منح

تطورات فيروس كورونا

في ٨ ديسمبر ٢٠١٩ وفي مدينة “ووهان” الصينية، ظهرت أعراض فيروس غريب من أنواع فيروس كورونا، كان عدد المصابين بيها ٤١ شخص من ضمنهم حالتي وفاة “قصدي من كلمة “حالتي” شخصين اتنين”، معظم الحالات كانت لأشخاص موجودين في سوق “هوانان” للمأكولات البحرية، بعض الدكاترة قالوا إن المنطقة دي هي سبب الفيروس وتم إغلاق السوق لتعقيمه وتنظيفه وتم فحص كل اللي موجودين هناك عشان يشوفوا هم مصابين ولا لا

وفي يوم ١٣ يناير السنادي، ظهرت حالة في تايلاند لواحدة كانت عايشة في ووهان وكانت رايحة تايلاند في رحلة سياحية وعندها ٦١ سنة وظهرت عليها أعراض الحمى والقشعريرة والصداع والتهاب الحلق وراحت المستشفى وفي المستشفى قالت إنها كانت بتروح احد أسواق مدينة “ووهان” للمأكولات الطازجة ومكنتش بتروح لسوق “هوانان” بتاع المأكولات البحرية، عشان كده حكومة تايلاند عملت نظام فحص لكل اللي جاي من مدينة “ووهان”

-السلطات الصينية نشرت التسلسل الجيني للفيروس وكانت أعراض الفيروس: حمى، صعوبة في التنفس و التهاب رئوي

المصدر 1.

-خبير في الحكومة الصينية قال إن الفيروس ده ممكن يسبب متلازمة نفسية حادة “السارس”، بعد ما كان إتنين اللي ماتوا، شخص تالت كمان مات، الرئيس الصيني أمر بالاحتواء الحازم للوباء، باحثون في جامعة لندن الامبراطورية قالوا إن عدد المصابين ألف و٧٢٣ شخص عكس اللي قالته الصين إنهم ٤١ بس وإن عدد الأشخاص اللي قالت عنه الجامعة ما هو إلا عدد تقديري تم تسجيله لحد يوم ١٢، دكاترة بيقولوا إن الفيروس ده معدي بسبب إصابة اتنين من تايلاند وواحد من اليابان بس مش عارف آلية انتقال العدوي وإنه مش بس يقدر ينتقل من إنسان لإنسان ده ممكن ينتقل من حيوان لإنسان.

المصدر 1.

السابق
الملف الكامل: فيروس كورونا
التالي
رسالة الدعم المالي الأولى لكورسيرا