كيف تغير عاداتك مع الكاتب جيميس كلير ..؟
في المقالة دي هنتكلم عن كتيب الكاتب جيميس كلير كتبه عشان يشرحلك كيف تغير عاداتك والعادات بشكل عام, واحنا هنلخص كل ده.
” من السهل أن تخدعك قصص النجاح الرائعة أنه يمكنك فعل الكثير في وقت قليل “
كيف تغير عاداتك ؟
_ غير عاداتك
دة عبارة عن كُتيب مجاني نشره جيمس كلير بيتكلم فيه عن العادات بشكل عام والكتيّب كان محتوي على عدّة أفكار مهمة حول العادات ..وحاولت أختصره هنا
في الأول جيمس كلير بيقولنا أنه في الغالب بنعتقد أن النجاحات الكبيرة اللي بنسمع عنها بتحصل بين يوم وليلة ..
ودة غلط لأن قبل ما نشتغل حتى على مشروع معين فلازم يكون في مجموعة من العادات اللي بتمارسها هي اللي أهلتك للعمل على المشروع ووصلتك لنجاحه ..
والعادات دي على اختلافها من شخص للآخر فالالتزام بيها أو بنائها بيتبع خطوات محددة غالبًا ” أيوة اللي هي اي بقا ؟! “
عشان تلتزم بعادة معينة فإنت محتاج تمشي على ٣ أنماط:
النمط الأول ” مُذَكّر “
يعني اي ..
المذكر أو المنبه دة عبارة عن شيء بيفكرك بالعادة دي عشان تعملها وممكن يكون جدول تمشي عليه وممكن يكون عادة تانية أساسية فتربطهم ببعض.
ناخد مثال عشان نفهم أكتر :
لو انت عايز تتعود على استخدام خيط الأسنان فإنت ممكن تخلي خيط الأسنان جنب الفرشاة وكل ما هتستخدم الفرشاة هتفتكر خيط الأسنان ..
ودي عبارة عن عادة أساسية نبهتك أو فكرتك بالعادة الجديدة .
النمط الثاني ” منهج ”
ودة عبارة عن السلوك او العادة اللي بتقوم بيها وبيقولك هنا أن مش بالضرورة تنجز شيء كبير خلال اعتيادك عليه
ناخد مثال خيط الأسنان عشان نفهم أكتر ..
في ناس عشان تتعود على استخدام خيط الأسنان بتنضف كل يوم ” سنة واحدة بس ” مش أسنانهم كلها .. معقول !!
آه والله لأن المهم هنا هو اعتيادك على الشيء نفسه ..
بعد ما تتعود ابقى طور من نفسك وعزز نواتج العادة ..
النمط الثالث في كيف تغير عاداتك ” المكافأة “
بيقولك هنا متربطش العادة بمكافأة خارجية يعني مثلا متقولش هستخدم خيط الأسنان عشان ماما تجيبلي هدية ..
لأن لو المكافأة الخارجية وقفت فالتزامك هيتأثر عشان كدا حفز نفسك وشجع نفسك بنفسك حتى لو مجرد حديث مع الذات ..
طب احنا هنقضي حياتنا نبني في عادات جيدة والعادات السيئة نخليها عادي ؟!
لا طبعًا نحاول نغيرها .. طب ازاي
الجزء دة في الكتيب كان مختصر وما أقنعنيش الصراحة بس هقوله برضه يمكن يقنعكم
بيقول إن العادات السيئة بيكون ليها سببين رئيسيين وهما الضجر والإجهاد ولو عرفت تتعامل مع السببين دول بشكل صحيح فإنت كدا بتتجنب عاداتك السيئة قدر الإمكان ..
وفي كام حافز بيساعدوك انك تتخلص من عاداتك السيئة زي :
١_ انك تستبدلها بعادة مفيدة
٢_ تبعد عن المسببات أو الحوافز اللي بتخليك تلجأ للعادات السيئة دي
٣_ تتعاون مع شخص بيعاني من نفس المشكلة
٤_ تتخيل نفسك بعد ما تتخلص من عاداتك السيئة دي هتبقى عامل ازاي ” تخيل النجاح “
بس كدا ..
رابط تحميل الكتيب :- من هنا
“نَغدو رُفاتًا ويبقَى الأَثر ”
كتبه :- أميرة حسين
اقرأ ايضاً: