الجزء التاني من تلخيص كورس How learn to learn

يامساء الفل ياجماعه يارب تكونوا بخير جميعا
لو فاكرين انا كنت نزلت ليكم اول جزء من تلخيص كورس learning how to learn
نكمل الجزء التاني بإذن الله
………..
ازاي احافظ على تركيزي :_
هنتعلم نشتغل بنظام الpromodora هقلكم ازاي
ببساطه حضرتك هتظبط منبه أو هتنزل ابليكيشن الpromodora وهتبدا بمعدل ٢٥ دقيقه وهنزود مع الوقت لحد مانوصل لمده 50 دقيقه…..
في خلال الفتره دي هيكون كامل تركيزك فقط ف اللي قدامك واللي هو طبعا المذاكره أو الشغل ومقصدش الفون ولا السوشيال خالص ولو المذاكره مثلا فيها ترجمه جربوا حاجات اوف لاين….

طب هنعمل ايه بقا ف الريست
لا مش هنفتح سوشيال ميديا بردو… جربوا تتمشوا ف المكان أو تمارين استرخاء بسيطه أو حتى تتكلم مع اهلك في ألبيت لمده ١٠ دقايق وترجع تكمل تاني

طب انا بقعد ساعه في صفحه ومش قادر احفظها
هقلكم على أبسط طريقه بالنسبالي لمذاكره الأجزاء الصعبه وهي
هنجيب stick note اَو لوحه وهنقطعها مستطيلات أو دواير مختلفناش وهنكتب كل الحاجات الصعبه فيها وهنعلقها على الحيطه ونبص عليها كل يوم…

طيب بالنسبه الحاجات المتشابهه بيبقوا سلطه في دماغي ازاكرها ازاي!؟

ببساطه هنجيب ورق عريض وهنعملهم على شكل مقارانات ودي هتسهل جدا الحفظ وبالمناسبة اللي هتكتبه بايدك هو اكتر حاجه هتفتكرها

طيب وبالنسبه للاسباب ولا النتايج والأم وعيالها هحفظهم ازاي
ببساطه هنخد من كل جمله كلمه او من كل كلمه حرف على حسب اللي بنحفظه وهنكون بيها حاجات تكون مالوفه بالنسبالنا وأظن دي معظمكم عارفها

آخر نقطه دي من عندي
فيه ناس كتير بتقول قبل المذاكره نملي معدتنا كويس عشان نركز لا ياجماعه احنا بنملي معدتنا عشان نعطل مخنا مش هقلكم متكلوش ولكن هناكل حاجات خفيفه جدا وعصاير لأنه ببساطه لما بناكل الدم بيتسحب جزء كبير منه للمعده عشان عمليه الهضم يرضيكم بقا مخكم يبقا معندوش دم ..اكيد لا،

كدا غالبا فاضل جزء في الكورس ده ويكون خلص ونبدأ في غيره بإذن الله ياريت تمنشنوا لصحابكم وخصوصا طلبه ثانويه عشان فيه ناس كتير سألتني واتمنى تكونوا استفذتوا ولو بمعلومه

لينك الكورس :-   من هنا
دمتم بخير

كتبه :- علياء السيد