علياء السيد

اخر جزء من تلخيص learing how to learn course

السلام عليكم..
ازيكم يارب تكونوا بخير
معادنا مع آخر جزء في تلخيص learning how to learn course
……………..
لجنة الامتحان
لازم قبلها تكون نايم كويس جدًا..
ده بيساعد عقلك على إنه يبتكر ويفتكر بسهولة وبيزيد تركيزك حتى لو فيه حاجه قريتها من فتره كبيرة هتعرف تفتكرها على عكس لو مطبق طبعًا هيبقى دماغك معاك بس عقلك على المخدة!

مسكنا الورقة.. نبدأ نبص ونقرأ كل الأسئلة بسرعة
ده هيكون فكرة عامة عن الأسئلة في دماغك.

نظريه مخالفة شوية وهي إننا نبدأ بحل الصعب
مثلاً لو السؤال كبير هحل فيه شوية وبعدين أرجع لسؤال سهل وهكذا لحد ما أخلص السؤال الصعب، ده بيديك ثقة في الإجابة وهيسهل عليك التذكر! :))
ولكن لو موضوع الصعب ده هيسبب توتر وقلق يبقى. بلاش منه

اعصر دماغك..
بمعنى متستسلمش بمجرد ما تشوف سؤال صعب وتسيبه
حاول تفتكر بكل الطرق المتاحة وحتى لو معلومات عامة

لازم تحسب وقتك كويس جدا وتقسمه على حسب كل سؤال وتسيب وقت للمراجعة

في حاله التوتر..
هتاد نفس عميق كذا مره ورا بعض ده هيقلل من التوتر شوية.
لو الامتحان فيه Mcq خبي الإجابات واقرأ السؤال وطلع كل الإجابات بنفسك وبعدين اختار.

مهمة جدًا..
عقلك ممكن يخدعك ويخليك تراجع أكتر من مرة ومع ذلك تكتشف إنك عملت حاجة غلط مع انك عارف الصح وكمان راجعت بس منتبهتش!

قبل المراجعة حول انتباهك لأي حاجة غير الامتحان دقايق وبعدين راجع

كده الكورس خلص اكتبولي نوعية الكورسات اللي عايزينها ولو فيه أي تعليق .

كتبه | علياء السيد

مقالات ذات صلة

زر الذهاب إلى الأعلى
إغلاق
إغلاق