على المشاعر دي بشكل سئ و إلا هاتلاقي ردود أفعال تقضي عليك و على البراند بتاعك ‏.

كتب بواسطة : محمد عزيز

مقالات ذات صلة

زر الذهاب إلى الأعلى
إغلاق
إغلاق