قنوات مفيدة على اليوتيوب
بما إن القنوات كترت جدًا على اليوتيوب شرحنا ليك كام قناة يعتبروا قنوات مفيدة علي اليوتيوب، من كده ممكن يكونوا مفيدين ليك وسط زحمة القنوات الموجودة عليه.
1- قناة فهد الكندري.
عليها شوية برامج مفيدة جدًا زي “بالقرآن اهتديت” الموسم الأول والتاني والتالت، وبيتكلم عن ناس اتأثروا بالإسلام وأسلموا، وطبقوه على حياتهم.
و”تأثير السِّيرة” وده مفيد جدًا.
وبرنامج “فسيروا”. البرنامج ده عظيم، اتصرف عليه كتير والمواضيع بتاعته في مراصد أوروبية كبيرة، وهو عبارة
عن إنه يقتبس ليك آية قرآنية، ويوريلك إعجاز ربنا في الكون، وآياته الواضحة، من أجمل البرامج اللي هتحس إن الوقت عدى في أقل من ثانية من جودة التصوير وجمال المواضيع اللي منها.
وغير كده كتير، كلهم مفيدين.
2- علي محمد علي.
قناة علي محمد علي، وهي فيها 3 قوائم تشغيل أساسية:
- قائمة “علي وكتاب”: ودي غالب عليها طابع التنمية الذاتية شوية، يعني بيكلمك عن مشاكل التسويف وتطوير الذات والعادات إلخ..، وبيرشح ليك كتب فيها.
- قائمة “حتة حكمة”: وهي صغيرة في الوقت، ولكن كبيرة في الفائدة.
- قائمة “مكسرات”: وهي مكسرات عشان المواضيع بتاعتها مختلفة ومش ماشية في سياق واحد بس، ولكنها مهمة ومفيدة كذلك.
القناة دي تعتبر من قائمة قنوات مفيدة علي اليوتيوب بتعلمك إزاي تعيش وتجرب وتخسر وتكسب. إزاي تستفيد من كل حاجة في حياتك، وتبيِّن ليك العوامل بتاعت الانهيار اللي المفروض تتجنبها عشان متفشلش. هتفوقك وتفهمك حاجات كتيرة حواليك مكنتش ظاهرة ليك، مع ضرب أمثلة بالشركات العملاقة زي ياهو ونوكيا وبلاك بيري وغيرهم.
عمار بن ناصر قدِّم برنامج اسمه “نقش”، ونزل منه موسمين، كلامه مفيد جدًا على قد ما الفيديو صغير بس هتطلع بفايدة.
وده للناس اللي بتحب تاخد فوايد من غير ما تقعد في فيديو وقت طويل.
الكاتب: Abdallah salem