أهم 7 أدوات لازم تبقي معاك وأنت بتكتب كونتنت .
7 أدوات لازم تبقى معاك وأنت بتكتب كونتنت
1- فيدليFeedly :
دي أداه مهمة بتساعدك على قراءة المقالات والمواضيع من خلالها، وتقدر تحفظ المواضيع في List تقراها بعد كده، وتقدر تغير ألوان الأبلكيشن والمواضيع عشان سهولة القراءة، وكمان تقدر تحفظ المواضيع في فولدرات وتصنيفات عشان ترجعلها بسهولة.
2- هوت سوت Hotsuite :
أبلكيشن سهل بيخليك تدير كل حسابات السوشيال ميديا من مكان واحد، وكمان بيحللك إحصائيات الصفحات دي، وتقدر تشوف من خلال الأبلكيشن كل الرسايل والردود وتجدول الرسايل اللي عايز ترد عليها.
3- تريللو Trello :
ده من أهم الأبلكيشنز اللي بتساعدك تتواصل مع التيم بتاعك بسهولة وتنظموا الشغل سوا؛ لأنه بيخليك تقسّم التاسكات لمراحل عشان تسهّل عليك الشغل.
4- سيم راش Sem Rush :
من أهم الأدوات اللي هتساعدك تعرف الكلمات والkeywords اللي محتاجها في المقالات عشان توصل لأفضل نتايج بالمقالة اللي هتكتبها.
5- إيفر نوت Evernote :
من أهم الميمو اللي هتستخدمها في حفظ المعلومات لأنها بتساعدك توصل للملاحظات اللي هتكتبها مهما كانت فين؛ لأنك بتربطها أونلاين بالأكونت بتاعك وتقدر توصلها من لاب أو موبايل أو أي جهاز وكمان تقدر تحولها لword, excel, ppt وهكذا.
6- باز سومو Buzz Sumo :
بتساعدك تعرف المحتوى الشائع أو الأكثر تفاعل في مجال معين من خلال البحث بكلمات مفتاحية في مجالك، وهيظهرلك أكتر محتوى شائع في المجال ده.
7- جرامرلي Grammarly :
دي لتصحيح الجرامر في المحتوى الإنجلش وبيقولك إذا كانت لغتك ضعيفة أو لو في كلمة المفروض تتبدل بكلمة أقوى.
في أدوات أكتر هتساعدك تشتغل بشكل بروفشنال وهتسهل عليك كتير .. تابعنا عشان تعرفها
كتبه | ألاء قطب