متنوع

خريطة انتشار كورونا في العالم

تفاصيل مرض كورونا والتطورات الأخيرة (مكتوب يوم 25 يناير)

بدأ موضوع فيروس كورونا {ليه أسماء تانية زي متلازمة الشرق الأوسط التنفسية وشبيه السارس وسارس السعودية} في السعودية مدينة جدة لما اكتشفه طبيب مصري اسمه “علي محمد زكي” المتخصص في علم الفيروسات وماتت أول حالة عرفنا بيها مرض كورونا

ودة سنة 2012 ومن ساعتها واتبلغ عن وجود المرض ده في 27 دولة كتير منهم من الشرق الأوسط وحالات تانية نقلوا المرض من عندنا برضوا

المرض أصله حيواني بينتقل من الحيوان والإنسان ولكنه اتضح إنه بينتقل برضوا عن طريق الإنسان المصاب بالمرض ده ولكن العدوى بين البشر بتكون عن طريق المخالطة عن قرب زي مثلا الرعاية السريرية لمريض بدون إتخاذ إجراءات السلامة المناسبة

وعلشان المرض أصله حيواني ف منظمة الصحة العالمية بتوصي أي شخص يخالط الحيوانات سواء في حظيرة أو غيره إنه يتخذ التدابير اللازمة زي حرصه على غسل إيده قبل ملامسة الحيوانات وبعدها كويس واستهلاك المنتجات الحيوانية بعد الإجراءات الصحية المناسب زي البسترة والطهي الجيد

ومعلومة عالماشي بعض حالات الكورونا لا يظهر عليها أي أعراض

طب لإيه اللي صحى الموضوع تاني؟ الصين قفلت تقريبا 8 مدن عدد سكانهم 25 مليون بسبب موت حوالي 18 وإصابة أكتر من 600 وتم الإعلان عن حالات في كوريا واليابان وأمريكا

منظمة الصحة العالمية بتقول إن الموضوع حالة طوارئ صينية ومتطورتش لدرجة إنها تكون عالمية. طب الوقاية منه هتبقى إزاي؟ بعض الإجراءات الوقائية زي الحفاظ على نظافة اليدين الإبتعاد عن المصابين بالمرض وتجنب أسواق الحيوانات الحية إلا بأخذ التدابير اللازمة كما ذكرنا

السابق
شدة خطورة فيروس كورونا
التالي
الملف الكامل: فيروس كورونا