كتب

كتب مكتبة الأسكندريه مجاناً .

أخيراً وبعد شغل أكتر من ثلاث شهور، كتب مكتبة الاسكندرية كاملة على النت. قراءة أونلاين أو تحميل مجاناً.

يعني ده كنز حقيقي صراحة لكل الناس اللي عندها رسالة ماجستير أو أي حد حابب يتعمق في مجال معين ويقرأ عنه أكتر.
13000 كتاب مصنفين في المجالات الخاصة بيهم، ما بين “أدب -علم نفس -قصص –هندسة -لغات –تاريخ –اقتصاد –فنون –طب –بلاغة –فلسفة –روايات عالمية… إلخ“

أنا كنت أعلنت من مدة إن معايا كتب مكتبة الاسكندرية وعاوز أرفعهم على جوجل درايف.
واجهتنا مشكلة في البداية بمساحة المكتبة. لأنها كانت كبيرة 114 جيجا، وجوجل درايف بتسمع 16 جيجا فقط. بس الحمد لله لقينا الحل في ايميل الجامعة، أي إيميل آخره edu جوجل بتديلك عليه مساحة 1000 جيجا مجاني.

المكتبة كانت موجودة على النت بالفعل، بس لينكات تورنت كل لينك 30 جيجا. وبالنسبة لنا في مصر فـده هيكون صعب جدا لأي حد يحمله كله.
فـميزة جوجل درايف انك تقدر تتصفح كل كتاب قبل ما تحمله.

لكن المشكلة الأكبر كانت التعريب. كل أسماء الكتب كانت مكتوبة بالفرانكو. فكان لازم أعربهم الأول قبل ما أرفعهم عشان يكون سهل على الناس تتصفحهم. دي كانت أكتر حاجة أخدت مني وقت. دول 13 ألف كتاب!.

الحمد لله المكتبة اترفعت بالشكل اللي الواحد كان متصوره.
أتمني إنه يكون فيها بعض الاستفادة.


لينك المكتبة :
https://forurbrain.com/06/09/2019/549/

كتبه | عمر ابو المجد

مقالات ذات صلة

اترك تعليقاً

شاهد أيضاً
إغلاق
زر الذهاب إلى الأعلى
إغلاق
إغلاق