اخطاء في المقابلة الشخصية او المقابلة الشخصية

13 جملة ممكن يكونوا السبب إنك ماتعدّيش من الإنترفيو.

في هذه المقالة هنتكلم عن اخطاء في المقابلة الشخصية اللهي جمل ممكن نقولها من غير ما نكون واخدين بالنا… فلازم نفهم هنقول ايه ونبعد عن ايه.

13 جملة ممكن يكونوا السبب إنك ماتعدّيش من الإنترفيو

اخطاء في المقابلة الشخصية:

1- “معلش، أصل أنا متوتر شوية بس”:

من اكتر اخطاء في المقابلة الشخصية, ما فيش شركة هتهتم تعين واحد مش واثق في نفسه، حتى لو كنت متوتر اعمل نفسك واثق، بس ما تأفورش علشان ماتتفضحش.

2- “هتدوني كام بالصلاة على النبي” من اخطاء في المقابلة الشخصية انتشاراً:

لو اتكلمت في الفلوس بدري هتدي انطباع إنك جاي تشتغل علشان الفلوس بس وهيحسوا إنك مش مهتم بالشغل نفسه ودي حاجة مش كويسة. خلي الكلام عن الفلوس والاتفاق اخر حاجة خالص.

اخطاء في المقابلة الشخصية

3- “نقطة ضعفي اني بشتغل كتير أوي”:

ما تطاوعش وتتكلم عن عيوبك أو نقط ضعفك إلا لو اتسألت عنها، ولو اتسألت فكر كويس واعترف بعيوبك الحقيقية. بلاش جو أنا نقطة ضعفي إني طيبة وبثق في الناس بسرعة، أنتِ مش بنت في أولى جامعة بتلعب سبن ذا بوتيل.

4- “أنا فعلا محتاج” الشغل دا”:

طب يحنن يابني! أنت رايح تشتغل مش تشحت والشركة بتبقى محتاجة ناس حابة الشغل وعايزة تكمل في الكارير ده، مش مجرد مصدر يجيب منه فلوس وخلاص.

5- “بصراحة شغلي/مديري زي الزفت”:

تفتكر ممكن تسيب أي انطباع إيجابي لما تشتم في مديرك أو شغلك السابق؟.

6- “انا عايز…..”
ماتتكلمش كتير في أنت عايز إيه، اهتم أكتر بأنك تتكلم في قد إيه أنت هتنفع الشركة وهتفيدها، من الآخر يعني “ماتقولش إيه اديتنا مصر، قول هندي إيه لمصر”.

اخطاء في المقابلة الشخصية

7- “لا مؤاخذة بس هو الانترفيو هيخلص إمتى؟”

ما تديش انطباع للي قدامك بأنك مستعجل وعايز تمشي، الانترفيو ممكن يكون متحدد له نص ساعة بس تكون الحياة ماشية كويس فممكن يدخل في ساعة وهو مبسوط بيك، إنك تديله انطباع إنك مستعجل ممكن ساعتها يقولك طيب اتفضل، بس تأكد انك مش هتسيبه وهو مبسوط!.

8- “هو مش فؤاد شغال هنا برده؟” من اكتر اخطاء في المقابلة الشخصية شيوعاً:

أكيد مش هينبهر بيك لما تقوله إنك حابب الشركة عشان الأوفيس بوي بيقولوا بيعمل نسكافيه حكاية!.

اخطاء في المقابلة الشخصية

9- “ممكن ما أجاوبش على السؤال دا؟”:

طول ما السؤال طبيعي وفي إطار الشغل جاوب، مش دا الوقت اللي تلعب فيه بورقة ” الشاب الغامض” اللي البنات عايزين يعرفوا حكايته إيه.

10- “هو أنا ليّا كام يوم إجازة في الشهر ممكن اغيبهم؟”:

فعلا؟!، بتسأل عن الأيام اللي ممكن تقعد فيها في البيت ويبقى قبضك شغال من أول يوم شغل؟!.

11- “معلش في اللفظ يعني دي حاجة …)”:

افتكر إنك في انترفيو في شركة وما تستخدمش أي ألفاظ دارجة بينك وبين صحابك على القهوة مهما يكون الشخص اللي قدامك ودود معاك. خليك محترم جدا واوعى تستخدم “معلش يعني في اللفظ .. ” هو مش محتاج يسمع اللفظ اللي أنت بتعتذر عنه

12- “أصلي لسه مفركشة/حامل/ ظروفي الأيام دي مش قد كده” اخطاء في المقابلة الشخصية :

حياتك العائلية ومشاكلك دي تخصك لوحدك، أكيد ما تخصش الشركة اللي أنت لسه أول يوم تدخلها النهاردة.

13- “لا والله ما عنديش أسئلة، أنتو ناس فل الفل”

لما يقولك عندك أسئلة اسأل وماتتكسفش، حسسهم إنك مهتم جدآ بالشغل وعايز تعرف تفاصيل أكتر.

المصدر

اقرأ ايضاً:

كورس اللغة الانجليزية بالجامعة الامريكية مجاناً