نصائحالصحة النفسيةعلياء السيد

تلخيص كورس Managing depression in work place from harvard University

دة تلخيص كورس :-

managing depression in work place from harvard University

الاكتئاب :-
ما ينفعش بمجرد ما أحس بشوية حزن وانعزل يوم عن الناس أقول أنا مكتئب!

طب إمتى أقول إنه عندي بالفعل اكتئاب ؟!
لما يكون عندك ٥ أو أكتر من الحاجات اللي جاية دي
1- إحساس الحزن والعزلة لمدة أسبوعين أو أكتر.

2- إنك ما بقتش مهتم بحاجات كانت مصدر سعادة ونشاط بالنسبة لك.

3- ما فيش تركيز.

4- إرهاق.

5- نوم مش متضبط.

6- تهيؤات.

7- أفكار انتحارية.

8- الميل للعزلة.

مش بس كده، لو عندك حاجة من دول هتسأل نفسك كام سؤال ؟
هل الحاجات دي مأثرة على حياتي؟!

هل الأعراض دي مخلياني مش عارف أعمل شغلي بنفس جودته اللي كانت زمان؟

هل عقلي متأثر ومشوش بسبب الأعراض دي؟

هل اللي حواليا ملاحظين التغيير ده؟

نيجي لتاني سؤال ؟
أنا ليه لازم أروح لدكتور؟ ما أنا ممكن أتعالج لوحدي ؟
ببساطة شديدة، لأن مش كل الاكتئاب سببه نفسي أو حتى عصبي، لأنه فيه أمراض عضوية تانية كتير هتعمل أعراض الاكتئاب واللي ممكن تكون مفتاح لتشخيص حالتك.
مثال: واحد عنده أعراض اكتئاب ولما قرر يكشف اكتشف إنه عنده كسل في الغدة الدرقية!

كده أول جزء خلص وانتظروا الجزء التاني بإذن الله

 لينك الكورس من هنا .

كتبه | علياء السيد

الوسوم

مقالات ذات صلة

زر الذهاب إلى الأعلى
إغلاق
إغلاق